KA ʻEUANELIO I KĀKAU ʻIA AI E IOANE 3:2 - Ka Baibala Hemolele

² hele akula ia i o Iesū lā i ka pō, ʻī akula iā ia, “E Rabi, ua ʻike mākou he kumu ʻoe i hele mai nei mai ke Akua mai; no ka mea, ʻaʻole e hiki i kekahi kanaka ke hana i kēia mau hana mana āu e hana nei, ke ʻole ke Akua me ia.”

KA ʻEUANELIO I KĀKAU ʻIA AI E IOANE 3:2 Iomraidhean Croise

KA BUKE MUA NO NĀ ALIʻI 17:24

ʻŌlelo maila ka wahine iā ʻElia, “ʻĀnō, ma kēia i ʻike ai au, he kanaka no ke Akua ʻoe, a ʻo ka ʻōlelo a Iēhova ma kou waha he ʻoiaʻiʻo.”

KA WĀNANA A ʻISAIA 51:7

“E hoʻolohe mai ʻoukou iaʻu, e ka poʻe ʻike i ka pono, E nā kānaka hoʻi i loaʻa koʻu kānāwai ma ko lākou naʻau; Mai makaʻu ʻoukou i ka hoʻowahāwahā o kānaka, Mai weliweli hoʻi i kā lākou ʻōlelo hōʻino ʻana.

KA WĀNANA A IEREMIA 38:16

A laila, hoʻohiki malū ʻo Zedekia, ke aliʻi iā Ieremia, ʻī maila, “Ma ko Iēhova ola ʻana, ma ka mea nāna i hana i kēia ʻuhane no kāua, ʻaʻole au e pepehi iā ʻoe, ʻaʻole hoʻi au e hāʻawi aku iā ʻoe i loko o ka lima o kēia poʻe kānaka e ʻimi nei i kou ola.”

KA ʻEUANELIO I KĀKAU ʻIA AI E MATAIO 22:16

Hoʻouna maila lākou i ona lā i nā haumāna a lākou me kekahi poʻe Herodiano, ʻī maila, “E ke Kumu, ke ʻike nei mākou, he ʻoiaʻiʻo kāu, a ke aʻo mai nei ʻoe i ka ʻaoʻao o ke Akua me ka ʻoiaʻiʻo, ʻaʻole ʻoe i pāʻewaʻewa ma kā kekahi, ʻaʻole hoʻi i manaʻo i ko waho o ke kanaka.

KA ʻEUANELIO I KĀKAU ʻIA AI E MATAIO 23:7

a me ka uē aloha ʻia aku ma nā ʻaha kanaka, a me ke kapa ʻia e nā kānaka, ‘E Rabi, e Rabi.’

KA ʻEUANELIO I KĀKAU ʻIA AI E MATAIO 23:8

“Akā, ʻo ʻoukou, mai kapa ʻia ʻoukou he Rabi; no ka mea, hoʻokahi a ʻoukou Kumu, ʻo ka Mesia, a he poʻe hoahānau ʻoukou a pau.

KA ʻEUANELIO I KĀKAU ʻIA AI E MAREKO 12:14

A hiki maila lākou, ʻōlelo maila lākou iā ia, “E ke Kumu ē, ua ʻike mākou he pono ʻoe, ʻaʻole ʻoe i makaʻu i kekahi; ʻaʻole hoʻi ʻoe i nānā i ko waho o ke kanaka; akā, ke hōʻike pono mai nei ʻoe i ka ʻaoʻao o ke Akua, ma ka ʻoiaʻiʻo. He mea pono anei, ke hāʻawi aku i ka waiwai ʻauhau na Kaisara? ʻAʻole anei?

KA ʻEUANELIO I KĀKAU ʻIA AI E IOANE 1:38

Hāliu aʻela ʻo Iesū, ʻike maila iā lāua e hahai ana, ʻī maila iā lāua, “He aha kā ʻolua e ʻimi mai nei?” ʻĪ akula lāua iā ia, “E Rabi, (ma ka hoʻohālike ʻana, e ke Kumu,) ma hea kou wahi i noho ai?”

KA ʻEUANELIO I KĀKAU ʻIA AI E IOANE 10:38

“Akā, inā e hana au ia mau mea, a i manaʻoʻiʻo ʻole mai ʻoukou iaʻu, e manaʻoʻiʻo ʻoukou ia mau hana, i ʻike ai ʻoukou, a i manaʻoʻiʻo ai hoʻi, ʻo ka Makua i loko oʻu, a ʻo wau i loko ona.”

KA ʻEUANELIO I KĀKAU ʻIA AI E IOANE 12:37

He nui loa nā hana mana āna i hana ai i mua o lākou, ʻaʻole naʻe lākou i manaʻoʻiʻo iā ia.

KA ʻEUANELIO I KĀKAU ʻIA AI E IOANE 14:10

“ʻAʻole anei ʻoe e manaʻo, ʻo wau nō ma loko o ka Makua, a ʻo ka Makua nō hoʻi ma loko oʻu? ʻO nā mea aʻu e ʻōlelo nei iā ʻoukou, ʻaʻole naʻu kuʻu ʻōlelo ʻana; akā, ʻo ka Makua e noho ana i loko oʻu, ʻo ia ke hana i nā hana.

KA ʻEUANELIO I KĀKAU ʻIA AI E IOANE 15:24

“Inā wau i hana ʻole i waena o lākou i nā hana ʻaʻole i hana ʻia e kekahi mea ʻē, inā ua hewa ʻole lākou; ʻānō hoʻi, ua ʻike lākou, a ua inaina mai lākou iaʻu, a me koʻu Makua.

KA ʻEUANELIO I KĀKAU ʻIA AI E IOANE 2:11

Hana ihola ʻo Iesū i kēia hana mana mua ma Kāna i Galilaia, a hōʻike aʻela ia i kona nani; a manaʻoʻiʻo akula kāna poʻe haumāna iā ia.

KA ʻEUANELIO I KĀKAU ʻIA AI E IOANE 20:16

ʻĪ maila ʻo Iesū iā ia, “E Maria!” Hāliu aʻela ia, ʻī akula iā ia, “E Raboni;” ʻo ia kēia ʻōlelo, “E ke Kumu.”

KA ʻEUANELIO I KĀKAU ʻIA AI E IOANE 3:26

A hele akula lākou i o Ioane lā, ʻī akula iā ia, “E Rabi, ʻo ka mea me ʻoe ma kēlā kapa o Ioredane, nona āu i hōʻike ai, aia hoʻi, ke bapetizo lā ʻo ia, a ke hele nei nā kānaka a pau i ona lā.”

KA ʻEUANELIO I KĀKAU ʻIA AI E IOANE 4:31

A ma waena iho, nonoi akula kāna poʻe haumāna iā ia, ʻī akula, “E Rabi, e ʻai.”

KA ʻEUANELIO I KĀKAU ʻIA AI E IOANE 5:36

“Akā, he hōʻike koʻu i ʻoi aku ma mua o kā Ioane; no ka mea, ʻo nā hana a ka Makua i hāʻawi mai ai naʻu e hana, ʻo kēia mau hana aʻu e hana nei ke hōʻike mai noʻu, ua hoʻouna mai ka Makua iaʻu.

KA ʻEUANELIO I KĀKAU ʻIA AI E IOANE 6:2

A nui loa nā kānaka i hahai iā ia, no ko lākou ʻike ʻana i nā hana mana āna i hana ai i ka poʻe maʻi.

KA ʻEUANELIO I KĀKAU ʻIA AI E IOANE 7:31

Akā, nui nā mea o ua ʻaha kanaka lā i manaʻoʻiʻo iā ia, ʻī ihola, “Aia hiki mai ka Mesia, e ʻoi aku anei nā hana mana āna e hana mai ai, ma mua o nā mea a kēia kanaka i hana ai?”

KA ʻEUANELIO I KĀKAU ʻIA AI E IOANE 9:16

No ia hoʻi, ʻōlelo aʻela kekahi poʻe o nā Parisaio, “ʻAʻole no ke Akua kēia kanaka; no ka mea, ʻaʻole ia i mālama i ka Sābati.” ʻŌlelo maila kekahi poʻe, “Pehea lā e hiki ai i ke kanaka hewa ke hana i nā hana mana me kēia?” A mokuāhana ihola lākou.

NĀ ʻOIHANA A KA POʻE LUNAʻŌLELO 10:38

“ʻO Iesū no Nazareta, ua poni ke Akua iā ia me ka ʻUhane Hemolele, a me ka mana; nāna nō i kaʻahele e hana maikaʻi ana, a me ka hoʻōla ʻana i nā mea a pau i hoʻoluhi ʻia e ka diabolō; no ka mea, ʻo ke Akua pū kekahi me ia.

NĀ ʻOIHANA A KA POʻE LUNAʻŌLELO 2:22

¶ “E nā kānaka o kā ʻIseraʻela, e hoʻolohe mai ʻoukou i kēia mau ʻōlelo: ʻO Iesū no Nazareta, he kanaka ia i hoʻākāka ʻia iā ʻoukou e ke Akua, ma nā hana mana, a me nā mea kupanaha a ke Akua i hana mai ai ma ona lā, i waena o ʻoukou, e like me ko ʻoukou ʻike ʻana;

ʻO KA ʻEPISETOLE A PAULO KA LUNAʻŌLELO I KO PILIPI 1:14

A he nui nā hoahānau i loko o ka Haku i hoʻoikaika ʻia i kuʻu paʻahao ʻana, ua ikaika nui aʻe lākou e haʻi aku i ka ʻōlelo me ka makaʻu ʻole.

KA BUKE NO NĀ LUNA KĀNĀWAI 6:27

A laila lawe aʻela ʻo Gideona, i ʻumi kānaka o kona poʻe kauā, a hana ihola e like me kā Iēhova i kauoha mai ai iā ia. Eia kekahi, no kona makaʻu ʻana i ko ka hale o kona makua, a i nā kānaka o ke kūlanakauhale, ʻaʻole ia i hana i ke ao; akā, hana nō ia i ka pō.