KA ʻEUANELIO I KĀKAU ʻIA AI E IOANE 3:16 - Ka Baibala Hemolele

¹⁶ ¶ “No ka mea, ua aloha nui mai ke Akua i ko ke ao nei; no laila, ua hāʻawi mai ʻo ia i kāna Keiki hiwahiwa, i ʻole e make ka mea manaʻoʻiʻo iā ia; akā, e loaʻa iā ia ke ola mau loa.

KA ʻEUANELIO I KĀKAU ʻIA AI E IOANE 3:16 Iomraidhean Croise

KA BUKE MUA A MOSE, I KAPA ʻIA KINOHI 22:12

ʻĪ maila ia, “Mai kau aku ʻoe i kou lima ma luna o ke keiki, ʻaʻole hoʻi e mea iki aku iā ia; no ka mea, ke ʻike nei au, ua makaʻu ʻoe i ke Akua; no ka mea, ʻaʻole ʻoe i ʻauʻa i kāu keiki, i kāu keiki ponoʻī iaʻu.”

KA BUKE MUA A MOSE, I KAPA ʻIA KINOHI 22:2

ʻĪ maila ʻo ia, “E lawe aku ʻoe i kāu keiki i kāu ponoʻī, iā ʻIsaʻaka, i kāu mea āu e aloha nei, a e hele aku ʻoe i ka ʻāina ʻo Moria; ma laila ʻoe e kaumaha aku ai iā ia i mōhai kuni ma luna o kekahi puʻu aʻu e hōʻike aku ai iā ʻoe.”

KA WĀNANA A ʻISAIA 9:6

No ka mea, ua hānau ʻia mai, he keiki no kākou, No kākou i hāʻawi ʻia mai ai, he keiki kāne, Ma luna o kona poʻohiwi ke aupuni; A e kapa ʻia kona inoa, ʻo Kupaianaha, ʻO Kākāʻōlelo, ʻo Keakuamana, ʻO Kamakuamauloa, ʻo Kealiʻiokamalu.

KA ʻEUANELIO I KĀKAU ʻIA AI E MATAIO 9:13

“E hele hoʻi ʻoukou e aʻo i ke ʻano o kēia, ‘«ʻO ke aloha koʻu makemake, ʻaʻole ka mōhai»;’ ua hele mai nei au e aʻo aku i ka poʻe hewa e mihi, ʻaʻole i ka poʻe pono.”

KA ʻEUANELIO I KĀKAU ʻIA AI E MAREKO 12:6

“He keiki kāne hoʻokahi kāna, ʻo kāna punahele, ʻo ia kāna i hoʻouna hope mai ai iā lākou, ʻī maila, ‘E mahalo mai paha lākou i kuʻu keiki kāne.’

KA ʻEUANELIO I KĀKAU ʻIA AI E LUKA 2:14

“E hoʻonani ʻia ke Akua ma nā lani kiʻekiʻe loa, A he malu hoʻi ma ka honua; he aloha nō i kānaka.”

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 1:18

ʻAʻole loa i ʻike pono kekahi i ke Akua; ʻo ke Keiki hiwahiwa, aia ma ka poli o ka Makua, ʻo ia kai hōʻike mai iā ia.

KA ʻEUANELIO I KĀKAU ʻIA AI E IOANE 1:29

¶ A ia lā aʻe, ʻike aʻela ʻo Ioane iā Iesū e hele mai ana i ona lā, ʻī maila, “E nānā i ke Keiki Hipa a ke Akua, nāna e lawe aku ka hala o ke ao nei!

KA ʻEUANELIO I KĀKAU ʻIA AI E IOANE 10:28

a e hāʻawi aku au iā lākou i ke ola mau loa; ʻaʻole loa lākou e make, ʻaʻole hoʻi he mea nāna lākou e kāʻili aʻe mai loko aku o koʻu lima.

KA ʻEUANELIO I KĀKAU ʻIA AI E IOANE 3:15

i ʻole e make ka mea manaʻoʻiʻo iā ia; akā, e loaʻa iā ia ke ola mau loa.

KA ʻEUANELIO I KĀKAU ʻIA AI E IOANE 3:18

“ʻO ka mea manaʻoʻiʻo iā ia, ʻaʻole ia e hoʻāhewa ʻia; akā, ʻo ka mea manaʻoʻiʻo ʻole, ua hoʻāhewa ʻia ʻo ia ʻānō, i kona manaʻoʻiʻo ʻole i ka inoa o ke Keiki hiwahiwa a ke Akua.

KA ʻEUANELIO I KĀKAU ʻIA AI E IOANE 3:36

“ʻO ka mea manaʻoʻiʻo i ke Keiki, he ola mau loa kona; akā, ʻo ka mea manaʻoʻiʻo ʻole i ke Keiki, ʻaʻole ia e ʻike i ke ola; e kau mai ana ka inaina o ke Akua ma luna iho ona.”

KA ʻEUANELIO I KĀKAU ʻIA AI E IOANE 6:40

“No ka mea, eia ka makemake o ka Mea nāna au i hoʻouna mai, ʻo nā mea a pau e ʻike mai i ke Keiki, a e manaʻoʻiʻo hoʻi iā ia, e loaʻa iā ia ke ola mau loa; a e hoʻāla mai au iā ia i ka lā ma hope.”

ʻO KA ʻEPISETOLE A PAULO KA LUNAʻŌLELO I KO ROMA 5:10

No ka mea, inā i ko kākou wā e ʻenemi ana i hoʻolauleʻa ʻia ai kākou i ke Akua ma ka make ʻana o kāna Keiki, he ʻoiaʻiʻo nō, a lauleʻa kākou, e hoʻōla ʻiʻo ʻia hoʻi kākou ma kona ola ʻana.

ʻO KA ʻEPISETOLE A PAULO KA LUNAʻŌLELO I KO ROMA 5:8

Akā, ua hoʻākāka mai ke Akua i kona aloha iā kākou; no ka mea, i ka wā e hewa ana kākou, make ihola ʻo Kristo no kākou.

ʻO KA ʻEPISETOLE A PAULO KA LUNAʻŌLELO I KO ROMA 8:32

ʻO ka mea i ʻauʻa ʻole i kāna Keiki ponoʻī, a hāʻawi maila iā ia no kākou a pau, pehea lā e ʻole ai ia e hāʻawi lokomaikaʻi pū mai me ia i nā mea a pau?

ʻO KA ʻEPISETOLE A PAULO KA LUNAʻŌLELO I KO ʻEPESO 2:4

Akā, ʻo ke Akua, ka Mea i piha i ke aloha, ma kona makemake nui āna i makemake mai ai iā kākou,

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:16

¶ Eia hoʻi, na ko kākou Haku ʻo Iesū Kristo a me ke Akua ko kākou Makua, ka Mea i aloha mai iā kākou, a i hāʻawi wale mai hoʻi iā kākou i ka ʻoluʻolu mau loa, a me ka manaʻolana maikaʻi, ma ka lokomaikaʻi ʻia mai,

ʻO KA ʻEPISETOLE A PAULO IĀ TITO 3:4

Akā, i ka ʻikea ʻana mai o ka lokomaikaʻi a me ke aloha mai o ko kākou Ola, ʻo ke Akua, i kānaka,

ʻO KA ʻEPISETOLE A PAULO KA LUNAʻŌLELO I KO HEBERA 2:9

Akā, ua ʻike kākou iā Iesū i ka Mea i hoʻolilo ʻia ma lalo iki iho o ka poʻe ʻānela, no ka make ʻana, i hoʻolei ʻia mai ai i ka nani a me ka mahalo; i lilo hoʻi ia i ka make no nā kānaka a pau, ma ka lokomaikaʻi o ke Akua.

ʻO KA ʻEPISETOLE HOʻOLAHA MUA A IOANE 3:1

¶ Eia hoʻi, manomano ke aloha a ka Makua i hāʻawi mai ai iā kākou, i kapa ʻia mai ai kākou he poʻe keiki na ke Akua; no ia mea, ʻaʻole i ʻike mai ko ke ao nei iā kākou; no ka mea, ʻaʻole lākou i ʻike iā ia.

ʻO KA ʻEPISETOLE HOʻOLAHA MUA A IOANE 4:19

Ke aloha aku nei kākou iā ia; no ka mea, ua aloha mua mai kēlā iā kākou.

KA HŌʻIKE ʻANA A IOANE KA HAIPULE 1:5

a iā Iesū Kristo ka Mea hōʻike ma ka pololei a me ka ʻoiaʻiʻo, ʻo ka Makahiapo o ka poʻe mai ka make mai, a ʻo ke Aliʻi o nā aliʻi o ka honua nei. I ka Mea aloha mai iā kākou, a holoi mai hoʻi iā kākou, i pau ko kākou hewa i kona koko iho,