KA ʻEUANELIO I KĀKAU ʻIA AI E IOANE 2:4 - Ka Baibala Hemolele

⁴ ʻŌlelo maila Iesū iā ia, “E ka wahine, ʻo ke aha lā ia iā kāua? ʻAʻole i hiki mai koʻu manawa.”

KA ʻEUANELIO I KĀKAU ʻIA AI E IOANE 2:4 Iomraidhean Croise

KA BUKE ʻALUA A SAMUʻELA 16:10

ʻĪ maila ke aliʻi, “He aha kaʻu iā ʻolua, e nā keiki a Zeruia? E kūamuamu mai nō ʻo ia pēlā; no ka mea, ua ʻōlelo mai nō ʻo Iēhova iā ia, ‘E kūamuamu iā Dāvida.’ ʻO wai hoʻi ke ʻōlelo aku, ‘No ke aha lā ʻoe i hana ai pēlā?’”

KA BUKE ʻALUA A SAMUʻELA 19:22

ʻĪ akula ʻo Dāvida, “He aha kaʻu iā ʻolua, e nā keiki a Zeruia, i kūʻē mai ai ʻolua iaʻu i kēia lā? E make anei kekahi kanaka i kēia lā i loko o kā ʻIseraʻela? ʻAʻole anei au i ʻike, ʻo wau nō ke aliʻi i kēia lā ma luna o kā ʻIseraʻela?”

KA BUKE MUA NO NĀ ALIʻI 17:18

ʻŌlelo maila ka wahine iā ʻElia, “He aha ko kāua, e ke kanaka o ke Akua? Ua hele mai nei anei ʻoe i oʻu nei e hoʻākāka mai i koʻu hewa, a e pepehi mai hoʻi i kaʻu keiki?”

KE KAHUNA 3:1

¶ Aia he manawa no nā mea a pau, a he wā hoʻi no nā hana a pau, ma lalo iho o ka lani.

KA ʻEUANELIO I KĀKAU ʻIA AI E MATAIO 15:28

A laila, ʻōlelo akula ʻo Iesū iā ia, ʻī akula, “E ka wahine, nui kou manaʻoʻiʻo; me kāu makemake, pēlā e hana ʻia aku ai nou.” A ola ihola kāna kaikamahine ia hora.

KA ʻEUANELIO I KĀKAU ʻIA AI E MATAIO 8:29

Aia hoʻi, kāhea maila lāua, ʻī maila, “He aha kāu iā mākou nei, e Iesū ke Keiki a ke Akua? Ua hiki ʻē mai nei anei ʻoe e hana ʻeha mai iā mākou ma mua o ka manawa?”

KA ʻEUANELIO I KĀKAU ʻIA AI E LUKA 2:49

ʻĪ maila kēlā iā lāua, “No ke aha lā ʻolua i ʻimi mai nei iaʻu? ʻAʻole anei ʻolua i manaʻo he pono noʻu e lilo ma kā koʻu Makua?”

KA ʻEUANELIO I KĀKAU ʻIA AI E IOANE 12:23

ʻŌlelo maila ʻo Iesū iā lākou, ʻī maila, “Ua hiki mai ka hora e hoʻonani ʻia ai ke Keiki a ke Kanaka.

KA ʻEUANELIO I KĀKAU ʻIA AI E IOANE 13:1

¶ Ma mua o ka ʻAhaʻaina Mōliaola, ʻike ihola ʻo Iesū, ua hiki mai kona manawa e hele aku ai ia i ka Makua mai kēia ao aku, i ke aloha ʻana i kona poʻe ponoʻī i ke ao nei, ua aloha ʻo ia iā lākou a hiki i ka hope.

KA ʻEUANELIO I KĀKAU ʻIA AI E IOANE 2:3

A nele i ka waina, ʻī akula ka makuahine o Iesū iā ia, “ʻAʻohe o lākou waina.”

KA ʻEUANELIO I KĀKAU ʻIA AI E IOANE 20:13

ʻĪ maila lāua iā ia, “E ka wahine, no ke aha lā ʻoe e uē ai?” ʻĪ akula ʻo ia iā lāua, “No ka mea, ua lawe aku lākou i kuʻu Haku, ʻaʻole au i ʻike i kahi i waiho ai lākou iā ia.”

KA ʻEUANELIO I KĀKAU ʻIA AI E IOANE 20:15

ʻĪ maila ʻo Iesū iā ia, “E ka wahine, no ke aha lā ʻoe e uē ai? Iā wai lā ʻoe e ʻimi nei?” Manaʻo ihola ia, ʻo ka mea ia nāna i mālama ka māla, ʻī akula iā ia, “E ka haku, inā ua lawe aku ʻoe iā ia, e haʻi mai ʻoe iaʻu i kahi i waiho ai ʻoe iā ia, a naʻu nō ia e lawe aku.”

KA ʻEUANELIO I KĀKAU ʻIA AI E IOANE 7:30

No ia mea, ʻimi ihola lākou e hopu iā ia; ʻaʻole naʻe i lālau aku kekahi lima iā ia; no ka mea, ʻaʻole i hiki mai kona manawa.

KA ʻEUANELIO I KĀKAU ʻIA AI E IOANE 7:6

ʻŌlelo maila ʻo Iesū iā lākou, “ʻAʻole i hiki mai koʻu manawa; akā, ʻo ko ʻoukou manawa ua maopopo mau nō ia.

KA ʻEUANELIO I KĀKAU ʻIA AI E IOANE 7:8

“ʻO ʻoukou ke piʻi i kēia ʻahaʻaina; ʻaʻole au e piʻi ʻānō i kēia ʻahaʻaina; no ka mea, ʻaʻole i hiki maopopo mai koʻu manawa.”

KA ʻEUANELIO I KĀKAU ʻIA AI E IOANE 8:20

ʻŌlelo maila ʻo Iesū i kēia mau ʻōlelo ma kahi waihona kālā, i kāna aʻo ʻana i loko o ka luakini; ʻaʻole hoʻi kekahi i lālau aku iā ia; no ka mea, ʻaʻole i hiki mai kona manawa.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:16

No laila, ʻaʻole mākou e ʻike hou aku i kekahi ma ke kino; inā paha ua ʻike mākou iā Kristo ma ke kino, ʻaʻole mākou e ʻike hou aku iā ia ma laila.

KA BUKE ʻALIMA A MOSE, I KAPA ʻIA KĀNĀWAI LUA 33:9

“Ka mea i ʻōlelo ai i kona makua kāne, a me kona makuahine, ‘ʻAʻole au i ʻike iā ia’; ʻAʻole ia i ʻike i kona mau hoahānau, ʻAʻole hoʻi ia i ʻike i kāna mau keiki; No ka mea, ua mālama lākou i kāu ʻōlelo Ua mālama hoʻi lākou i kāu berita.