KA ʻEUANELIO I KĀKAU ʻIA AI E IOANE 2:16 - Ka Baibala Hemolele

¹⁶ ʻōlelo maila ia i ka poʻe kūʻai manu nūnū, “E lawe aʻe i kēia mau mea mai kēia wahi aku; mai hoʻolilo ʻoukou i ka hale o koʻu Makua i hale kūʻai.”

KA ʻEUANELIO I KĀKAU ʻIA AI E IOANE 2:16 Iomraidhean Croise

KA WĀNANA A IEREMIA 7:11

“ʻO kēia hale i kapa ʻia ma koʻu inoa, ua lilo anei ia i lua no ka poʻe pōā i ko ʻoukou mau maka? Aia hoʻi, ua ʻike nō wau,” wahi a Iēhova.

KA ʻEUANELIO I KĀKAU ʻIA AI E MATAIO 21:12

¶ Komo akula Iesū i loko o ka luakini o ke Akua, a hoʻokuke akula i waho i ka poʻe kūʻai lilo aku, a me ka poʻe kūʻai lilo mai a pau i loko o ka luakini; hoʻokahuli aʻela ia i nā papa o ka poʻe kūʻai moni, a me nā noho o ka poʻe kūʻai manu nūnū.

KA ʻEUANELIO I KĀKAU ʻIA AI E MATAIO 21:13

ʻĪ akula ʻo ia iā lākou, “Ua palapala ʻia, ‘«E kapa ʻia koʻu hale, he hale pule»’; a ua hoʻolilo iho nei ʻoukou iā ia «i ana no nā pōā».”

KA ʻEUANELIO I KĀKAU ʻIA AI E MATAIO 22:5

“Hoʻowahāwahā maila lākou, hele akula; ʻo kekahi ma kona ʻāina, a ʻo kekahi ma kāna kūʻai ʻana.

KA ʻEUANELIO I KĀKAU ʻIA AI E MAREKO 11:17

Aʻo maila ia, ʻī maila iā lākou, “ʻAʻole anei i palapala ʻia mai, ‘«E kapa ʻia koʻu hale e nā ʻāina a pau, he hale pule»?’ Ua hoʻolilo aʻe nei ʻoukou ia i «lua no nā pōā».”

KA ʻEUANELIO I KĀKAU ʻIA AI E LUKA 2:49

ʻĪ maila kēlā iā lāua, “No ke aha lā ʻolua i ʻimi mai nei iaʻu? ʻAʻole anei ʻolua i manaʻo he pono noʻu e lilo ma kā koʻu Makua?”

KA ʻEUANELIO I KĀKAU ʻIA AI E IOANE 10:29

“ʻO koʻu Makua, nāna lākou i hāʻawi naʻu, ua ʻoi aku ia ma mua o nā mea a pau; ʻaʻole he mea e hiki iā ia ke kāʻili aʻe iā lākou mai loko aʻe o ka lima o koʻu Makua.

KA ʻEUANELIO I KĀKAU ʻIA AI E IOANE 2:15

Hana ihola ia i mea hahau no nā kaula liʻiliʻi, a hoʻokuke akula ʻo ia iā lākou a pau i waho o ka luakini, a me nā hipa, a me nā bipi; lū akula i nā kālā o ka poʻe kūʻai kālā, a hoʻokahuli i nā papa;

KA ʻEUANELIO I KĀKAU ʻIA AI E IOANE 20:17

ʻĪ maila ʻo Iesū iā ia, “Mai hoʻopā mai ʻoe iaʻu; no ka mea, ʻaʻole au i piʻi aku i koʻu Makua; akā, e hele ʻoe i koʻu poʻe hoahānau, e ʻī aku iā lākou, ‘E piʻi ana au i koʻu Makua, a i ko ʻoukou Makua; a i koʻu Akua, a i ko ʻoukou Akua.’”

KA ʻEUANELIO I KĀKAU ʻIA AI E IOANE 5:17

ʻŌlelo maila ʻo Iesū iā lākou, “Ke hana mau nei koʻu Makua, a ke hana nei nō hoʻi au.”

KA ʻEUANELIO I KĀKAU ʻIA AI E IOANE 8:49

ʻŌlelo maila ʻo Iesū, “ʻAʻole oʻu daimonio; akā, ke hoʻomaikaʻi nei au i koʻu Makua, a ke hōʻino mai nei ʻoukou iaʻu.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:5

a me ka hoʻopaʻapaʻa huhū ʻana a nā kānaka naʻau ʻino, me ka lako ʻole i ka ʻōlelo ʻoiaʻiʻo, e manaʻo ana hoʻi, ʻo ka waiwai ka manaʻo i ke Akua; e hoʻoʻokoʻa ʻoe iā ʻoe iho iā lākou.

ʻO KA ʻEPISETOLE HOʻOLAHA ʻALUA A PETERO 2:3

A no ka puni waiwai, e kūʻai nō lākou iā ʻoukou, me ka ʻōlelo wahaheʻe; ʻaʻole hoʻi e hoʻokaʻulua loa ko lākou hoʻohewa ʻia, ʻaʻole e hiamoe ko lākou make.