KA ʻEUANELIO I KĀKAU ʻIA AI E IOANE 19:4 - Ka Baibala Hemolele

⁴ Hele hou maila ʻo Pilato i waho, ʻī maila iā lākou, “Aia hoʻi, ke alakaʻi mai nei au iā ia i waho i o ʻoukou lā, i ʻike ai ʻoukou, ʻaʻole i loaʻa iaʻu ka hewa iki i loko ona.”

KA ʻEUANELIO I KĀKAU ʻIA AI E IOANE 19:4 Iomraidhean Croise

KA ʻEUANELIO I KĀKAU ʻIA AI E MATAIO 27:19

A i kona noho ʻana ma ka noho hoʻokolokolo, hoʻouna maila kāna wahine i ona lā, ʻī maila, “Mai mea iki aku ʻoe i ua Kanaka hala ʻole lā; no ka mea, ua kaumaha loa wau nona i kēia lā ma ka moeʻuhane.”

KA ʻEUANELIO I KĀKAU ʻIA AI E MATAIO 27:24

ʻIke aʻela ʻo Pilato, ʻaʻole e hiki kāna; akā, he nui loa ka haunaele ʻana mai, lālau akula ia i ka wai, a holoi ihola i kona mau lima i mua o ka poʻe kānaka, ʻī akula, “ʻAʻohe oʻu hala i ke koko o kēia kanaka pono; iā ʻoukou aku nō ia.”

KA ʻEUANELIO I KĀKAU ʻIA AI E MATAIO 27:4

ʻī akula, “Ua hewa wau i kuʻu kumakaia ʻana aku i ke koko hala ʻole.” ʻĪ maila lākou, “He aha ia iā mākou? Iā ʻoe aku nō ia mea!”

KA ʻEUANELIO I KĀKAU ʻIA AI E MATAIO 27:54

A ʻike aʻela ka luna haneri, a ʻo nā mea me ia e kiaʻi ana iā Iesū i ke ōlaʻi, a me nā mea i hana ʻia, makaʻu loa ihola lākou, ʻī aʻela, “He ʻoiaʻiʻo nō, ʻo ke Keiki nō kēia a ke Akua!”

KA ʻEUANELIO I KĀKAU ʻIA AI E LUKA 23:4

ʻŌlelo maila Pilato i nā kāhuna nui, a me ka ʻaha kanaka, “ʻAʻohe hewa iki o kēia kanaka i loaʻa iaʻu.”

KA ʻEUANELIO I KĀKAU ʻIA AI E LUKA 23:41

“A iā kāua, he pono ia; no ka mea, ua loaʻa iā kāua ka uku pono o kā kāua hana ʻana; akā ʻo ia nei, ʻaʻole ia i hana hewa iki.”

KA ʻEUANELIO I KĀKAU ʻIA AI E LUKA 23:47

A ʻike ka luna haneri ia mea i hana ʻia ai, hoʻomaikaʻi akula ia i ke Akua, ʻī akula, “ʻOiaʻiʻo, he kanaka pono nō kēia.”

KA ʻEUANELIO I KĀKAU ʻIA AI E IOANE 18:33

¶ A laila komo hou akula ʻo Pilato i kahi hoʻokolokolo, a hea akula iā Iesū, a nīnau akula iā ia, “ʻO ʻoe anei ke Aliʻi o nā Iudaio?”

KA ʻEUANELIO I KĀKAU ʻIA AI E IOANE 18:38

Nīnau akula ʻo Pilato iā ia, “He aha lā ka ʻoiaʻiʻo?” A i kāna ʻōlelo ʻana i kēia, hele hou maila ia ma waho i nā Iudaio, a ʻī maila iā lākou, “ʻAʻole i loaʻa iaʻu ka hewa iki i loko ona.

KA ʻEUANELIO I KĀKAU ʻIA AI E IOANE 19:6

A ʻike aʻela nā kāhuna nui a me nā ilāmuku, hea nui akula lākou, ʻī akula, “E kau ma ke keʻa, e kau iā ia ma ke keʻa.” ʻĪ maila ʻo Pilato iā lākou, “Na ʻoukou ia e lawe, a e kau ma ke keʻa; no ka mea, ʻaʻole i loaʻa iaʻu ka hewa i loko ona.”

ʻO KA ʻEPISETOLE LUA A PAULO KA LUNAʻŌLELO I KO KORINETO 5:21

No ka mea, ua hoʻolilo maila ʻo ia iā ia, ka mea hala ʻole, i mōhai hala no kākou, i lilo ai kākou i poʻe pono i ke Akua ma ona lā.

ʻO KA ʻEPISETOLE A PAULO KA LUNAʻŌLELO I KO HEBERA 7:26

¶ ʻO ia ke ʻano o ke kahuna e pono ai kākou, ka mea hemolele, hewa ʻole, maʻemaʻe wale, kaʻawale hoʻi i nā lawehala, a i hoʻokiʻekiʻe ʻia aʻe hoʻi ma luna o nā lani;

ʻO KA ʻEPISETOLE HOʻOLAHA MUA A PETERO 1:19

akā, me ke koko waiwai ʻiʻo o Kristo, me ko ke keiki hipa kīnā ʻole a me ka hala ʻole.

ʻO KA ʻEPISETOLE HOʻOLAHA MUA A PETERO 2:22

«Ka Mea i hana hewa ʻole, ʻaʻole hoʻi i ʻike ʻia ka ʻapaʻapa ma kona waha».

ʻO KA ʻEPISETOLE HOʻOLAHA MUA A PETERO 3:18

No ka mea, ua make nō hoʻi ʻo Kristo no ka hewa, ʻo ka mea pono no ka poʻe hewa, i alakaʻi ʻo ia iā kākou i ke Akua; ua pepehi ʻia ʻo ia ma ke kino, ua hoʻōla ʻia hoʻi ma ka ʻuhane;

ʻO KA ʻEPISETOLE HOʻOLAHA MUA A IOANE 3:5

Ua ʻike nō ʻoukou, ua hōʻikea mai ʻo ia, i lawe aʻe ia i ko kākou hewa; ʻaʻole hewa i loko ona.