KA ʻEUANELIO I KĀKAU ʻIA AI E IOANE 18:1 - Ka Baibala Hemolele

¹ ¶ A pau aʻe kā Iesū ʻōlelo ʻana i kēia mau mea, hele akula ia me kāna poʻe haumāna ma kēlā ʻaoʻao o ke kahawai ʻo Kederona, ma laila kekahi māla, komo akula ia i laila, a me kāna poʻe haumāna.

KA ʻEUANELIO I KĀKAU ʻIA AI E IOANE 18:1 Iomraidhean Croise

KA BUKE MUA A MOSE, I KAPA ʻIA KINOHI 2:15

Lawe aʻela ʻo Iēhova ke Akua i ke kanaka, a hoʻonoho ihola iā ia ma ka mahina ʻai ma ʻEdena, e mahi a e mālama ia wahi.

KA BUKE MUA A MOSE, I KAPA ʻIA KINOHI 3:23

No ia mea, kipaku akula ʻo Iēhova ke Akua iā ia i waho o ke kīhāpai ʻo ʻEdena, e mahi i ka lepo, kahi āna i lawe ʻia mai ai.

KA BUKE ʻALUA A SAMUʻELA 15:23

Uē akula ko ka ʻāina a pau me ka leo nui, a hele nui akula nā kānaka ma kēlā ʻaoʻao; ʻo ke aliʻi nō hoʻi kekahi i hele aku ma kēlā ʻaoʻao o ke kahawai ʻo Kederona; a hele akula nā kānaka a pau i ke ala o ka wao nahele.

KA BUKE MUA NO NĀ ALIʻI 15:13

A ua hoʻokaʻawale aʻela ʻo ia iā Maʻaka kona makuahine i ʻole ai ia e aliʻi wahine; no ka mea, ua hana ʻo ia i kiʻi akua ma kahi e hoʻomana ai. Hoʻopau aʻela hoʻi ʻo ʻAsa i kona kiʻi akua; puhi aʻela hoʻi ʻo ia ia ma ke kahawai Kederona.

KA BUKE MUA NO NĀ ALIʻI 2:37

“No ka mea, eiʻa, i kou lā e puka aku ai ma luna o ke kahawai Kederona, e ʻike ʻoe he ʻoiaʻiʻo nō e make ʻiʻo nō ʻoe, a ma luna o kou poʻo iho kou koko.”

KA BUKE ʻALUA NO NĀ ALIʻI 23:12

A ʻo nā kuahu ma luna ma ke keʻena i luna o ka hale o ʻAhaza, nā mea a nā aliʻi o kā Iuda i hana ai, a me nā kuahu a Manase i hana ai ma nā kahua ʻelua o ka hale o Iēhova, ʻo ia kā ke aliʻi i luku ai, a wāwahi iho mai laila mai, a hoʻolei akula i ko lākou lepo i loko o ke kahawai ʻo Kederona.

KA BUKE ʻALUA NO NĀ ALIʻI 23:4

¶ A kauoha akula ke aliʻi iā Hilekia ke kahuna nui a me nā kāhuna no ka lua o ka papa, a me nā kiaʻi puka, e lawe mai i waho o ka luakini o Iēhova i nā kīʻaha i hana ʻia no Baʻala, a no ʻAseterota, a no nā pūʻali o ka lani; a puhi akula ʻo ia iā lākou ma waho o Ierusalema a ma nā kīhāpai o Kederona, a lawe akula i ka lehu o lākou i Betela.

KA BUKE ʻALUA NO NĀ ALIʻI 23:6

A lawe akula ia i nā kiʻi o ʻAseterota mai ka hale o Iēhova aku ma waho o Ierusalema ma ke kahawai ʻo Kederona, a puhi akula ia mea ma ke kahawai ʻo Kederona, a kuʻi ihola a ʻaeʻae me he lepo lā, a hoʻolei akula i kona lepo ma luna o nā lua kupapaʻu o nā kānaka.

KA BUKE ʻALUA O KA ʻOIHANA ALIʻI 15:16

¶ A ʻo Maʻaka ka makuahine o ʻAsa ke aliʻi, kipaku akula ʻo ia iā ia mai kona noho aliʻi ʻana aku; no ka mea, ua hana ʻo ia i kiʻi no ʻAsetarota, wāwahi ihola ʻo ʻAsa i kāna kiʻi, a hehi ʻo ia ia mea, a puhi i ke ahi ma ke kahawai ʻo Kederona.

KA BUKE ʻALUA O KA ʻOIHANA ALIʻI 29:16

A komo nā kāhuna i loko lilo o ka hale o Iēhova e hoʻomaʻemaʻe, a lawe lākou i waho i nā mea maʻemaʻe ʻole a pau i loaʻa iā lākou ma ka luakini o Iēhova, a waiho ma ke kahua o ka hale o Iēhova. A lawe ka poʻe mamo a Levi ia mau mea, a hali aku i ke kahawai ʻo Kiderona.

KA BUKE ʻALUA O KA ʻOIHANA ALIʻI 30:14

A laila, kū aʻela lākou i luna a lawe aku lākou i nā kuahu ma Ierusalema, a lawe aku nō hoʻi lākou i nā ipu ahi, a hoʻolei ia mau mea i loko o ke kahawai ʻo Kederona.

KA BUKE A NEHEMIA 2:15

A laila piʻi akula au i ka pō ma ke kahawai, a nānā akula au i ka pā, a huli aʻela hoʻi au, a komo ma ka Puka Awāwa, a hoʻi maila.

KA WĀNANA A IEREMIA 31:40

“A ʻo ke awāwa a pau o nā kupapaʻu, a ʻo ka lehu ahi, a ʻo nā kula a pau a hiki i kahawai ʻo Kiderona, a hiki i ka Puka Lio ma ka hikina, e laʻa ia no Iēhova; ʻaʻole ia e uhuki hou ʻia, ʻaʻole hoʻi e hoʻohiolo hou ʻia a mau loa aku.”

KA BUKE ʻAKOLU A MOSE, I KAPA ʻIA ʻOIHANA KAHUNA 2:6

‘E wāwahi hoʻi ʻoe i mau ʻāpana, a e ninini i ka ʻaila ma luna; he mōhai ʻai ia.

KA ʻEUANELIO I KĀKAU ʻIA AI E MATAIO 26:30

¶ Hīmeni aʻela lākou, a laila hele akula lākou ma ka Mauna ʻOliveta.

KA ʻEUANELIO I KĀKAU ʻIA AI E MATAIO 26:36

¶ A laila, hele akula ʻo Iesū me lākou ma kekahi wahi ʻo Getesemane ka inoa; ʻī maila ia i ka poʻe haumāna, “E noho iho ʻoukou ma ʻaneʻi, a hele aku au e pule ma ʻō.”

KA ʻEUANELIO I KĀKAU ʻIA AI E MAREKO 14:26

¶ Hīmeni aʻela lākou, a laila hele akula i waho ma ka mauna ʻo ʻOliveta.

KA ʻEUANELIO I KĀKAU ʻIA AI E MAREKO 14:32

¶ A laila, hele maila lākou i kahi i kapa ʻia ʻo Getesemane; ʻī maila ia i kāna poʻe haumāna, “E noho ʻoukou ma ʻaneʻi, i kuʻu wā e pule ana.”

KA ʻEUANELIO I KĀKAU ʻIA AI E MAREKO 14:42

“E ala, e haele kākou; aia hoʻi, ke kokoke mai nei ka mea nāna wau e kumakaia!”

KA ʻEUANELIO I KĀKAU ʻIA AI E IOANE 14:31

“Akā, i ʻike ko ke ao nei i kuʻu aloha i ka Makua, a e like me ka Makua i kauoha mai ai iaʻu, pēlā kaʻu e hana aku ai. E ala aʻe, e haele kākou mai kēia wahi aku.”

KA ʻEUANELIO I KĀKAU ʻIA AI E IOANE 18:26

ʻĪ akula kekahi o nā kauā a ke kahuna nui, ka hoahānau o ka mea nona ka pepeiao a Petero i ʻoki ai, “ʻAʻole anei au i ʻike iā ʻoe ma ka māla me ia?”

NĀ ʻOIHANA A KA POʻE LUNAʻŌLELO 21:11

A hiki maila ia i o mākou lā, lawe ihola ia i ko Paulo kāʻei, nakinaki ihola i kona mau lima a me nā wāwae ona iho, ʻī aʻela, “Ke ʻī mai nei ka ʻUhane Hemolele: ‘Penei e nakinaki ai nā Iudaio ma Ierusalema i ke kanaka nona kēia kāʻei, a e hāʻawi aku iā ia i nā lima o ko nā ʻāina ʻē.’”