KA ʻEUANELIO I KĀKAU ʻIA AI E IOANE 13:8 - Ka Baibala Hemolele

⁸ ʻĪ akula ʻo Petero iā ia, “ʻAʻole loa ʻoe e holoi mai i koʻu mau wāwae!” ʻĪ maila ʻo Iesū iā ia, “Inā e holoi ʻole aku au iā ʻoe, ʻaʻohe ou wahi kuleana pū me aʻu.”

KA ʻEUANELIO I KĀKAU ʻIA AI E IOANE 13:8 Iomraidhean Croise

KA BUKE MUA A MOSE, I KAPA ʻIA KINOHI 42:38

ʻŌlelo maila ia, “ʻAʻole e iho aku kaʻu keiki me ʻoukou i laila; no ka mea, ua make kona kaikuaʻana, ʻo ia nei wale nō koe; inā pōʻino kēia, ma ke alanui a ʻoukou e hele ai, a laila, lawe iho ʻoukou i koʻu oho hina i ka lua me ke kaniʻuhū.”

KA BUKE ʻALUA A SAMUʻELA 20:1

¶ I laila kekahi kanaka hewa, ʻo Seba kona inoa, ke keiki a Bikeri, he mamo a Beniamina; puhi akula ia i ka pū, ʻī akula, “ʻAʻole a kākou kuleana i loko o Dāvida, ʻAʻole hoʻi he hoʻoilina i loko o ke keiki a Iese; E hoʻi nō kēlā kanaka kēia kanaka a pau i kona halelewa, e kā ʻIseraʻela!”

KA BUKE MUA NO NĀ ALIʻI 12:16

¶ A ʻike aʻela kā ʻIseraʻela a pau, i ka hoʻolohe ʻole mai o ke aliʻi iā lākou, ʻōlelo akula ka poʻe kānaka i ke aliʻi, e ʻī ana, “He aha ko mākou kuleana i loko o Dāvida? ʻAʻole hoʻoilina i loko o ke keiki a Iese. I ko ʻoukou mau halelewa, e kā ʻIseraʻela. ʻĀnō hoʻi, e nānā i kāu ʻohana iho, e Dāvida!” Pēlā i hoʻi ai kā ʻIseraʻela i ko lākou mau halelewa.

KA BUKE O NĀ HALELŪ 51:2

E holoi leʻa mai iaʻu i pau kuʻu hewa; A e hoʻomaʻemaʻe mai hoʻi iaʻu i koʻu lawehala ʻana.

KA BUKE O NĀ HALELŪ 51:7

E huikala mai ʻoe iaʻu me ka husopa, a e maʻemaʻe nō wau; E holoi mai iaʻu, a e ʻoi aku kuʻu keʻokeʻo i ko ka hau.

KA WĀNANA A ʻISAIA 4:4

a pau ka pelapela o nā kaikamāhine a Ziona i ka holoi ʻia e ka Haku, a pau nō hoʻi ke koko o Ierusalema i ka hemo, mai ona aku lā, ma ka mana o ka hoʻopono, a me ka mana o ke ʻaʻā ʻana.

KA WĀNANA A ʻEZEKIʻELA 36:25

“A laila, e pīpī aku ai au i ka wai maʻemaʻe ma luna o ʻoukou, a e maʻemaʻe hoʻi ʻoukou; i ko ʻoukou haumia a pau, a me ko ʻoukou mau akua kiʻi a pau, e hoʻomaʻemaʻe aku ai au iā ʻoukou.

ZEKARIA 13:1

¶ “Ia lā hoʻi, e hoʻohuaʻi ʻia auaneʻi he pūnāwai no ka ʻohana a Dāvida, a no nā kānaka o Ierusalema, no ka hewa a me ka haumia.

KA ʻEUANELIO I KĀKAU ʻIA AI E MATAIO 16:22

Lālau akula ʻo Petero iā ia, hoʻomaka e aʻo akula iā ia, ʻī akula, “E aloha ʻia mai ʻoe, e ka Haku; ʻaʻole loa ʻoe e hana ʻia pēlā.”

KA ʻEUANELIO I KĀKAU ʻIA AI E MATAIO 21:29

“Hōʻole maila kēlā, ʻī maila, ‘ʻAʻole au e hiki.’ A ma hope mihi ihola ia, a hele akula.

KA ʻEUANELIO I KĀKAU ʻIA AI E MATAIO 26:33

ʻŌlelo akula ʻo Petero iā ia, ʻī akula, “Inā e hihia lākou nei a pau nou, ʻaʻole loa au e hihia.”

KA ʻEUANELIO I KĀKAU ʻIA AI E MATAIO 26:35

ʻĪ akula ʻo Petero, “Inā e make pū au me ʻoe, ʻaʻole loa au e hōʻole aku iā ʻoe.” Pēlā hoʻi i ʻōlelo aku ai nā haumāna a pau.

KA ʻEUANELIO I KĀKAU ʻIA AI E IOANE 13:6

A hiki mai ia i o Simona Petero lā; nīnau akula ʻo ia iā ia, “E ka Haku, e holoi mai anei ʻoe i koʻu mau wāwae?”

KA ʻEUANELIO I KĀKAU ʻIA AI E IOANE 13:9

ʻĪ akula ʻo Simona Petero iā ia, “E ka Haku, ʻaʻole ʻo nā wāwae wale nō oʻu, ʻo nā lima a me ke poʻo kekahi.”

KA ʻEUANELIO I KĀKAU ʻIA AI E IOANE 3:5

ʻŌlelo maila ʻo Iesū, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoe, inā e hānau ʻole ʻia ke kanaka i ka wai, a me ka ʻUhane, ʻaʻole e hiki iā ia ke komo i loko o ke aupuni o ke Akua.

NĀ ʻOIHANA A KA POʻE LUNAʻŌLELO 22:16

‘ʻĀnō hoʻi, e aha ana? E kū i luna, e bapetizo ʻia, e holoi aku i kou hewa, a e hea aku i ka inoa o ka Haku.’

ʻO KA ʻEPISETOLE MUA A PAULO KA LUNAʻŌLELO I KO KORINETO 6:11

A pēlā nō kekahi poʻe o ʻoukou; akā, ua holoi ʻia ʻoukou, ua huikala ʻia, ua hoʻāpono ʻia ma ka inoa o ka Haku ʻo Iesū, a ma ka ʻUhane o ko kākou Akua.

ʻO KA ʻEPISETOLE A PAULO KA LUNAʻŌLELO I KO ʻEPESO 5:26

i hoʻolaʻa mai ai ʻo ia iā ia, hoʻomaʻemaʻe ana iā ia i ka wai ʻauʻau, a me ka ʻōlelo,

KA BUKE ʻALIMA A MOSE, I KAPA ʻIA KĀNĀWAI LUA 12:12

“A e ʻoliʻoli ʻoukou i mua o Iēhova ko ʻoukou Akua, ʻo ʻoukou, a me kā ʻoukou mau keiki kāne, a me kā ʻoukou mau kaikamāhine, a me nā kauā kāne a ʻoukou, a me kā ʻoukou mau kauā wahine, a me kā Levi e noho pū ana me ʻoukou; no ka mea, ʻaʻohe ona kuleana, ʻaʻohe ona ʻāina hoʻoili me ʻoukou.

ʻO KA ʻEPISETOLE A PAULO KA LUNAʻŌLELO I KO KOLOSA 2:18

Mai hoʻonele mai kekahi iā ʻoukou i ko ʻoukou uku ma ka hoʻohaʻahaʻa wale ʻana, a me ka hoʻomana ʻana i nā ʻānela, e māʻoi wale ana i loko o nā mea āna i ʻike ʻole ai, e hoʻokano wale ana kona naʻau kanaka,

ʻO KA ʻEPISETOLE A PAULO KA LUNAʻŌLELO I KO KOLOSA 2:23

He mau mea hoʻokohukohu naʻauao, i ka hoʻomana ʻē, a i ka hoʻohaʻahaʻa, a i ka mālama ʻole i ke kino, ʻaʻole naʻe i ka mea nui e ʻoluʻolu ai ke kino.

ʻO KA ʻEPISETOLE A PAULO IĀ TITO 3:5

ʻaʻole no nā hana pono a kākou i hana ai; akā, ma kona aloha wale, ua hoʻōla ʻo ia iā kākou, ma ka holoi hoʻohānau hou ʻana, a ma ka hana hou ʻia e ka ʻUhane Hemolele,

ʻO KA ʻEPISETOLE A PAULO KA LUNAʻŌLELO I KO HEBERA 10:22

e hoʻokokoke kākou me ka maopopo loa o ka manaʻoʻiʻo, a me ka naʻau ʻoiaʻiʻo, me ka huikala ʻia ʻo ko kākou naʻau kaumaha i ka hewa, a me ka holoi ʻia ʻo ko kākou kino me ka wai maʻemaʻe.

KA HŌʻIKE ʻANA A IOANE KA HAIPULE 1:5

a iā Iesū Kristo ka Mea hōʻike ma ka pololei a me ka ʻoiaʻiʻo, ʻo ka Makahiapo o ka poʻe mai ka make mai, a ʻo ke Aliʻi o nā aliʻi o ka honua nei. I ka Mea aloha mai iā kākou, a holoi mai hoʻi iā kākou, i pau ko kākou hewa i kona koko iho,

KA HŌʻIKE ʻANA A IOANE KA HAIPULE 7:14

ʻĪ akula au iā ia, “E kuʻu haku, ua ʻike nō ʻoe.” ʻĪ mai kēlā iaʻu, “ʻO ia ka poʻe i hele mai, mai loko mai o ka pilikia nui, a ua holoi lākou i ko lākou ʻaʻahu, a hoʻokeʻokeʻo, ma loko o ke koko o ke Keiki Hipa.