KA ʻEUANELIO I KĀKAU ʻIA AI E IOANE 13:7 - Ka Baibala Hemolele

⁷ ʻŌlelo maila ʻo Iesū, ʻī maila iā ia, “ʻO ka mea aʻu e hana nei, ʻaʻole ʻoe e ʻike i kēia wā; akā, e ʻike auaneʻi ʻoe ma muli aku.”

KA ʻEUANELIO I KĀKAU ʻIA AI E IOANE 13:7 Iomraidhean Croise

KA WĀNANA A IEREMIA 32:43

‘E kūʻai ʻia auaneʻi nā mahina ʻai ma kēia ʻāina, kahi a ʻoukou i ʻōlelo ai, “Ua mehameha, ʻaʻohe kanaka, ʻaʻohe holoholona; ua hāʻawi ʻia i loko o ka lima o ko Kaledea.”

KA BUKE NO DANIʻELA 12:12

“Pōmaikaʻi ka mea e kakali ana a hiki i nā lā he tausani ʻekolu haneri a me kanakolukumamālima.

KA BUKE NO DANIʻELA 12:8

A lohe akula au, ʻaʻole naʻe au i hoʻomaopopo aku; a laila ʻī akula au, “E koʻu haku, he aha ka hopena o kēia mau mea?”

KA ʻEUANELIO I KĀKAU ʻIA AI E IOANE 12:16

ʻAʻole i ʻike kāna mau haumāna i ke ʻano o kēia mea i kinohou; akā, i ka wā i hoʻonani ʻia ai ʻo Iesū, a laila hoʻomanaʻo ihola lākou, ua palapala ʻia ia mau mea nona, a ua hana ʻia kēia mau mea nona.

KA ʻEUANELIO I KĀKAU ʻIA AI E IOANE 13:36

¶ Nīnau akula Simona Petero iā ia, “E ka Haku, ma hea ʻoe e hele ai?” ʻĪ maila ʻo Iesū iā ia, “ʻO koʻu wahi e hele ai, ʻaʻole e hiki iā ʻoe ʻānō ke hahai mai iaʻu; akā, ma muli e hahai mai nō ʻoe iaʻu.”

KA ʻEUANELIO I KĀKAU ʻIA AI E IOANE 13:6

A hiki mai ia i o Simona Petero lā; nīnau akula ʻo ia iā ia, “E ka Haku, e holoi mai anei ʻoe i koʻu mau wāwae?”

KA ʻEUANELIO I KĀKAU ʻIA AI E IOANE 14:26

“Akā, ʻo ke Kōkua, ʻo ka ʻUhane Hemolele, ka mea a ka Makua e hoʻouna mai ai ma koʻu inoa, nāna ʻoukou e aʻo mai i nā mea a pau, a e hōʻike mai iā ʻoukou i nā mea a pau aʻu i ʻōlelo aku ai iā ʻoukou.