KA ʻEUANELIO I KĀKAU ʻIA AI E IOANE 12:8 - Ka Baibala Hemolele

⁸ “No ka mea, e mau ana ka poʻe ʻilihune me ʻoukou; akā, ʻaʻole e mau ana au me ʻoukou.”

KA ʻEUANELIO I KĀKAU ʻIA AI E IOANE 12:8 Iomraidhean Croise

KE MELE A SOLOMONA 5:6

“Ua wehe aʻe au no kaʻu mea i aloha ai; Akā, ʻo kaʻu mea i aloha ai, ua huli aʻe ia, a hele akula; Ua lele koʻu ʻōʻili i kāna ʻōlelo ʻana mai; Ua ʻimi au iā ia, ʻaʻole naʻe i loaʻa, Ua kāhea aku au iā ia, ʻaʻole naʻe i ʻekemu mai.

KA ʻEUANELIO I KĀKAU ʻIA AI E MATAIO 26:11

“Ua mau loa ka poʻe ʻilihune me ʻoukou, ʻaʻole au e mau loa ana me ʻoukou.

KA ʻEUANELIO I KĀKAU ʻIA AI E MAREKO 14:7

“Ua mau loa ka poʻe ʻilihune me ʻoukou, a e hiki nō iā ʻoukou ke hana maikaʻi aku iā lākou i nā manawa a pau a ʻoukou e makemake ai; akā, ʻo wau, ʻaʻole au e mau loa ana me ʻoukou.

KA ʻEUANELIO I KĀKAU ʻIA AI E IOANE 12:35

ʻĪ maila ʻo Iesū iā lākou, “Me ʻoukou ka mālamalama i ka manawa pōkole loa. E hele ʻoukou ʻoiai ka mālamalama iā ʻoukou, o hiki mai ka pouli i o ʻoukou nei; a ʻo ka mea e hele ana i ka pouli, ʻaʻole ia e ʻike i kona wahi e hele ai.

KA ʻEUANELIO I KĀKAU ʻIA AI E IOANE 13:33

“E nā keiki aloha, he manawa pōkole koʻu me ʻoukou. E ʻimi mai auaneʻi ʻoukou iaʻu; a e like me kaʻu i ʻōlelo aku ai i nā Iudaio, ma koʻu wahi e hele ai, ʻaʻole loa e hiki iā ʻoukou ke hele i laila; pēlā hoʻi kaʻu e ʻōlelo aku nei iā ʻoukou ʻānō.

KA ʻEUANELIO I KĀKAU ʻIA AI E IOANE 8:21

¶ ʻŌlelo hou maila ʻo Iesū iā lākou, “E hele aku ana au, a e ʻimi ʻoukou iaʻu, a e make ʻoukou i loko o ko ʻoukou hewa; a i koʻu wahi e hele ai, ʻaʻole e hiki iā ʻoukou ke hele i laila.”

KA BUKE ʻALIMA A MOSE, I KAPA ʻIA KĀNĀWAI LUA 15:11

“No ka mea, ʻaʻole e pau ka poʻe ʻilihune ma ka honua; no laila, ke kauoha aku nei au iā ʻoe, i ka ʻī ʻana aku, ‘E wehe loa ʻoe i kou lima i kou hoahānau, i kou poʻe ʻilihune, a me kou poʻe nele ma kou ʻāina.’