KA ʻEUANELIO I KĀKAU ʻIA AI E IOANE 12:5 - Ka Baibala Hemolele

⁵ “No ke aha lā i kūʻai ʻole ʻia aku ai kēia mea poni i nā hapawalu ʻekolu haneri, a e hāʻawi ʻia na ka poʻe ʻilihune?”

KA ʻEUANELIO I KĀKAU ʻIA AI E IOANE 12:5 Iomraidhean Croise

KA BUKE A ʻEZERA 4:14

“ʻĀnō; no ka mea, ua miko mākou i ka paʻakai o ka hale aliʻi, ʻaʻole he mea pono no mākou ke ʻike i ka pōʻino o ke aliʻi; no kēia mea, ua hoʻouna aku mākou, a hōʻike i ke aliʻi;

KA BUKE ʻALUA A MOSE, I KAPA ʻIA PUKA ʻANA 5:17

ʻĪ maila kēlā, “Ua palela ʻoukou, ua palela ʻoukou; no ia mea, ke ʻōlelo mai nei ʻoukou, ‘E hoʻokuʻu mai ʻoe iā mākou e hele, e kaumaha aku na Iēhova.’

KA BUKE ʻALUA A MOSE, I KAPA ʻIA PUKA ʻANA 5:8

“A ʻo ka nui o nā pōhaku lepo a lākou i hana ai ma mua, pēlā ʻoukou e hāʻawi hou aku ai iā lākou; mai hoʻēmi iki ia mea; no ka mea, ua moloā lākou; no ia mea, ke uē mai nei lākou, i ka ʻī ʻana mai, ‘E hele mākou e kaumaha aku na ko mākou Akua.’

ʻAMOSA 8:5

i ka ʻī ʻana aʻe, “Āhea lā e pau ai ka Mahina Hou, i kūʻai aku ai kākou i ka ʻai? A me ka Sābati, i wehe aʻe ai kākou i ka hua ʻai, e hōʻuʻuku ana i ka ʻepa, A e hoʻomāhuahua ana i ke sekela, a e hoʻololi ana i nā mea kaupaona hoʻopunipuni?

KA ʻEUANELIO I KĀKAU ʻIA AI E MATAIO 18:28

“Hele akula ua kauā lā i waho, a hālāwai me kekahi hoa kauā ona, i ʻaiʻē mai i kāna i hoʻokahi haneri denari, lālau akula iā ia, a ʻumi ihola i kona ʻāʻī, ʻī akula, ‘E uku mai ʻoe iaʻu i kāu mea i ʻaiʻē.’

KA ʻEUANELIO I KĀKAU ʻIA AI E MATAIO 20:2

“Hoʻolimalima ʻo ia i kekahi poʻe paʻaua i ka denari hoʻokahi no ka lā hoʻokahi; hoʻouna akula ʻo ia iā lākou ma kona pā waina.

KA ʻEUANELIO I KĀKAU ʻIA AI E LUKA 12:33

“E kūʻai lilo aku i ko ʻoukou waiwai, a e hāʻawi manawaleʻa aku. E hoʻolakolako iā ʻoukou iho i mau ʻaʻa moni nāhaehae ʻole, i waiwai pau ʻole ma ka lani, kahi hiki ʻole ai i ka ʻaihue, kahi e ʻino ʻole ai i ka mū.

KA ʻEUANELIO I KĀKAU ʻIA AI E LUKA 18:22

A lohe aʻela ʻo Iesū ia, ʻī maila ʻo ia iā ia, “Hoʻokahi āu mea hemahema; e kūʻai lilo aku i kou waiwai a pau, a e hāʻawi i ka poʻe ʻilihune, a e loaʻa iā ʻoe ka waiwai ma ka lani; a laila e hele mai a hahai mai iaʻu.”

KA ʻEUANELIO I KĀKAU ʻIA AI E LUKA 6:41

“No ke aha lā ʻoe e nānā aku ai i ka pula iki i loko o ka maka o kou hoahānau, ʻaʻole hoʻi ʻoe i ʻike i ke kaola i loko o kou maka iho?

KA ʻEUANELIO I KĀKAU ʻIA AI E IOANE 12:4

No ia hoʻi, ʻōlelo maila kekahi o nā haumāna āna, ʻo Iuda ʻIsekariota, ke keiki a Simona, ka mea e kumakaia aku iā ia,

KA ʻEUANELIO I KĀKAU ʻIA AI E IOANE 12:6

ʻO kēia kāna i ʻōlelo mai ai, ʻaʻole no kona manaʻo i ka poʻe ʻilihune; akā; no ka mea, he ʻaihue ia, a iā ia ke ʻeke kālā, a ua lawe wale ʻo ia i nā mea i hahao ʻia i loko.

KA ʻEUANELIO I KĀKAU ʻIA AI E IOANE 13:29

Manaʻo ihola kekahi poʻe no kā Iuda hali ʻana i ke ʻeke kālā, ua ʻōlelo aku ʻo Iesū iā ia, “E kūʻai i nā mea i pono ai no ka ʻahaʻaina”; a e hāʻawi aku paha i kekahi mea na ka poʻe ʻilihune.

KA ʻEUANELIO I KĀKAU ʻIA AI E IOANE 6:7

ʻĪ akula ʻo Pilipo iā ia, “ʻAʻole lākou e lawa i ka berena no nā haneri denari ʻelua, i pākahi ai ka ʻāpana ʻuʻuku na lākou a pau.”