KA ʻEUANELIO I KĀKAU ʻIA AI E IOANE 10:6 - Ka Baibala Hemolele

⁶ ʻŌlelo maila ʻo Iesū i kēia ʻōlelo nane iā lākou; ʻaʻole naʻe lākou i ʻike i ke ʻano o nā mea āna i ʻōlelo mai ai iā lākou.

KA ʻEUANELIO I KĀKAU ʻIA AI E IOANE 10:6 Iomraidhean Croise

KA BUKE O NĀ HALELŪ 106:7

ʻO ko mākou poʻe kūpuna ma ʻAigupita, ʻAʻole lākou i hoʻomaopopo i kāu mau hana mana; ʻAʻole hoʻi lākou i hoʻomanaʻo i ka nui o kou lokomaikaʻi; A hoʻonāukiuki akula ma ke kai, ma ke Kai ʻUla hoʻi.

KA BUKE O NĀ HALELŪ 82:5

¶ ʻAʻole e ʻike lākou, ʻaʻole hoʻi e hoʻoponopono iho; Holoholo lākou ma ka pouli; Nāueue hoʻi nā kumu a pau o ka honua.

NĀ ʻŌLELO AKAMAI A SOLOMONA 28:5

ʻAʻole i ʻike ka poʻe ʻaiā i ka hoʻopono; A ʻo ka poʻe ʻimi iā Iēhova, ʻike nō i nā mea a pau.

KA WĀNANA A ʻISAIA 56:11

ʻO ia, he poʻe ʻīlio pōloli wale, ʻAʻole i ʻike lākou i ka māʻona; He poʻe kahu hipa lākou hiki ʻole ke hoʻomaopopo; Huli nō lākou a pau i ko lākou ʻaoʻao iho, ʻO kēlā mea kēia mea i kona waiwai paneʻe, ma kona wahi iho.

KA BUKE NO DANIʻELA 12:10

“Nui nō ka poʻe e hoʻomaʻemaʻe ʻia, a e hoʻokeʻokeʻo ʻia, a e hoʻāʻo ʻia; akā, ʻo ka poʻe hewa, e hana hewa nō lākou; ʻaʻole naʻe e hoʻomaopopo aku kekahi o ka poʻe hewa; akā, e hoʻomaopopo nō naʻe ka poʻe naʻauao.

KA ʻEUANELIO I KĀKAU ʻIA AI E MATAIO 13:34

¶ ʻO ia mau mea a pau kā Iesū i ʻōlelo aku ai i nā kānaka ma nā ʻōlelo nane; a ma nā ʻōlelo nane wale nō kāna ʻōlelo ʻana aku iā lākou.

KA ʻEUANELIO I KĀKAU ʻIA AI E MATAIO 13:51

¶ Nīnau maila ʻo Iesū iā lākou, “Ua ʻike pono anei ʻoukou i nēia mau mea a pau?” ʻĪ akula lākou iā ia, “ʻAe, e ka Haku.”

KA ʻEUANELIO I KĀKAU ʻIA AI E MAREKO 4:34

ʻAʻole ia i ʻōlelo iki aku iā lākou ma ka ʻōlelo nane ʻole; a ma kahi mehameha, hoʻākāka aʻela ia i nā mea a pau i kāna poʻe haumāna.

KA ʻEUANELIO I KĀKAU ʻIA AI E IOANE 16:25

¶ “Ua ʻōlelo pohihihi aku au ia mau mea iā ʻoukou; e hiki mai nō ka manawa, ʻaʻole au e ʻōlelo pohihihi hou aku iā ʻoukou; akā, e hōʻike akāka aku au iā ʻoukou i nā mea o ka Makua.

KA ʻEUANELIO I KĀKAU ʻIA AI E IOANE 16:29

ʻĪ akula kāna poʻe haumāna iā ia, “Aia hoʻi, ʻānō ke ʻōlelo akāka mai nei ʻoe, ʻaʻole me ka ʻōlelo nane.

KA ʻEUANELIO I KĀKAU ʻIA AI E IOANE 6:52

¶ Hoʻopaʻapaʻa ihola nā Iudaio iā lākou iho, ʻī aʻela, “Pehea lā e hiki ai iā ia ke hāʻawi mai i kona kino iā kākou e ʻai?”

KA ʻEUANELIO I KĀKAU ʻIA AI E IOANE 6:60

¶ A lohe aʻela nā haumāna āna he nui, ʻī aʻela lākou, “He ʻōlelo paʻakikī kēia; ʻo wai lā ka mea e hiki iā ia ke hoʻolohe aku ia?”

KA ʻEUANELIO I KĀKAU ʻIA AI E IOANE 7:36

“He aha hoʻi kēia mea āna i ʻōlelo mai nei, ‘E ʻimi auaneʻi ʻoukou iaʻu, ʻaʻole e loaʻa; a ma koʻu wahi e noho ai, ʻaʻole loa ʻoukou e hiki aku’?”

KA ʻEUANELIO I KĀKAU ʻIA AI E IOANE 8:27

ʻAʻole lākou i ʻike, ʻo ka Makua, kāna i ʻōlelo mai ai iā lākou.

KA ʻEUANELIO I KĀKAU ʻIA AI E IOANE 8:43

“No ke aha lā i ʻike ʻole ai ʻoukou i kaʻu ʻōlelo? No ka mea, no ka hiki ʻole iā ʻoukou ke hoʻolohe i kaʻu ʻōlelo.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:14

Akā, ʻo ke kanaka ma ke kino, ʻaʻole e loaʻa iā ia nā mea o ka ʻUhane o ke Akua; no ka mea, ua lapuwale ia mau mea iā ia, ʻaʻole hoʻi e hiki iā ia ke hoʻomaopopo aku; no ka mea, ma ka ʻuhane wale nō e ʻike ʻia ai lākou.

ʻO KA ʻEPISETOLE HOʻOLAHA ʻALUA A PETERO 2:22

Akā, ua hoʻokō ʻia iā lākou ka ʻōlelo ʻoiaʻiʻo, “«Ua hoʻi hou ka ʻīlio i kona luaʻi iho»,” a me “Ka puaʻa hoʻi i holoi ʻia, i kona haluku ʻana i loko o ke kiʻo lepo.”

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.