KA ʻEUANELIO I KĀKAU ʻIA AI E IOANE 10:16 - Ka Baibala Hemolele

¹⁶ “A he poʻe hipa ʻē aʻe nō kaʻu, ʻaʻole no kēia pā; he pono hoʻi noʻu e alakaʻi mai iā lākou, a e hoʻolohe auaneʻi lākou i koʻu leo; a e lilo i hoʻokahi ʻohana hipa, hoʻokahi hoʻi kahu hipa.

KA ʻEUANELIO I KĀKAU ʻIA AI E IOANE 10:16 Iomraidhean Croise

KA BUKE MUA A MOSE, I KAPA ʻIA KINOHI 49:10

“ʻAʻole e lilo aku ke koʻokoʻo aliʻi mai o Iuda aku, ʻAʻole hoʻi ka mea wehewehe kānāwai mai waena aku o kona mau wāwae, A hiki mai ai ʻo Silo; A iā ia ke ʻākoakoa ʻana aʻe o nā kānaka.

KA BUKE O NĀ HALELŪ 86:9

E hele mai nō ko nā ʻāina a pau āu i hana ai, A e kūlou hoʻomana i mua o kou alo, e ka Haku, A e hoʻonani aku i kou inoa.

KE KAHUNA 12:11

¶ ʻO nā ʻōlelo a ka poʻe naʻauao, ua like ia me nā mea ʻoi, a me nā kui i mākia ʻia a paʻa e ka poʻe luna o ka ʻaha kanaka, nā mea i hāʻawi ʻia aku ai e ke Kahu hoʻokahi.

KA WĀNANA A ʻISAIA 11:10

¶ “A hiki aku ia lā, E puka mai nō kekahi lālā no Iese, A e kū nō ia, i hae no nā lāhui kanaka, A e ʻimi nō ko nā ʻāina ma ona lā; A he nani hoʻi kona wahi hoʻomaha.”

KA WĀNANA A ʻISAIA 43:6

“E ʻōlelo aku nō au i ke kūkulu ʻākau, ‘E hāʻawi mai’; A i ke kūkulu hema hoʻi, ‘Mai ʻauʻa ʻoe’; E kaʻi mai i kaʻu mau keiki kāne, mai kahi lōʻihi mai, A me kaʻu mau kaikamāhine, mai nā kihi o ka honua;

KA WĀNANA A ʻISAIA 49:6

ʻĪ maila ia, “He mea ʻuʻuku ia e lilo ʻoe i Kauā naʻu, E hoʻokū mai i nā ʻohana o kā Iakoba, A e hoʻihoʻi i ka poʻe i mālama ʻia o kā ʻIseraʻela; E hāʻawi nō hoʻi au iā ʻoe i mālamalama no ko nā ʻāina ʻē, I lilo ʻoe i mea hoʻōla aku noʻu, ma nā kūkulu o ka honua.”

KA WĀNANA A ʻISAIA 52:10

Ua hōʻike ʻo Iēhova i kona lima hemolele i mua o nā maka o nā lāhui kanaka a pau; A e ʻike auaneʻi nā kūkulu a pau o ka honua i ka hoʻōla ʻana o ko kākou Akua.

KA WĀNANA A ʻISAIA 56:8

Ke ʻī mai nei ʻo Iēhova, ka Haku, Ka Mea hoʻoʻiliʻili i ka mea ʻaeʻa o kā ʻIseraʻela, “E hoʻoʻiliʻili au i kekahi poʻe ʻē aʻe, i ona lā, ʻOkoʻa ka poʻe i hoʻoʻiliʻili ʻia.”

KA WĀNANA A ʻEZEKIʻELA 34:12

“Me ke kahu hipa i ʻimi ai i kāna ʻohana i ka lā i noho ai ia i waenakonu o kāna poʻe hipa, i hele liʻiliʻi; pēlā e ʻimi aku ai au i kaʻu poʻe hipa, a e hoʻihoʻi mai iā lākou, mai loko mai o nā wahi a pau i hoʻopuehu ʻia ai lākou, i ka lā paʻapū i nā ao a me ka pouli.

KA WĀNANA A ʻEZEKIʻELA 34:23

“A e hoʻonoho aku au i ke kahu hipa hoʻokahi ma luna o lākou, a e hānai ʻo ia iā lākou, ʻo kaʻu kauā, ʻo Dāvida, e hānai ʻo ia iā lākou, a ʻo ia auaneʻi ko lākou kahu hipa.

KA WĀNANA A ʻEZEKIʻELA 34:6

“Ua ʻauana kaʻu mau hipa ma luna o nā mauna a pau, a ma luna hoʻi o kēlā puʻu kēia puʻu kiʻekiʻe; ʻo ia, ua hoʻopuehu ʻia koʻu ʻohana ma ka ʻili o ka honua a pau, ʻaʻohe mea huli, ʻaʻohe mea ʻimi aku iā lākou.”’”

KA WĀNANA A ʻEZEKIʻELA 37:22

“A e hoʻolilo au iā lākou i lāhui kanaka hoʻokahi ma ka ʻāina ma luna o nā mauna o kā ʻIseraʻela; a no lākou a pau he aliʻi hoʻokahi nō; ʻaʻole ʻalua lāhui kanaka hou aku lākou, ʻaʻole loa hoʻi e mokuāhana hou aku i ʻelua aupuni.

KA WĀNANA A ʻEZEKIʻELA 37:24

¶ “A e lilo kaʻu kauā ʻo Dāvida i aliʻi ma luna o lākou, a no lākou a pau he kahu hipa hoʻokahi; e hele hoʻi lākou ma koʻu mau kānāwai, a mālama hoʻi lākou i kaʻu mau kauoha, a e hana hoʻi ma laila.

HOSEA 1:10

¶ Akā, e like auaneʻi ka lehulehu o nā mamo a ʻIseraʻela, Me ke one o ke kai, ʻAʻole e hiki ke ana ʻia, ʻaʻole hoʻi ke helu ʻia; A ma kahi i ʻōlelo ʻia ai lākou, “ʻAʻole ʻo koʻu poʻe kānaka ʻoukou,” Ma laila e ʻōlelo ʻia ai lākou, “He poʻe keiki ʻoukou na ke Akua ola.”

ZEKARIA 2:11

“Ia lā hoʻi, he nui nā lāhui kanaka e hui aku iā lākou iho me Iēhova, a e lilo lākou i kānaka noʻu, a e noho nō wau i waena pū o ʻoukou; a e ʻike auaneʻi ʻoukou na Iēhova o nā kaua wau i hoʻouna mai i ou lā.

KA ʻEUANELIO I KĀKAU ʻIA AI E MATAIO 17:5

Iā ia i ʻōlelo aku ai, aia hoʻi, he ao ʻālohilohi i uhi mai iā lākou; a he leo mai loko mai o ke ao i paʻē maila, “ʻO kaʻu Keiki punahele kēia, ka Mea aʻu i ʻoliʻoli loa ai; e hoʻolohe ʻoukou iā ia!”

KA ʻEUANELIO I KĀKAU ʻIA AI E LUKA 15:8

¶ “A ʻo wai lā hoʻi ka wahine he mau hapawalu kāna he ʻumi, a i nalowale kekahi, ʻaʻole ia e kuni i ke kukui a kāhili i ka hale, a ʻimi ikaika a loaʻa ia iā ia?

KA ʻEUANELIO I KĀKAU ʻIA AI E IOANE 10:11

“ʻO wau nō ke kahu hipa maikaʻi; ʻo ke kahu hipa maikaʻi, ʻo ia ke hāʻawi i kona ola iho no nā hipa.

KA ʻEUANELIO I KĀKAU ʻIA AI E IOANE 10:2

“Akā, ʻo ka mea e komo ma ka puka, ʻo ia ke kahu o nā hipa.

KA ʻEUANELIO I KĀKAU ʻIA AI E IOANE 10:27

“Ua hoʻolohe kaʻu poʻe hipa i koʻu leo, a ua ʻike au iā lākou, a hahai nō lākou iaʻu;

KA ʻEUANELIO I KĀKAU ʻIA AI E IOANE 10:3

“Ke wehe aʻela ke kiaʻi puka nona, a ua hoʻolohe nā hipa i kona leo; a kāhea aku ia i kāna poʻe hipa ma ka inoa, a alakaʻi aku iā lākou ma waho.

KA ʻEUANELIO I KĀKAU ʻIA AI E IOANE 10:4

“Aia kuʻu aku ia i kāna poʻe hipa ponoʻī ma waho, hele nō ia ma mua o lākou, a hahai mai nā hipa iā ia; no ka mea, ua hoʻomaopopo lākou i kona leo.

KA ʻEUANELIO I KĀKAU ʻIA AI E IOANE 10:5

“ʻAʻole lākou e hahai aku i ke kanaka ʻē; akā, e holo lākou mai ona aku lā; no ka mea, ʻaʻole lākou i hoʻomaopopo i ka leo o nā kānaka ʻē.”

KA ʻEUANELIO I KĀKAU ʻIA AI E IOANE 11:52

ʻaʻole naʻe no ia lāhui kanaka wale nō; akā, i hōʻuluʻulu mai ai hoʻi ia i nā keiki a ke Akua, i noho liʻiliʻi aku ai, i loko o ka hoʻokahi.

KA ʻEUANELIO I KĀKAU ʻIA AI E IOANE 17:20

“ʻAʻole no lākou nei wale nō kaʻu e pule nei; akā, no ka poʻe hoʻi e manaʻoʻiʻo mai iaʻu ma ka ʻōlelo a lākou nei;

KA ʻEUANELIO I KĀKAU ʻIA AI E IOANE 6:37

“ʻO nā mea a pau a ka Makua e hāʻawi mai ai noʻu, e hele mai nō lākou i oʻu nei; a ʻo ka mea e hele mai i oʻu nei, ʻaʻole loa wau e kipaku aku iā ia.

NĀ ʻOIHANA A KA POʻE LUNAʻŌLELO 15:14

Ua haʻi mai nei ʻo Simeona i ko ke Akua hele ʻana mai ma mua aku nei e ʻike i ko nā ʻāina ʻē, e lawe mai i kekahi poʻe kānaka no kona inoa, mai loko mai o lākou.

NĀ ʻOIHANA A KA POʻE LUNAʻŌLELO 18:10

no ka mea, ʻo wau pū kekahi me ʻoe, ʻaʻole hoʻi e lele kekahi iā ʻoe e hana ʻino aku iā ʻoe; no ka mea, ua nui oʻu poʻe kānaka ma loko o kēia kūlanakauhale.”

NĀ ʻOIHANA A KA POʻE LUNAʻŌLELO 22:14

“ʻĪ maila ia, ‘Ua koho mai ke Akua o ko kākou poʻe kūpuna iā ʻoe, i ʻike ʻoe i kona makemake, a e ʻike aku hoʻi i ka Mea Pono, a e lohe hoʻi i ka leo o kona waha.

ʻO KA ʻEPISETOLE A PAULO KA LUNAʻŌLELO I KO ROMA 11:25

¶ No ka mea, ʻaʻole au makemake e ʻike ʻole ʻoukou, e nā hoahānau, i kēia pohihihi, o akamai ʻoukou i ko ʻoukou manaʻo; ua loaʻa ka moʻowini i kekahi poʻe o kā ʻIseraʻela a hiki i ka manawa e komo mai ai ka nui o ko nā ʻāina ʻē.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:13

¶ Akā, e pono mākou e hoʻomaikaʻi mau aku i ke Akua no ʻoukou, e nā hoahānau i aloha ʻia mai e ka Haku, no ko ke Akua wae ʻana mai iā ʻoukou, mai ke kumu mai, i ola ʻoukou ma ka huikala ʻana mai o ka ʻUhane, a ma ka manaʻoʻiʻo aku i ka ʻōlelo ʻoiaʻiʻo.

ʻO KA ʻEPISETOLE A PAULO KA LUNAʻŌLELO I KO HEBERA 13:20

¶ Na ke Akua hoʻopōmaikaʻi, na ka Mea i hoʻāla mai i ko kākou Haku iā Iesū mai ka make mai, i ka Mea i lilo mai, ma ke koko o ka berita mau loa, i Kahu nui no ka poʻe hipa.

ʻO KA ʻEPISETOLE HOʻOLAHA MUA A PETERO 2:10

«ʻAʻole ʻoukou he aupuni ma mua»; akā, i kēia manawa, «he aupuni ʻoukou no ke Akua»; ia manawa, «ʻaʻole ʻoukou i aloha ʻia», i kēia manawa «ua aloha ʻia mai nō».

ʻO KA ʻEPISETOLE HOʻOLAHA MUA A PETERO 2:25

No ka mea, ua like ʻoukou me nā hipa e hele hewa ana; akā, ua hoʻihoʻi ʻia mai nei ʻoukou i ke Kahu Hipa, a me ka Luna Kiaʻi o ko ʻoukou mau ʻuhane.

ʻO KA ʻEPISETOLE HOʻOLAHA MUA A PETERO 5:4

A hiki i ka wā e hōʻike ʻia mai ai ke Kahu Hipa Nui, a laila e loaʻa iā ʻoukou ka lei nani loa, ʻaʻole loa e mae.

KA HŌʻIKE ʻANA A IOANE KA HAIPULE 3:20

‘Aia hoʻi, ke kū nei au ma ka puka e kīkēkē ana; inā lohe kekahi i koʻu leo, a wehe i ka puka, e komo aku au i ona lā, a e ʻai pū au me ia, a ʻo ia pū me aʻu.