KA ʻEUANELIO I KĀKAU ʻIA AI E IOANE 1:9 - Ka Baibala Hemolele

⁹ ¶ ʻO ka mālamalama ʻiʻo ia, ka mea nāna e hoʻomālamalama nā kānaka a pau e hele mai ana i ke ao nei.

KA ʻEUANELIO I KĀKAU ʻIA AI E IOANE 1:9 Iomraidhean Croise

KA WĀNANA A ʻISAIA 49:6

ʻĪ maila ia, “He mea ʻuʻuku ia e lilo ʻoe i Kauā naʻu, E hoʻokū mai i nā ʻohana o kā Iakoba, A e hoʻihoʻi i ka poʻe i mālama ʻia o kā ʻIseraʻela; E hāʻawi nō hoʻi au iā ʻoe i mālamalama no ko nā ʻāina ʻē, I lilo ʻoe i mea hoʻōla aku noʻu, ma nā kūkulu o ka honua.”

KA WĀNANA A ʻISAIA 8:20

Ma ke kānāwai, a ma ka hōʻike ʻana hoʻi; inā ʻōlelo ʻole lākou e like me ia ʻōlelo, ʻaʻole e puka mai ke ao ma luna o lākou.

KA ʻEUANELIO I KĀKAU ʻIA AI E MATAIO 6:23

“Akā, i ʻino kou maka, e paʻapū ana kou kino i ka pouli. Inā e lilo ka mālamalama i loko ou i pouli, ʻaʻohe ʻiʻo hoʻi o ka nui o ua pouli lā!

KA ʻEUANELIO I KĀKAU ʻIA AI E LUKA 11:36

“No ia mea, inā mālamalama kou kino a pau, ʻaʻole ona wahi pouli, a laila ua puni ia i ka hoʻomālamalama ʻia, e like me ka hoʻomālamalama ʻana o ke kukui iā ʻoe i kona ʻaʻā pono ʻana.”

KA ʻEUANELIO I KĀKAU ʻIA AI E IOANE 1:4

I loko ona ke ola, a ʻo ua ola lā ka mālamalama no nā kānaka.

KA ʻEUANELIO I KĀKAU ʻIA AI E IOANE 1:7

Hele maila ʻo ia i mea hōʻike, i hōʻike ai ia no ua mālamalama lā, i manaʻoʻiʻo ai nā kānaka a pau ma ona lā.

KA ʻEUANELIO I KĀKAU ʻIA AI E IOANE 12:46

“I hele mai nei au i ke ao nei i mālamalama, i ʻole ai e noho i ka pouli nā mea e manaʻoʻiʻo mai iaʻu.

KA ʻEUANELIO I KĀKAU ʻIA AI E IOANE 14:6

ʻŌlelo maila ʻo Iesū iā ia, “ʻO wau nō ke ala, a me ka ʻoiaʻiʻo, a me ke ola; ʻaʻole kekahi e hiki i ka Makua, ke hele ʻole ia ma oʻu nei.

KA ʻEUANELIO I KĀKAU ʻIA AI E IOANE 15:1

¶ “ʻO wau nō ke kumu waina ʻoiaʻiʻo, a ʻo koʻu Makua ka mahi waina.

KA ʻEUANELIO I KĀKAU ʻIA AI E IOANE 6:32

ʻŌlelo maila ʻo Iesū iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻaʻole ʻo Mose i hāʻawi mai na ʻoukou i ka berena mai ka lani mai; akā, ʻo koʻu Makua ke hāʻawi mai nei na ʻoukou i ka berena ʻoiaʻiʻo mai ka lani mai.

KA ʻEUANELIO I KĀKAU ʻIA AI E IOANE 7:12

A nui loa aʻela ka hoʻopaʻapaʻa ʻana o ua ʻaha kanaka lā nona; ʻōlelo maila kekahi poʻe, “He maikaʻi ʻo ia”; ʻī maila kekahi poʻe, “ʻAʻole, ke hoʻopunipuni mai nei ia i nā kānaka.”

ʻO KA ʻEPISETOLE HOʻOLAHA MUA A IOANE 1:8

Inā e ʻōlelo kākou, “ʻAʻole o kākou hewa,” ua kuhi hewa kākou, ʻaʻole he ʻoiaʻiʻo i loko o kākou.

ʻO KA ʻEPISETOLE HOʻOLAHA MUA A IOANE 2:8

He kānāwai hou kekahi aʻu e palapala aku nei iā ʻoukou, he ʻoiaʻiʻo nō ia i loko ona, a i loko o ʻoukou nō hoʻi; no ka mea, ua hala akula ka pouli, ʻānō lā ua hiki mai nei ka mālamalama ʻoiaʻiʻo.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.