KA ʻEUANELIO I KĀKAU ʻIA AI E IOANE 1:51 - Ka Baibala Hemolele

⁵¹ ʻŌlelo maila ʻo ia iā ia, “ʻOiaʻiʻo; he ʻoiaʻiʻo kaʻu e ʻōlelo aku nei iā ʻoukou, Ma hope aku e ʻike ʻoukou i ka lani e hāmama ana, a me nā ʻānela o ke Akua e piʻi aku ana, a e iho mai ana ma luna iho o ke Keiki a ke Kanaka.”

KA ʻEUANELIO I KĀKAU ʻIA AI E IOANE 1:51 Iomraidhean Croise

KA BUKE MUA A MOSE, I KAPA ʻIA KINOHI 28:12

Moe ihola ia i ka ʻuhane; aia hoʻi, kū maila kekahi ala haka ma luna o ka honua, a hiki akula kona wēlau i ka lani; aia hoʻi, ua ʻikea nā ʻānela o ke Akua i ka piʻi ʻana aʻe, a i ka iho ʻana mai ma luna o ka haka.

KA WĀNANA A ʻEZEKIʻELA 1:1

¶ Eia kēia, i ke kanakolu o ka makahiki, i ka malama hā, i ka lā ʻalima o ka mahina, e noho ana au i waena o ka poʻe pio ma ka muliwai ʻo Kebara, hāmama maila ka lani, a ʻike akula au i nā hihiʻo o ke Akua.

ZEKARIA 13:7

¶ “E ka pahi kaua, e ala kūʻē ʻoe i kuʻu Kahu Hipa, I ke kanaka Hoa oʻu,” wahi a Iēhova o nā kaua. “E hahau i ke Kahu Hipa, a e hoʻoʻauheʻe ʻia nā hipa; E hoʻohuli aku au i kuʻu lima ma luna o ka poʻe liʻiliʻi.

KA ʻEUANELIO I KĀKAU ʻIA AI E MATAIO 25:31

¶ “Aia hiki mai ke Keiki a ke Kanaka me kona nani, a ʻo nā ʻānela a pau pū me ia; a laila, e noho ihola ma luna o kona noho aliʻi nani.

KA ʻEUANELIO I KĀKAU ʻIA AI E MATAIO 26:24

“E hele aku ana ke Keiki a ke Kanaka, e like me ka mea i palapala ʻia nona; auē hoʻi ke kanaka nāna e kumakaia ke Keiki a ke Kanaka! Pōmaikaʻi ua kanaka lā, inā ʻaʻole i hānau ʻia mai ia.”

KA ʻEUANELIO I KĀKAU ʻIA AI E MATAIO 3:16

A bapetizo ʻia ʻo Iesū, a laila, piʻi koke maila ia mai ka wai mai; aia hoʻi, hāmama aʻela ka lani nona, a ʻikea akula ka ʻUhane o ke Akua e iho mai ana me he manu nūnū lā, a kau ihola ma luna iho ona.

KA ʻEUANELIO I KĀKAU ʻIA AI E MATAIO 4:11

A laila, haʻalele akula ka diabolō iā ia; aia hoʻi, hele maila nā ʻānela, a lawelawe nāna.

KA ʻEUANELIO I KĀKAU ʻIA AI E MATAIO 8:20

ʻĪ maila Iesū iā ia, “He mau lua ko nā ʻalopeke, he mau pūnana ko nā manu o ka lewa; akā, ʻo ke Keiki a ke Kanaka, ʻaʻohe ona wahi e hoʻomoe ai i kona poʻo.”

KA ʻEUANELIO I KĀKAU ʻIA AI E MATAIO 9:6

“I ʻike hoʻi ʻoukou, he mana nō ko ke Keiki a ke Kanaka e kala aku ai i nā hewa ma ka honua nei, ‘E kū aʻe, (wahi āna i ka maʻi lōlō,) e lawe ʻoe i kou wahi moe, a e hoʻi i kou hale.’”

KA ʻEUANELIO I KĀKAU ʻIA AI E MAREKO 1:10

A i kona piʻi koke ʻana, mai ka wai mai, ʻike akula ia i nā lani, ua hāmama, a i ka ʻUhane me he manu nūnū lā e iho mai ana ma luna ona.

KA ʻEUANELIO I KĀKAU ʻIA AI E MAREKO 14:62

ʻŌlelo maila Iesū, “ʻO wau nō ia; a e ʻike mai auaneʻi ʻoukou i «ke Keiki a ke Kanaka e noho ana ma ka lima ʻākau o ka Mana Loa», a «e hele mai ana ma nā ao o ka lani».”

KA ʻEUANELIO I KĀKAU ʻIA AI E LUKA 2:13

A ʻemo ʻole maila ka lehulehu o ka pūʻali o ka lani me ua ʻānela lā, e hoʻoleʻa ana i ke Akua, e ʻōlelo ana,

KA ʻEUANELIO I KĀKAU ʻIA AI E LUKA 2:9

Aia hoʻi! Kau maila ka ʻānela o ka Haku i o lākou lā, a hoʻomālamalama maila ka nani o ka Haku iā lākou a puni, a makaʻu loa ihola lākou.

KA ʻEUANELIO I KĀKAU ʻIA AI E LUKA 22:43

A ʻike ʻia aʻela e ia ka ʻānela, mai ka lani mai, e hoʻoikaika ana iā ia.

KA ʻEUANELIO I KĀKAU ʻIA AI E LUKA 22:69

“Ma hope aku nei hoʻi, «e noho nō ke Keiki a ke Kanaka ma ka lima ʻākau» o ka mana o «ke Akua».”

KA ʻEUANELIO I KĀKAU ʻIA AI E LUKA 24:4

A i ko lākou haʻohaʻo nui ʻana ia mea, aia hoʻi, ʻelua kānaka e kū mai ana i o lākou lā me nā kapa ʻālohilohi.

KA ʻEUANELIO I KĀKAU ʻIA AI E LUKA 3:21

¶ Eia hoʻi kekahi, i ka bapetizo ʻia ʻana o nā kānaka a pau, ʻo Iesū nō kekahi i bapetizo ʻia; a i kāna pule ʻana aʻe, wehe ʻia maila ka lani;

KA ʻEUANELIO I KĀKAU ʻIA AI E IOANE 1:50

ʻŌlelo maila ʻo Iesū iā ia, ʻī maila, “No kaʻu haʻi ʻana aku iā ʻoe, Ua ʻike au iā ʻoe ma lalo o ka lāʻau fiku, ke manaʻoʻiʻo nei anei ʻoe? E ʻike auaneʻi ʻoe i nā mea nui ʻē aku i kēia.”

KA ʻEUANELIO I KĀKAU ʻIA AI E IOANE 10:1

¶ “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea komo ʻole ma ka puka i loko o ka pā hipa; akā, e piʻi aʻe ma kahi ʻē, he ʻaihue ia a me ka pōā.

KA ʻEUANELIO I KĀKAU ʻIA AI E IOANE 10:7

¶ No ia mea, ʻōlelo hou maila ʻo Iesū iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo wau nō ka puka no nā hipa.

KA ʻEUANELIO I KĀKAU ʻIA AI E IOANE 13:16

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻaʻole e ʻoi aku ke kauā ma mua o kona haku; ʻaʻole hoʻi e ʻoi aku ka mea i hoʻouna ʻia ma mua o ka mea nāna ia i hoʻouna aku.

KA ʻEUANELIO I KĀKAU ʻIA AI E IOANE 13:38

ʻĪ maila ʻo Iesū iā ia, “E waiho aku anei ʻoe i kou ola noʻu? ʻOiaʻiʻo, he ʻoiaʻiʻo kaʻu e ʻōlelo aku nei iā ʻoe, ʻaʻole e kani mai ka moa, a ʻekolu kāu hōʻole ʻē ʻana iaʻu.”

KA ʻEUANELIO I KĀKAU ʻIA AI E IOANE 14:12

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e manaʻoʻiʻo mai iaʻu, ʻo nā hana aʻu e hana nei, e hana aku nō ia; a e hana aku nō ia i nā mea ʻoi aku ma mua o kēia; no ka mea, ke hoʻi aku nei au i koʻu Makua.

KA ʻEUANELIO I KĀKAU ʻIA AI E IOANE 16:20

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, e uē auaneʻi ʻoukou, a e kanikau hoʻi; akā, e ʻoliʻoli nō ke ao nei; a e kaumaha auaneʻi ʻoukou; akā, e hoʻolilo ʻia ko ʻoukou kaumaha i ʻoliʻoli.

KA ʻEUANELIO I KĀKAU ʻIA AI E IOANE 16:23

“A i kēlā manawa, ʻaʻole e nīnau mai ʻoukou iaʻu i kekahi mea. ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo nā mea a ʻoukou e noi ai i ka Makua ma koʻu inoa, ʻo ia kāna e hāʻawi mai iā ʻoukou.

KA ʻEUANELIO I KĀKAU ʻIA AI E IOANE 21:18

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoe, i kou wā ʻōpiopio, kāʻei ʻoe iā ʻoe iho, a hele akula i kāu wahi i makemake ai; akā, i kou wā ʻelemakule e kīkoʻo aku ʻoe i kou mau lima, a na haʻi ʻoe e kāʻei mai, a e alakaʻi aku i kahi āu e makemake ʻole ai.”

KA ʻEUANELIO I KĀKAU ʻIA AI E IOANE 3:3

ʻŌlelo maila ʻo Iesū iā ia, ʻī maila, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoe, inā e hānau hou ʻole ʻia ke kanaka, ʻaʻole e hiki iā ia ke ʻike aku i ke aupuni o ke Akua.”

KA ʻEUANELIO I KĀKAU ʻIA AI E IOANE 3:5

ʻŌlelo maila ʻo Iesū, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoe, inā e hānau ʻole ʻia ke kanaka i ka wai, a me ka ʻUhane, ʻaʻole e hiki iā ia ke komo i loko o ke aupuni o ke Akua.

KA ʻEUANELIO I KĀKAU ʻIA AI E IOANE 5:19

¶ ʻŌlelo maila ʻo Iesū, ʻī maila iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻaʻole e hiki i ke Keiki wale iho nō, ke hana aku i kekahi mea, ke ʻike ʻole ia i ka Makua e hana ana ia mea; no laila, ʻo nā mea āna i hana ai, ʻo ia hoʻi nā mea a ke Keiki e hana ai.

KA ʻEUANELIO I KĀKAU ʻIA AI E IOANE 5:27

“A ua hāʻawi mai hoʻi iā ia i ka mana e hoʻopaʻi aku ai; no ka mea, ʻo ia ke Keiki a ke Kanaka.

KA ʻEUANELIO I KĀKAU ʻIA AI E IOANE 6:26

ʻŌlelo maila ʻo Iesū iā lākou, ʻī maila, “Ke ʻimi nei ʻoukou iaʻu, ʻaʻole no ka hana mana a ʻoukou i ʻike ai; akā, no kā ʻoukou ʻai ʻana i nā pōpō berena, a māʻona aʻe.

KA ʻEUANELIO I KĀKAU ʻIA AI E IOANE 6:32

ʻŌlelo maila ʻo Iesū iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻaʻole ʻo Mose i hāʻawi mai na ʻoukou i ka berena mai ka lani mai; akā, ʻo koʻu Makua ke hāʻawi mai nei na ʻoukou i ka berena ʻoiaʻiʻo mai ka lani mai.

KA ʻEUANELIO I KĀKAU ʻIA AI E IOANE 6:47

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e manaʻoʻiʻo mai iaʻu, he ola mau loa kona.

KA ʻEUANELIO I KĀKAU ʻIA AI E IOANE 6:53

ʻŌlelo akula ʻo Iesū iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, a i ʻai ʻole ʻoukou i ke kino o ke Keiki a ke Kanaka, a i inu ʻole hoʻi i kona koko, ʻaʻole he ola i loko o ʻoukou.

KA ʻEUANELIO I KĀKAU ʻIA AI E IOANE 8:34

ʻŌlelo maila Iesū iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e hana ana i ka hewa, he kauā ia na ka hewa.

KA ʻEUANELIO I KĀKAU ʻIA AI E IOANE 8:51

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, inā e mālama kekahi i kaʻu ʻōlelo, ʻaʻole loa ia e ʻike i ka make.”

KA ʻEUANELIO I KĀKAU ʻIA AI E IOANE 8:58

ʻĪ akula ʻo Iesū iā lākou, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ma mua o ko ʻAberahama noho ʻana, ʻO WAU NŌ.”

NĀ ʻOIHANA A KA POʻE LUNAʻŌLELO 10:11

ʻike akula ia, ua wehe ʻia ka lani, a iho maila kekahi pūʻolo i ona lā, ua like me ke kuʻina nui i hui ʻia nā kihi ʻehā, a kuʻu ʻia ihola i lalo i ka honua;

NĀ ʻOIHANA A KA POʻE LUNAʻŌLELO 7:56

ʻī maila ia, “Aia hoʻi, ke ʻike aku nei au i nā lani e hāmama ana, a me ke Keiki a ke Kanaka e kū ana ma ka lima ʻākau o ke Akua.”

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:7

a iā ʻoukou hoʻi ka poʻe i hoʻopōʻino ʻia, i ka hoʻomaha pū me mākou, i ka wā e hōʻike ʻia mai ai ʻo ka Haku ʻo Iesū, mai ka lani mai, me kona poʻe ʻānela mana,

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:9

ʻO lākou ke hoʻopaʻi ʻia ʻana i ka make mau loa, mai ke alo mai o ka Haku a me kona mana nani;

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 3:16

Ua akāka nō he mea nui ka mea pohihihi o ka manaʻo i ke Akua: Ua hōʻike ʻia mai ke Akua ma ke kino, Ua hoʻāpono ʻia mai e ka ʻUhane, Ua ʻikea mai e nā ʻānela, Ua haʻi ʻia aku i ko nā ʻāina ʻē, Ua manaʻoʻiʻo ʻia ma ke ao nei, A ua hoʻokipa ʻia aku i luna i ka nani.

ʻO KA ʻEPISETOLE A PAULO KA LUNAʻŌLELO I KO HEBERA 1:14

ʻAʻole anei lākou a pau he poʻe ʻuhane lawelawe i hoʻouna ʻia, e kōkua i ka poʻe e lilo ana i poʻe hoʻoilina o ke ola?

ʻO KA ʻEPISETOLE HOʻOLAHA A IUDA 1:14

Wānana mai nō ʻo ʻEnoka ia mau mea, ʻo ka hiku ia mai ʻAdamu mai, ʻī maila, “Eia hoʻi, e hele mai ana ka Haku me ka ʻumi tausani o kona poʻe hoʻāno,

KA HŌʻIKE ʻANA A IOANE KA HAIPULE 19:11

¶ ʻIke akula au i ka lani e hāmama ana, a aia hoʻi, he lio keʻokeʻo; a ʻo ka mea e noho ana ma luna iho ona, ua kapa ʻia, ʻo Hoʻopono, a ʻo ʻOiaʻiʻo, a ma ka pono ʻo ia e hoʻopaʻi aku ai, a e kaua aku ai hoʻi.

KA HŌʻIKE ʻANA A IOANE KA HAIPULE 4:1

¶ Ma hope iho o kēia mau mea, nānā akula au, aia hoʻi, he puka e hāmama ana ma loko o ka lani; a ʻo ka leo mua aʻu i lohe ai, ua like ia me ko ka pū e kamaʻilio ana iaʻu, ʻī maila, “E piʻi mai ʻoe i ʻaneʻi, a naʻu nō e hōʻike aku iā ʻoe i nā mea e hiki mai ana ma kēia hope aku.”