KA ʻEUANELIO I KĀKAU ʻIA AI E IOANE 1:34 - Ka Baibala Hemolele

³⁴ “A ua ʻike au, e hōʻike mai hoʻi, ʻo ia ke Keiki a ke Akua.”

KA ʻEUANELIO I KĀKAU ʻIA AI E IOANE 1:34 Iomraidhean Croise

KA BUKE O NĀ HALELŪ 2:7

¶ “E haʻi aku au i ke kauoha; Ua ʻōlelo maila ʻo Iēhova iaʻu, ‘ʻO ʻoe nō kaʻu Keiki; I kēia lā nō, ua hoʻohānau aku wau iā ʻoe.

KA ʻEUANELIO I KĀKAU ʻIA AI E MATAIO 11:27

“Ua hāʻawi ʻia mai iaʻu nā mea a pau e koʻu Makua; ʻaʻohe kanaka i ʻike i ke Keiki, ʻo ka Makua wale nō; ʻaʻole hoʻi he kanaka i ʻike i ka Makua, ʻo ke Keiki wale nō, a me ka mea iā ia e hōʻike aku ai ke Keiki.

KA ʻEUANELIO I KĀKAU ʻIA AI E MATAIO 16:16

ʻŌlelo akula ʻo Simona Petero, ʻī akula, “ʻO ʻoe nō ka Mesia, ke Keiki a ke Akua ola.”

KA ʻEUANELIO I KĀKAU ʻIA AI E MATAIO 17:5

Iā ia i ʻōlelo aku ai, aia hoʻi, he ao ʻālohilohi i uhi mai iā lākou; a he leo mai loko mai o ke ao i paʻē maila, “ʻO kaʻu Keiki punahele kēia, ka Mea aʻu i ʻoliʻoli loa ai; e hoʻolohe ʻoukou iā ia!”

KA ʻEUANELIO I KĀKAU ʻIA AI E MATAIO 26:63

ʻAʻole ʻo Iesū i ʻekemu aʻe. ʻŌlelo maila ke kahuna nui iā ia, ʻī maila, “Ke nīnau pono aku nei au iā ʻoe ma ke Akua ola, e haʻi mai ʻoe iā mākou, ʻo ʻoe anei ka Mesia, ke Keiki a ke Akua?”

KA ʻEUANELIO I KĀKAU ʻIA AI E MATAIO 27:40

Me ka ʻī ʻana, “ʻO ʻoe ka mea nāna e wāwahi ka luakini, a hoʻokū hou aʻe i nā lā ʻekolu, e hoʻōla ʻoe iā ʻoe iho! A ʻo ke Keiki ʻoe a ke Akua, e iho mai ʻoe i lalo mai luna mai o ke keʻa.”

KA ʻEUANELIO I KĀKAU ʻIA AI E MATAIO 27:43

“«Ua paulele aku nō ia i ke Akua, a inā makemake mai ke Akua iā ia, e hoʻōla mai kēlā iā ia ʻānō»; no ka mea, ua ʻōlelo mai nō ia, ‘ʻO wau nō ke Keiki a ke Akua.’”

KA ʻEUANELIO I KĀKAU ʻIA AI E MATAIO 27:54

A ʻike aʻela ka luna haneri, a ʻo nā mea me ia e kiaʻi ana iā Iesū i ke ōlaʻi, a me nā mea i hana ʻia, makaʻu loa ihola lākou, ʻī aʻela, “He ʻoiaʻiʻo nō, ʻo ke Keiki nō kēia a ke Akua!”

KA ʻEUANELIO I KĀKAU ʻIA AI E MATAIO 3:17

Aia hoʻi, he leo mai ka lani mai, e ʻī mai ana, “ʻO kaʻu Keiki punahele kēia, ka Mea aʻu i ʻoliʻoli loa ai.”

KA ʻEUANELIO I KĀKAU ʻIA AI E MATAIO 4:3

A hiki aku ka mea hoʻowalewale i ona lā, ʻī akula ia, “Inā ʻo ke Keiki ʻoe a ke Akua, e ʻī mai ʻoe i kēia mau pōhaku i lilo i berena.”

KA ʻEUANELIO I KĀKAU ʻIA AI E MATAIO 4:6

ʻī akula iā ia, “Inā ʻo ʻoe ke Keiki a ke Akua, e lele iho ʻoe i lalo; no ka mea, ua palapala ʻia, ‘«E kauoha mai nō ia i kona poʻe ʻānela nou, E kaʻikaʻi lākou iā ʻoe ma ko lākou mau lima, O kū ʻia kou wāwae i ka pōhaku».’”

KA ʻEUANELIO I KĀKAU ʻIA AI E MATAIO 8:29

Aia hoʻi, kāhea maila lāua, ʻī maila, “He aha kāu iā mākou nei, e Iesū ke Keiki a ke Akua? Ua hiki ʻē mai nei anei ʻoe e hana ʻeha mai iā mākou ma mua o ka manawa?”

KA ʻEUANELIO I KĀKAU ʻIA AI E MAREKO 1:1

¶ ʻO ka mua o ka ʻeuanelio no Iesū Kristo, ke Keiki a ke Akua.

KA ʻEUANELIO I KĀKAU ʻIA AI E MAREKO 1:11

A paʻē maila ka leo, mai ka lani mai, “ʻO ʻoe nō kaʻu Keiki punahele, ka Mea aʻu i leʻaleʻa nui aku ai.”

KA ʻEUANELIO I KĀKAU ʻIA AI E LUKA 1:35

ʻŌlelo maila ka ʻānela, ʻī maila iā ia, “E kau mai nō ka ʻUhane Hemolele ma luna iho ou; a e hoʻomalu mai ka mana o ka Mea Kiʻekiʻe Loa iā ʻoe, no ia mea lā hoʻi, e kapa ʻia ka Mea Hemolele āu e hānau ai, ʻo ke Keiki a ke Akua.

KA ʻEUANELIO I KĀKAU ʻIA AI E LUKA 3:22

a iho maila ma luna ona ka ʻUhane Hemolele me ko ke kino ʻano o ka manu nūnū, a paʻē mai ka leo mai ka lani mai, e ʻī mai ana, “ʻO ʻoe nō kaʻu Keiki punahele, he ʻoluʻolu loa koʻu iā ʻoe.”

KA ʻEUANELIO I KĀKAU ʻIA AI E IOANE 1:18

ʻAʻole loa i ʻike pono kekahi i ke Akua; ʻo ke Keiki hiwahiwa, aia ma ka poli o ka Makua, ʻo ia kai hōʻike mai iā ia.

KA ʻEUANELIO I KĀKAU ʻIA AI E IOANE 1:49

ʻŌlelo akula ʻo Natanaʻela iā ia, ʻī akula, “E Rabi, ʻo ʻoe ke Keiki a ke Akua, ʻo ʻoe ke Aliʻi o kā ʻIseraʻela.”

KA ʻEUANELIO I KĀKAU ʻIA AI E IOANE 10:30

“ʻO wau a ʻo ka Makua, hoʻokahi māua.”

KA ʻEUANELIO I KĀKAU ʻIA AI E IOANE 10:36

ke ʻōlelo mai nei anei ʻoukou i ka mea a ke Akua i hoʻolaʻa ai, a i hoʻouna mai ai i ke ao nei, ‘Ua ʻōlelo hōʻino ʻoe,’ no kaʻu ʻī ʻana aku, ‘ʻO wau nō ke Keiki a ke Akua’?

KA ʻEUANELIO I KĀKAU ʻIA AI E IOANE 11:27

ʻĪ akula kēlā iā ia, “ʻAe, e ka Haku, ke manaʻoʻiʻo nei au ʻo ʻoe ka Mesia, ke Keiki a ke Akua, ka mea hele mai i ke ao nei.”

KA ʻEUANELIO I KĀKAU ʻIA AI E IOANE 19:7

ʻŌlelo akula nā Iudaio iā ia, “He kānāwai ko mākou, a ma ko mākou kānāwai, he pono nō e make ia; no ka mea, ua ʻōlelo mai ia, ʻo ia ke Keiki a ke Akua.”

KA ʻEUANELIO I KĀKAU ʻIA AI E IOANE 20:28

ʻŌlelo akula ʻo Toma iā ia, ʻī akula, “E koʻu Haku, a me koʻu Akua!”

KA ʻEUANELIO I KĀKAU ʻIA AI E IOANE 20:31

Akā, ua palapala ʻia kēia mau mea i manaʻoʻiʻo ai ʻoukou, ʻo Iesū ka Mesia, ke Keiki a ke Akua; a i ko ʻoukou manaʻoʻiʻo ʻana, i loaʻa ai iā ʻoukou ke ola ma kona inoa.

KA ʻEUANELIO I KĀKAU ʻIA AI E IOANE 6:69

“A ua manaʻoʻiʻo mākou, a ua ʻike hoʻi, ʻo ʻoe nō ka Mesia, ke Keiki a ke Akua.”

ʻO KA ʻEPISETOLE A PAULO KA LUNAʻŌLELO I KO ROMA 1:4

a i hoʻomaopopo ʻia hoʻi ʻo ke Keiki a ke Akua me ka mana, ma ka ʻUhane hoʻāno, ma hope o ke ala hou ʻana mai waena mai o ka poʻe make;

ʻO KA ʻEPISETOLE LUA A PAULO KA LUNAʻŌLELO I KO KORINETO 1:19

No ka mea, ʻo ke Keiki a ke Akua, ʻo Iesū Kristo, ka mea a mākou me Silevano a me Timoteo i haʻi aku ai iā ʻoukou, ʻaʻole ia he hōʻoia a me ka hōʻole; akā, i loko ona, he hōʻoia wale nō.

ʻO KA ʻEPISETOLE A PAULO KA LUNAʻŌLELO I KO HEBERA 7:3

ʻAʻole ona makua kāne, ʻaʻohe makuahine, ʻaʻole kūʻauhau, ʻaʻohe kumu o kona mau lā, ʻaʻole oki kona ola ʻana; akā, ua hoʻohālike ʻia me ke Keiki a ke Akua, e noho kahuna mau ana.

ʻO KA ʻEPISETOLE HOʻOLAHA MUA A IOANE 2:23

ʻO nā mea a pau e hōʻole aku ana i ke Keiki, ʻaʻole no lākou ka Makua; akā, ʻo ka mea e hōʻoiaʻiʻo ana i ke Keiki, nona nō ka Makua.

ʻO KA ʻEPISETOLE HOʻOLAHA MUA A IOANE 3:8

ʻO ka mea e hana ana i ka hewa, no ka diabolō nō ia; no ka mea, ua hana hewa mau ka diabolō, mai kinohi mai. No ia mea, ua hōʻikea mai ke Keiki a ke Akua, i hōkaʻe aku ai ʻo ia i kā ka diabolō hana ʻana.

ʻO KA ʻEPISETOLE HOʻOLAHA MUA A IOANE 4:9

Ma ia mea, ua hōʻike ʻia mai ke aloha o ke Akua iā kākou; no ka mea, hoʻouna maila ke Akua i kāna Keiki hānau kahi i ke ao nei, i ola ai kākou iā ia.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.

ʻO KA ʻEPISETOLE LUA A IOANE 1:9

ʻO ka mea i hana hewa, ʻaʻole hoʻi i noho ma ka ʻōlelo a ka Mesia, ʻaʻole no ke Akua ia; ʻo ka mea e noho ana ma ka ʻōlelo a ka Mesia, nona nō ka Makua a me ke Keiki.

KA HŌʻIKE ʻANA A IOANE KA HAIPULE 2:18

¶ “E palapala aku ʻoe i ka ʻānela o ka ʻekalesia ma Tuateira: Ke ʻī mai nei ke Keiki a ke Akua, ka Mea nona nā maka e like me ka lapalapa o ke ahi, a ua like kona mau wāwae me ke keleawe melemele maikaʻi, penei: