KA ʻEUANELIO I KĀKAU ʻIA AI E IOANE 1:18 - Ka Baibala Hemolele

¹⁸ ʻAʻole loa i ʻike pono kekahi i ke Akua; ʻo ke Keiki hiwahiwa, aia ma ka poli o ka Makua, ʻo ia kai hōʻike mai iā ia.

KA ʻEUANELIO I KĀKAU ʻIA AI E IOANE 1:18 Iomraidhean Croise

KA BUKE MUA A MOSE, I KAPA ʻIA KINOHI 16:13

Kapa akula ia i ka inoa ʻo Iēhova nāna i ʻōlelo mai iā ia, “ʻO ʻoe e ke Akua ka mea i ʻike mai iaʻu”; no ka mea, ʻī ihola ia, “Ua ʻimi aku nō anei au i ka Mea ʻike mai iaʻu?”

KA BUKE MUA A MOSE, I KAPA ʻIA KINOHI 18:33

A pau aʻela kā Iēhova kamaʻilio ʻana me ʻAberahama, hele akula ʻo Iēhova; a hoʻi hou maila ʻo ʻAberahama i kona wahi.

KA BUKE ʻALUA A MOSE, I KAPA ʻIA PUKA ʻANA 23:21

“E ao iā ia e hoʻolohe i kona leo, mai hoʻohuhū aku iā ia; no ka mea, ʻaʻole ia e kala mai i kou hewa; aia hoʻi, ma loko ona koʻu inoa.

KA BUKE ʻALUA A MOSE, I KAPA ʻIA PUKA ʻANA 24:10

A ʻike akula lākou i ke Akua o kā ʻIseraʻela, a ma lalo iho o kona mau wāwae he mea me he sapeiro ka aʻiaʻi, e like hoʻi me ke kino o nā lani ke kālaʻe.

NĀ ʻŌLELO AKAMAI A SOLOMONA 8:30

“A laila, ʻo wau pū kekahi me ia me he keiki hiwahiwa lā; ʻO kona ʻoliʻoli nō au i kēlā lā i kēia lā, E hauʻoli mau ana hoʻi i mua o kona alo;

KA WĀNANA A ʻISAIA 40:11

E hānai nō ʻo ia i kāna ʻohana me he kahu hipa lā; E hōʻiliʻili nō hoʻi i nā keiki hipa i kona lima, A hiʻipoi hoʻi iā lākou ma kona poli, A alakaʻi i ka poʻe hānai waiū.

KE KANIKAU A IEREMIA 2:12

Ke ʻōlelo nei lākou i ko lākou poʻe mākuahine, “ʻAuhea ka berena, a me ka waina?” No ka mea, ua maʻule lākou e like me ka poʻe i hou ʻia ma nā alanui o ke kūlanakauhale, Ua kāʻili aku hoʻi ko lākou ea ma ka poli o ko lākou poʻe mākuahine.

KA BUKE ʻAHĀ A MOSE, I KAPA ʻIA NĀ HELU 12:8

“E ʻōlelo aku ana au me ia he waha nō he waha, Ma ka mea akāka, ʻaʻole ma ka ʻōlelo nane; A e ʻike mai nō ia i ke aka o Iēhova. No ke aha lā hoʻi i makaʻu ʻole ai ʻolua I ka ʻōhumu aku i kuʻu kauā iā Mose?”

KA ʻEUANELIO I KĀKAU ʻIA AI E MATAIO 11:27

“Ua hāʻawi ʻia mai iaʻu nā mea a pau e koʻu Makua; ʻaʻohe kanaka i ʻike i ke Keiki, ʻo ka Makua wale nō; ʻaʻole hoʻi he kanaka i ʻike i ka Makua, ʻo ke Keiki wale nō, a me ka mea iā ia e hōʻike aku ai ke Keiki.

KA ʻEUANELIO I KĀKAU ʻIA AI E LUKA 10:22

“Ua hāʻawi ʻia mai nei iaʻu nā mea a pau e koʻu Makua; ʻaʻole hoʻi mea i ʻike i ke Keiki, ʻo ka Makua wale nō; a i ka Makua hoʻi, ʻo ke Keiki wale nō, a me ke kanaka a ke Keiki e makemake e hōʻike ai.”

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 12:41

ʻO kēia mau mea kā ʻIsaia i ʻōlelo ai, i ka wā i ʻike ai ia i kona nani, a i ʻōlelo mai ai nona.

KA ʻEUANELIO I KĀKAU ʻIA AI E IOANE 13:23

E hilinaʻi ana kekahi o kāna poʻe haumāna ma ka poli o Iesū, ka mea a Iesū i aloha ai.

KA ʻEUANELIO I KĀKAU ʻIA AI E IOANE 14:9

ʻŌlelo maila ʻo Iesū iā ia, “Ua lōʻihi koʻu noho pū ʻana me ʻoukou, ʻaʻole anei ʻoe i ʻike iaʻu, e Pilipo? ʻO ka mea i ʻike iaʻu, ua ʻike nō ia i ka Makua; a pehea lā ʻoe i ʻōlelo mai ai, ‘E hōʻike mai ʻoe iā mākou i ka Makua’?

KA ʻEUANELIO I KĀKAU ʻIA AI E IOANE 17:26

“Ua hōʻike aku au iā lākou i kou inoa, a e hōʻike hou aku nō; i loaʻa ai i loko o lākou ke aloha āu i aloha mai ai iaʻu, ʻo wau hoʻi i loko o lākou.”

KA ʻEUANELIO I KĀKAU ʻIA AI E IOANE 17:6

“Ua hōʻike aku au i kou inoa i nā kānaka āu i hāʻawi mai ai iaʻu no loko mai o ko ke ao nei. Nou lākou ma mua, a ua hāʻawi mai ʻoe iā lākou noʻu; a ua mālama lākou i kāu ʻōlelo.

KA ʻEUANELIO I KĀKAU ʻIA AI E IOANE 3:11

“ʻOiaʻiʻo, he ʻoiaʻiʻo kaʻu ʻōlelo aku nei iā ʻoe, ʻo kā mākou mea i ʻike ai, ʻo kā mākou ia e ʻōlelo nei, a ʻo kā mākou mea i nānā ai, ʻo ia kā mākou e hōʻike nei; ʻaʻole hoʻi ʻoukou i hoʻomaopopo i ka mea a mākou e hōʻike nei.

KA ʻEUANELIO I KĀKAU ʻIA AI E IOANE 6:46

“ʻAʻole ke kanaka i ʻike i ka Makua, ʻo ka Mea wale nō no ke Akua mai, ʻo ia kai ʻike i ka Makua.

ʻO KA ʻEPISETOLE LUA A PAULO KA LUNAʻŌLELO I KO KORINETO 4:4

Ma o lākou lā, ua hoʻomakapō mai ko kēia ao akua i nā naʻau o ka poʻe hoʻomaloka, o akāka mai auaneʻi iā lākou ka mālamalama o ka ʻeuanelio nani a Kristo; ʻo ia ko ke Akua mea like.

KA BUKE ʻALIMA A MOSE, I KAPA ʻIA KĀNĀWAI LUA 4:12

“A ʻōlelo mai ʻo Iēhova iā ʻoukou mai waena mai o ke ahi; a lohe ʻoukou i ka leo o nā ʻōlelo, ʻaʻole naʻe ʻoukou i ʻike aku i ke ʻano, ʻo ka leo wale nō.

ʻO KA ʻEPISETOLE A PAULO KA LUNAʻŌLELO I KO KOLOSA 1:15

ʻO ia hoʻi ka like me ke Akua i nānā ʻole ʻia, ʻo ia hoʻi ka mua o nā mea a pau i hana ʻia ai.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 1:17

I ke Aliʻi mau loa, make ʻole, ʻike maka ʻole ʻia, ke Akua akamai hoʻokahi wale nō, ka mahalo, a me ka hoʻonani ʻia, a mau loa aku. ʻĀmene.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:16

nona wale nō ka make ʻole, e noho mau ana i loko o ka mālamalama kahi e hiki ʻole aku ai ke kanaka; ʻaʻole ʻike ʻia e ke kanaka, ʻaʻole hoʻi e hiki iā ia ke nānā aku; iā ia mau loa hoʻi ka mahalo a me ka mana! ʻĀmene.

KA BUKE A IOSUA 5:13

¶ Eia hoʻi kekahi, i ko Iosua noho ʻana i mua o Ieriko, ʻalawa aʻela kona maka i luna, nānā akula, aia hoʻi! Kū maila kekahi Kanaka i mua ona, me ka pahi kaua i unuhi ʻia ma kona lima. Hele akula ʻo Iosua i ona lā, ʻī akula, “Ma o mākou nei anei ʻoe, ma ko mākou ʻenemi paha?”

ʻO KA ʻEPISETOLE HOʻOLAHA MUA A IOANE 4:12

ʻAʻole i ʻike aku kekahi i ke Akua; akā, inā e aloha aku kākou i kekahi i kekahi, ke noho mai nei nō ke Akua i loko o kākou, a ua paʻa nō hoʻi kona aloha i loko o kākou.

ʻO KA ʻEPISETOLE HOʻOLAHA MUA A IOANE 4:20

Inā e ʻōlelo aku kekahi, “Ke aloha aku nei au i ke Akua,” a e hoʻomaʻau aku naʻe ia i kona hoahānau, he mea wahaheʻe ia; no ka mea, ʻo ka mea aloha ʻole i kona hoahānau āna i ʻike maka ai, pehea lā e hiki ai iā ia ke aloha aku i ke Akua āna i ʻike maka ʻole ai?

ʻO KA ʻEPISETOLE HOʻOLAHA MUA A IOANE 4:9

Ma ia mea, ua hōʻike ʻia mai ke aloha o ke Akua iā kākou; no ka mea, hoʻouna maila ke Akua i kāna Keiki hānau kahi i ke ao nei, i ola ai kākou iā ia.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.