ʻO KA ʻEPISETOLE HOʻOLAHA A IAKOBO 5:9 - Ka Baibala Hemolele

⁹ E nā hoahānau, mai ʻōhumu aku kekahi i kekahi, o hoʻohewa ʻia mai ʻoukou. Eia hoʻi, ke kū mai nei ka Luna Kānāwai ma ka puka.

ʻO KA ʻEPISETOLE HOʻOLAHA A IAKOBO 5:9 Iomraidhean Croise

KA BUKE MUA A MOSE, I KAPA ʻIA KINOHI 4:7

“A i hana pono ʻoe, ʻaʻole anei ʻoe e maliu ʻia aku? A i ʻole ʻoe e hana i ka pono, ke waiho la ka mōhai hala ma ka puka. A iā ʻoe nō ko ia lā makemake, a e aliʻi iho ʻoe ma luna ona.”

KA BUKE O NĀ HALELŪ 59:15

E ʻauana lākou i ʻō i ʻaneʻi, i ʻai, A e uō lākou ke māʻona ʻole.

KA WĀNANA A ʻEZEKIʻELA 7:12

‘Ua hiki mai ka manawa, ke kokoke mai nei ka lā; mai hauʻoli ka mea kūʻai lilo mai, ʻaʻole hoʻi e ʻū ka mea kūʻai lilo aku; no ka mea, e kau ana ka inaina ma luna o kona lehulehu a pau.

KA BUKE ʻAKOLU A MOSE, I KAPA ʻIA ʻOIHANA KAHUNA 19:18

‘Mai hoʻomaʻau, mai hoʻomauhala i nā keiki o kou poʻe kānaka; akā, e aloha ʻoe i kou hoalauna e like me ʻoe iho; ʻo wau nō Iēhova.

KA ʻEUANELIO I KĀKAU ʻIA AI E MATAIO 24:33

“Pēlā hoʻi, a ʻike ʻoukou i kēia mau mea a pau, a laila e ʻike ʻoukou, ua kokoke mai ia, aia ma ka puka.

KA ʻEUANELIO I KĀKAU ʻIA AI E MAREKO 13:29

“Pēlā nō hoʻi ʻoukou, a ʻike ʻoukou e hana ʻia mai ana kēia mau mea lā, i laila ʻoukou e ʻike ai, ua kokoke mai nō, aia ma ka ʻīpuka.

KA ʻEUANELIO I KĀKAU ʻIA AI E MAREKO 6:19

No ia mea i ukiuki ai ʻo Herodia iā ia, manaʻo ihola nō hoʻi e pepehi iā ia, ʻaʻole naʻe i hiki;

ʻO KA ʻEPISETOLE MUA A PAULO KA LUNAʻŌLELO I KO KORINETO 10:11

Ua loʻohia mai lākou i kēia mau mea, i hōʻailona; a ua palapala ʻia mai i mea e naʻauao ai kākou, ka poʻe e ola nei, i kēia hope o ke ao.

ʻO KA ʻEPISETOLE MUA A PAULO KA LUNAʻŌLELO I KO KORINETO 4:5

No ia mea, mai hoʻohewa ʻē i kekahi mea, a hiki mai ka Haku, nāna nō e hoʻomaopopo mai nā mea i hūnā ʻia o ka pouli, a e hōʻike mai hoʻi nā manaʻo o nā naʻau; a laila e loaʻa mai i kēlā kanaka a i kēia kanaka ka hoʻomaikaʻi ʻia, mai ke Akua mai.

ʻO KA ʻEPISETOLE LUA A PAULO KA LUNAʻŌLELO I KO KORINETO 9:7

E like me ka manaʻo ʻana o kēlā mea kēia mea i loko o kona naʻau, pēlā ia e hāʻawi aku ai, ʻaʻole me ka minamina, ʻaʻole hoʻi me he mea lā i ʻauhau ʻia; no ka mea, ke aloha mai nei nō ke Akua i ka mea nāna e hāʻawi ʻoluʻolu aku.

ʻO KA ʻEPISETOLE A PAULO KA LUNAʻŌLELO I KO GALATIA 5:14

No ka mea, ua mālama ʻia ke Kānāwai a pau ma ke kauoha hoʻokahi, ʻo ia hoʻi kēia, “«E aloha aku ʻoe i kou hoalauna e like me ʻoe iho».”

ʻO KA ʻEPISETOLE A PAULO KA LUNAʻŌLELO I KO GALATIA 5:26

Mai manaʻo kiʻekiʻe kākou, me ka hoʻonāukiuki aku i kekahi i kekahi, a me ka huāhuā i kekahi i kekahi.

ʻO KA ʻEPISETOLE HOʻOLAHA A IAKOBO 4:11

¶ E nā hoahānau, mai ʻōlelo ʻino ʻoukou i kekahi i kekahi. ʻO ka mea e ʻōlelo ʻino aku no kona hoahānau, me ka hoʻohewa aku i kona hoahānau, ʻo ia kai ʻōlelo ʻino aku no ke kānāwai me ka hoʻohewa hoʻi i ke kānāwai; inā ʻoe i hoʻohewa aku i ke kānāwai, ʻaʻole loa ʻoe i mālama aku i ke kānāwai; akā, ua lilo ʻoe i mea kau kānāwai.

ʻO KA ʻEPISETOLE HOʻOLAHA A IAKOBO 4:12

Hoʻokahi nō Mea nāna i hāʻawi i ke kānāwai, e hiki nō iā ia ke hoʻōla a me ka luku aku hoʻi. ʻO wai lā hoʻi ʻoe e hoʻohewa aku nei iā haʻi?

ʻO KA ʻEPISETOLE HOʻOLAHA A IAKOBO 5:10

E nā hoahānau oʻu, e hoʻomanaʻo ʻoukou i ka poʻe kāula i ʻōlelo mai ai ma ka inoa o ka Haku, iā lākou nō ka hoʻomāʻewaʻewa ʻia, a me ke ahonui.

ʻO KA ʻEPISETOLE HOʻOLAHA A IAKOBO 5:7

¶ I nui ke aho, e nā hoahānau, a hiki mai ka Haku. Eia hoʻi, ke kakali nei ka mahi ʻai i ka hua ōhāhā o ka honua, e hoʻomanawanui ana ma ia mea a hiki mai ke kuāua mua a me ke kuāua hope.

ʻO KA ʻEPISETOLE HOʻOLAHA MUA A PETERO 4:5

E hōʻike auaneʻi lākou iā lākou iho, i ka Mea i mākaukau e hoʻokolokolo mai i ka poʻe ola a me ka poʻe make.

ʻO KA ʻEPISETOLE HOʻOLAHA MUA A PETERO 4:9

E hoʻokipa maikaʻi ʻoukou i kekahi i kekahi, me ka ʻōhumu ʻole.

KA HŌʻIKE ʻANA A IOANE KA HAIPULE 3:20

‘Aia hoʻi, ke kū nei au ma ka puka e kīkēkē ana; inā lohe kekahi i koʻu leo, a wehe i ka puka, e komo aku au i ona lā, a e ʻai pū au me ia, a ʻo ia pū me aʻu.