ʻO KA ʻEPISETOLE HOʻOLAHA A IAKOBO 4:6 - Ka Baibala Hemolele

⁶ Hāʻawi maila ia i ka lokomaikaʻi māhuahua aʻe; no ia hoʻi, ʻī maila ia, “«Kūʻē akula ke Akua i ka poʻe haʻaheo, a hāʻawi maila hoʻi i ka lokomaikaʻi i ka poʻe hoʻohaʻahaʻa».”

ʻO KA ʻEPISETOLE HOʻOLAHA A IAKOBO 4:6 Iomraidhean Croise

KA BUKE ʻALUA O KA ʻOIHANA ALIʻI 32:26

Akā, hoʻohaʻahaʻa ʻo Hezekia iā ia iho no ke kiʻekiʻe o kona naʻau, ʻo ia a me ko Ierusalema, no ia mea, ʻaʻole i hiki mai ka huhū o Iēhova ma luna o lākou i nā lā o Hezekia.

KA BUKE ʻALUA O KA ʻOIHANA ALIʻI 33:12

A i kona pōpilikia, noi aku ʻo ia iā Iēhova i kona Akua, a hoʻohaʻahaʻa nui iā ia iho i mua i ke alo o ke Akua o kona poʻe kūpuna.

KA BUKE ʻALUA O KA ʻOIHANA ALIʻI 33:19

ʻO kāna pule a me ko ke Akua maliu ʻana mai iā ia, a me kona hewa a pau, a me kona lawehala, a me nā wahi, kahi āna i kūkulu ai i mau wahi kiʻekiʻe, a me nā kiʻi no ʻAsetarota, a me nā kiʻi ʻē aʻe āna i hana ai ma mua o kona hoʻohaʻahaʻa ʻia ʻana; aia hoʻi ua kākau ʻia ia mau mea ma nā ʻōlelo a ka poʻe kāula.

KA BUKE ʻALUA O KA ʻOIHANA ALIʻI 33:23

ʻAʻole hoʻi i hoʻohaʻahaʻa ia iā ia iho i mua o Iēhova e like me ka hoʻohaʻahaʻa ʻana o Manase ʻo kona makua kāne. Akā, ʻo ua ʻAmona nei, māhuahua mau nō kona lawehala ʻana.

KA BUKE ʻALUA O KA ʻOIHANA ALIʻI 34:27

no ka mea, he naʻau palupalu kou, a ua hoʻohaʻahaʻa ʻoe iā ʻoe iho i mua i ke alo o ke Akua i kou lohe ʻana i kāna ʻōlelo kūʻē i kēia wahi, a i ko ʻoneʻi poʻe kānaka, a hoʻohaʻahaʻa ʻoe iā ʻoe iho i mua oʻu, a ua haehae i kou kapa me ka uwē ʻana i mua oʻu; no laila, ua lohe nō au iā ʻoe,” wahi a Iēhova.

KA BUKE NO IOBA 22:29

“A e hoʻohaʻahaʻa ʻia lākou, a laila e ʻōlelo ʻoe, ‘He kiʻekiʻe!’ A e hoʻōla mai nō ia i ka mea i kūlou nā maka.

KA BUKE O NĀ HALELŪ 138:6

Ua kiʻekiʻe loa ʻo Iēhova, ua nānā mai nei i ka poʻe haʻahaʻa; Akā, ua ʻike nō ʻo ia i ka poʻe hoʻokiʻekiʻe ma kahi lōʻihi.

KA BUKE O NĀ HALELŪ 9:12

A i ʻimi mai ʻo ia i ke koko e hoʻopaʻi mai, E manaʻo mai nō ia iā lākou; ʻAʻole ʻo ia i hoʻopoina i ka ʻulono ʻana a ka poʻe haʻahaʻa.

KA BUKE ʻALUA A MOSE, I KAPA ʻIA PUKA ʻANA 18:11

“ʻĀnō, ua ʻike au i ka ʻoi ʻana o ko Iēhova mana ma mua o ko nā akua a pau; no ka mea, ma kahi a lākou i hoʻokiʻekiʻe ai, aia nō ia ma luna o lākou.”

NĀ ʻŌLELO AKAMAI A SOLOMONA 15:33

ʻO ka makaʻu iā Iēhova, ʻo ia ka ʻike ʻana i ka naʻauao; ʻO ka naʻau haʻahaʻa ma mua ia o ka mahalo ʻia mai.

NĀ ʻŌLELO AKAMAI A SOLOMONA 18:12

Ma mua o ka make, ua haʻaheo ka naʻau o ke kanaka, Ma mua hoʻi o ka hoʻokiʻekiʻe ʻia mai, he akahai.

NĀ ʻŌLELO AKAMAI A SOLOMONA 22:4

No ka naʻau haʻahaʻa, ka makaʻu iā Iēhova, Ka waiwai hoʻi a me ka hanohano a me ke ola.

NĀ ʻŌLELO AKAMAI A SOLOMONA 29:23

ʻO ka haʻaheo o ke kanaka, ʻo ia ka mea nāna ia e hoʻohaʻahaʻa iho; E pili hoʻi ka hanohano i ka mea haʻahaʻa ka naʻau.

NĀ ʻŌLELO AKAMAI A SOLOMONA 3:34

E hoʻowahāwahā mai ʻo ia i ka poʻe hoʻowahāwahā; E hāʻawi mai ʻo ia i ka lokomaikaʻi i ka poʻe i haʻahaʻa ka naʻau.

KA WĀNANA A ʻISAIA 2:17

E kūlou nō i lalo ko ke kanaka haʻaheo, E hoʻohaʻahaʻa ʻia hoʻi ka manaʻo kiʻekiʻe o ke kanaka; ʻO Iēhova wale nō ke hoʻokiʻekiʻe ʻia i kēlā lā.

KA WĀNANA A ʻISAIA 54:7

“No ka manawa ʻuʻuku, ua haʻalele aku au iā ʻoe; Akā, me ka lokomaikaʻi he nui loa, e hōʻiliʻili au iā ʻoe.

KA WĀNANA A ʻISAIA 57:15

No ka mea, penei ka ʻōlelo ʻana mai a ka Mea i hāpai ʻia, Ka Mea i hoʻokiʻekiʻe hoʻi, e noho ana ma ke ao pau ʻole, ʻO Hemolele kona inoa; “E noho nō au ma kahi kiʻekiʻe, a hemolele hoʻi, Me ka mea hoʻi i mihi, a haʻahaʻa hoʻi ka ʻuhane, E hoʻomaha i ka ʻuhane o ka mea haʻahaʻa, A e hoʻomaha hoʻi i ka naʻau o ka poʻe mihi.

KA BUKE NO DANIʻELA 4:37

“ʻĀnō ʻo wau ʻo Nebukaneza ke hoʻonani aku nei au, ke hoʻoleʻa aku hoʻi me ka mahalo i ke Aliʻi o ka lani, ʻo kāna mau hana ua pau i ka ʻoiaʻiʻo, a ʻo kona mau ʻaoʻao ua pololei loa; a ʻo ka poʻe e hele ana ma ka haʻaheo, e hiki nō iā ia ke hoʻohaʻahaʻa iho iā lākou.”

KA ʻEUANELIO I KĀKAU ʻIA AI E MATAIO 13:12

“ʻO ka mea ua loaʻa, e hāʻawi hou ʻia aku nāna a māhuahua; akā, ʻo ka mea ua loaʻa ʻole, e lawe ʻia aku kāna mai ona aku lā.

KA ʻEUANELIO I KĀKAU ʻIA AI E MATAIO 23:12

“ʻO ka mea hoʻokiʻekiʻe aʻe iā ia iho, e hoʻohaʻahaʻa ʻia iho nō ia; a ʻo ka mea hoʻohaʻahaʻa iā ia iho, e hoʻokiʻekiʻe ʻia aʻe ʻo ia.

KA ʻEUANELIO I KĀKAU ʻIA AI E LUKA 1:52

“Ua kiola ihola ʻo ia i nā aliʻi i lalo mai luna mai o ko lākou mau noho aliʻi; A ua hoʻokiʻekiʻe aʻe hoʻi ʻo ia i ka poʻe haʻahaʻa.

KA ʻEUANELIO I KĀKAU ʻIA AI E LUKA 14:11

“No ka mea, ʻo ka mea i hoʻokiʻekiʻe aʻe iā ia iho, ʻo ia ke hoʻohaʻahaʻa ʻia; a ʻo ka mea i hoʻohaʻahaʻa iā ia iho, ʻo ia ke hoʻokiʻekiʻe ʻia aʻe.”

KA ʻEUANELIO I KĀKAU ʻIA AI E LUKA 18:14

“Ke haʻi aku nei au iā ʻoukou, ʻo ia ka mea i iho i kona hale me ka hoʻāpono ʻia, ʻaʻole kēlā; no ka mea, ʻo ka mea i hoʻokiʻekiʻe aʻe iā ia iho, ʻo ia ke hoʻohaʻahaʻa ʻia; a ʻo ka mea i hoʻohaʻahaʻa iā ia iho, ʻo ia ke hoʻokiʻekiʻe ʻia aʻe.”

ʻO KA ʻEPISETOLE HOʻOLAHA A IAKOBO 4:10

E hoʻohaʻahaʻa ʻoukou iā ʻoukou iho i mua o ka Haku, a nāna ʻoukou e hoʻokiʻekiʻe aʻe.

ʻO KA ʻEPISETOLE HOʻOLAHA MUA A PETERO 5:5

ʻO ʻoukou, e ka poʻe ʻōpiopio, e noho pono ʻoukou ma lalo o nā lunakahiko. ʻO ʻoukou hoʻi a pau, e noho pono ʻoukou, kekahi ma lalo iho o kekahi, a e hoʻouhi ʻia ʻoukou i ka manaʻo hoʻohaʻahaʻa; no ka mea, «ua kūʻē ke Akua i ka poʻe hoʻokiʻekiʻe; akā, ke lokomaikaʻi nei ʻo ia» i ka poʻe hoʻohaʻahaʻa.

KA BUKE MUA A SAMUʻELA 2:3

“Mai ʻōlelo hou me ka hoʻokiʻekiʻe loa; Mai puka hou ka hoʻokano mai ko ʻoukou waha mai, No ka mea, he Akua ʻike ʻo Iēhova; Nāna nō i kaupaona nā hana.