ʻO KA ʻEPISETOLE HOʻOLAHA A IAKOBO 4:4 - Ka Baibala Hemolele

⁴ E nā kāne moekolohe a me nā wāhine moekolohe, ʻaʻole anei ʻoukou i ʻike, ʻo ka hoʻolauna ʻana me ko ke ao nei, he kūʻē aku ia i ke Akua? ʻO ka mea e makemake e hoʻolauna pū me ko ke ao nei, ua lilo ia i ʻenemi no ke Akua.

ʻO KA ʻEPISETOLE HOʻOLAHA A IAKOBO 4:4 Iomraidhean Croise

KA BUKE MUA A MOSE, I KAPA ʻIA KINOHI 3:15

“E waiho nō au i ka inaina Ma waena o ʻolua a me ka wahine, A ma waena hoʻi o kou hua a me kona hua; Nāna e paopao iho kou poʻo, A nāu hoʻi e pākuʻikuʻi aku kona kuʻekuʻe wāwae.”

KA BUKE O NĀ HALELŪ 21:8

E loaʻa nō i kou lima kou mau ʻenemi a pau; E loaʻa nō i kou lima ʻākau ka poʻe inaina iā ʻoe.

KA BUKE O NĀ HALELŪ 50:18

“A i kou wā i ʻike ai i ka ʻaihue, ua ʻae pū ʻoe me ia; Ua lawe pū ʻoe me nā mea moekolohe.

KA BUKE O NĀ HALELŪ 73:27

No ka mea, aia hoʻi, ʻo ka poʻe mamao ʻē iā ʻoe, e make lākou; E luku mai hoʻi ʻoe i ka poʻe a pau e hele moekolohe ʻana mai ou aku lā.

KA WĀNANA A ʻISAIA 57:3

“E hoʻokokoke mai ʻoukou i ʻaneʻi, e nā keiki a ke kilo wahine, Nā keiki hoʻi a ke kāne moekolohe, a me ka wahine hoʻokamakama.

KA WĀNANA A IEREMIA 2:2

“Ō hele, e kala ma nā pepeiao o ko Ierusalema, e ʻī aku, ‘Ke ʻōlelo mai nei ʻo Iēhova, penei, “Ua hoʻomanaʻo aku au iā ʻoe, I ka lokomaikaʻi o kou wā ʻōpiopio, I ke aloha o kou wā i mare hou ʻia ai, I kou hahai ʻana ma muli oʻu ma loko o ka wao nahele. Ma ka ʻāina i lūlū ʻole ʻia.

KA WĀNANA A IEREMIA 9:2

Auē hoʻi! Inā iaʻu ma ka wao nahele Ko ka poʻe hele wahi e moe ai; I haʻalele ai au i koʻu poʻe kānaka, A e hele, mai o lākou aku! No ka mea, he poʻe moekolohe lākou a pau, He ʻaha kanaka kipi.

KA WĀNANA A ʻEZEKIʻELA 16:32

“Akā, me he wahine mare lā e moekolohe ana, e lalau ana i nā kānaka ʻē, ʻaʻole i kāna kāne ponoʻī!

HOSEA 3:1

¶ A laila ʻōlelo maila ʻo Iēhova iaʻu, “E hele hoʻi, e aloha aku i ka wahine i aloha ʻia e ka hoalauna; akā, ke moekolohe naʻe; e like me ke aloha o Iēhova i nā mamo a ʻIseraʻela, i ka poʻe e huli ana i nā akua ʻē, a e makemake hoʻi i nā paʻi hua waina.”

KA ʻEUANELIO I KĀKAU ʻIA AI E MATAIO 12:39

ʻŌlelo akula ia, ʻī akula iā lākou, “Ke ʻimi nei ka hanauna hewa, moekolohe, i hōʻailona; ʻaʻole loa e hāʻawi ʻia ka hōʻailona iā lākou, ʻo ka hōʻailona a ke kāula a Iona wale nō.

KA ʻEUANELIO I KĀKAU ʻIA AI E MATAIO 16:4

“Ke makemake nei kekahi hanauna ʻino moekolohe i hōʻailona; ʻaʻole hoʻi e hāʻawi ʻia ka hōʻailona iā lākou, ʻo ka hōʻailona a Iona a ke kāula wale nō.” A haʻalele akula ʻo ia iā lākou a hele akula.

KA ʻEUANELIO I KĀKAU ʻIA AI E MATAIO 6:24

“ʻAʻole nō e hiki i ke kanaka ke mālama i nā haku ʻelua; no ka mea, e hoʻowahāwahā ia i kekahi, a e aloha aku hoʻi i kekahi; a i ʻole ia, e hoʻopili aku ia i kekahi me ka haʻalele i kekahi. ʻAʻole e hiki iā ʻoukou ke mālama pū i ke Akua a me ka mamona.

KA ʻEUANELIO I KĀKAU ʻIA AI E LUKA 19:27

“A ʻo kēlā mau ʻenemi oʻu, ka poʻe i makemake ʻole i aliʻi au ma luna o lākou, e halihali mai, a e luku iho i mua o koʻu alo.”

KA ʻEUANELIO I KĀKAU ʻIA AI E IOANE 15:19

“Inā no ke ao nei ʻoukou, inā ua aloha mai ke ao nei i kona iho; ʻaʻole naʻe no ke ao nei ʻoukou; akā, ua wae au iā ʻoukou no loko mai o ke ao nei; no ia mea, ke inaina mai nei ko ke ao nei iā ʻoukou.

KA ʻEUANELIO I KĀKAU ʻIA AI E IOANE 17:14

“Ua hāʻawi aku au iā lākou i kāu ʻōlelo; a ua inaina mai ko ke ao nei iā lākou; no ka mea, ʻaʻole no kēia ao lākou, e like me aʻu hoʻi, ʻaʻole no kēia ao.

KA ʻEUANELIO I KĀKAU ʻIA AI E IOANE 7:7

“ʻAʻole e inaina mai ko ke ao nei iā ʻoukou; ke inaina mai nei nō naʻe lākou iaʻu; no ka mea, ʻo wau ke hōʻike aku no lākou, ua hewa kā lākou hana ʻana.

ʻO KA ʻEPISETOLE A PAULO KA LUNAʻŌLELO I KO ROMA 5:10

No ka mea, inā i ko kākou wā e ʻenemi ana i hoʻolauleʻa ʻia ai kākou i ke Akua ma ka make ʻana o kāna Keiki, he ʻoiaʻiʻo nō, a lauleʻa kākou, e hoʻōla ʻiʻo ʻia hoʻi kākou ma kona ola ʻana.

ʻO KA ʻEPISETOLE A PAULO KA LUNAʻŌLELO I KO ROMA 8:7

No ka mea, ʻo ka manaʻo ma ke kino, he mea kūʻē i ke Akua; ʻaʻole ia i mālama i ke kānāwai o ke Akua, ʻaʻole loa e hiki.

ʻO KA ʻEPISETOLE MUA A PAULO KA LUNAʻŌLELO I KO KORINETO 1:20

ʻAuhea ka mea akamai? ʻAuhea ke kākāʻōlelo? ʻAuhea ka mea hoʻopaʻapaʻa o kēia ao? ʻAʻole anei i hoʻolilo ke Akua i ke akamai o kēia ao, i mea lapuwale?

ʻO KA ʻEPISETOLE MUA A PAULO KA LUNAʻŌLELO I KO KORINETO 1:21

No ka mea, i ke akamai o ke Akua, ʻaʻole i ʻike aku ko ke ao nei i ke Akua, ma ko lākou naʻauao ʻana; a laila manaʻo ihola ke Akua, ma ka lapuwale o ka haʻiʻōlelo ʻana, e hoʻōla i ka poʻe manaʻoʻiʻo.

ʻO KA ʻEPISETOLE A PAULO KA LUNAʻŌLELO I KO GALATIA 1:10

Ke hoʻolauleʻa nei anei au i kānaka, a i ke Akua anei? Ke ʻimi nei anei hoʻi au e hoʻoleʻaleʻa i kānaka? No ka mea, a i hoʻoleʻaleʻa aku au i kānaka, ʻaʻole au he kauā na Kristo.

ʻO KA ʻEPISETOLE HOʻOLAHA A IAKOBO 1:27

ʻO ka haipule ʻiʻo a me ka haumia ʻole i mua i ke alo o ke Akua ʻo ka Makua, eia nō ia; e ʻike i ka poʻe makua ʻole, a me ka poʻe wāhine kāne make i ko lākou wā e pilikia ai, a e mālama hoʻi iā ia iho i haumia ʻole ia i ko ke ao nei.