ʻO KA ʻEPISETOLE HOʻOLAHA A IAKOBO 4:2 - Ka Baibala Hemolele

² Ua kuko hoʻi ʻoukou, ʻaʻole i loaʻa; ua huāhuā aʻela ʻoukou me ka pepehi aku, ʻaʻole e hiki iā ʻoukou ke loaʻa mai; ua hakakā ʻoukou me ke kaua aku, ʻaʻole naʻe i loaʻa, no ko ʻoukou noi ʻole aku.

ʻO KA ʻEPISETOLE HOʻOLAHA A IAKOBO 4:2 Iomraidhean Croise

KA BUKE MUA NO NĀ ALIʻI 21:6

Haʻi maila ʻo ia, “No ka mea, ua ʻōlelo aku au iā Nabota no Iezereʻela, i ka ʻī ʻana aku iā ia, ‘E hāʻawi mai ʻoe i kou māla waina iaʻu no ke kālā; a, inā e makemake ʻoe, e hāʻawi aku au iā ʻoe i kekahi māla waina ʻē nona’; a ʻōlelo maila ʻo ia, ‘ʻAʻole au e hāʻawi i kuʻu māla waina iā ʻoe.’”

NĀ ʻŌLELO AKAMAI A SOLOMONA 1:19

Pēlā ka ʻaoʻao o ka poʻe makeʻe waiwai a pau, E kāʻili ana i ke ola o ka mea nona ia.

KE KAHUNA 4:8

Aia he mea hoʻokahi, ʻaʻole ona lua, ʻaʻole āna keiki, ʻaʻole ona hoahānau; akā, ʻo kāna hana ʻana, ʻaʻole e pau, ʻaʻole pili iki kona mau maka i ka nānā i ka waiwai, ʻaʻole ia i nīnau iho, “No wai koʻu e hana nei, a i hoʻonele i koʻu ʻuhane i ka maikaʻi?” He mea lapuwale kēia, a he mea luhi loa nō hoʻi.

KA WĀNANA A ʻISAIA 7:12

ʻĪ akula ʻo ʻAhaza, “ʻAʻole au e nonoi, ʻaʻole hoʻi au e ʻaʻa aku iā Iēhova!”

HABAKUKA 2:5

“A he ʻoiaʻiʻo, ʻo ka waina, ua hoʻopunipuni ia; ʻO ke kanaka haʻaheo, ʻaʻole ia i noho mālie, Ua hoʻākea ʻo ia i kona makemake, e like me ka lua kupapaʻu, A ua like ʻo ia me ka make, ʻaʻole ia e ana; Hoʻākoakoa ʻo ia nona iho i nā lāhui kanaka a pau, A ua hōʻuluʻulu nona iho i nā kānaka a pau.

KA ʻEUANELIO I KĀKAU ʻIA AI E IOANE 16:24

“Ma mua mai, ʻaʻole ʻoukou i noi i kekahi mea ma koʻu inoa; e noi, a loaʻa iā ʻoukou, i māhuahua aʻe ai ko ʻoukou ʻoliʻoli.

KA ʻEUANELIO I KĀKAU ʻIA AI E IOANE 4:10

ʻŌlelo maila ʻo Iesū iā ia, ʻī maila, “Inā ua ʻike ʻoe i ka makana o ke Akua, a i ka mea hoʻi e ʻōlelo ana iā ʻoe, ‘Hō mai noʻu e inu;’ inā ua noi mai ʻoe iā ia, a ua hāʻawi aku ia i ka wai ola nou.”

ʻO KA ʻEPISETOLE HOʻOLAHA A IAKOBO 1:5

¶ Inā i nele kekahi o ʻoukou i ke akamai, e noi aku ʻo ia i ke Akua i ka Mea i hāʻawi lokomaikaʻi mai no nā mea a pau me ka hōʻino ʻole mai, a e hāʻawi ʻia mai nō ia nona.

ʻO KA ʻEPISETOLE HOʻOLAHA A IAKOBO 5:6

Ua hoʻohewa ʻoukou me ka pepehi aku hoʻi i ka mea pono; ʻaʻole ʻo ia i pale aku iā ʻoukou.

ʻO KA ʻEPISETOLE HOʻOLAHA MUA A IOANE 3:15

ʻO ka mea e hoʻomaʻau ana i kona hoahānau, he mea pepehi kanaka ia; ua ʻike nō ʻoukou, ʻo ka mea pepehi kanaka, ʻaʻole ke ola mau loa e noho ana i loko ona.