ʻO KA ʻEPISETOLE HOʻOLAHA A IAKOBO 4:16 - Ka Baibala Hemolele

¹⁶ ʻĀnō lā, ua leʻaleʻa ʻoukou i ko ʻoukou kaena ʻana; a ʻo ia leʻaleʻa a pau ua hewa ia.

ʻO KA ʻEPISETOLE HOʻOLAHA A IAKOBO 4:16 Iomraidhean Croise

KA BUKE O NĀ HALELŪ 52:1

¶ No ke aha lā e hoʻonui ai ʻoe ma ka hewa, e ke kanaka ikaika? E mau loa ana nō ka lokomaikaʻi o ke Akua.

KA BUKE O NĀ HALELŪ 52:7

“Aia hoʻi, ʻo ia ke kanaka i lawe ʻole i ke Akua i ikaika nona; Akā, ua hilinaʻi i ka nui o kona waiwai iho, A ua hoʻoikaika iā ia iho i loko o kona hewa.”

NĀ ʻŌLELO AKAMAI A SOLOMONA 25:14

ʻO nā ao a me ka makani ua ʻole, ʻO ia ke kanaka e haʻanui ana no ka makana hoʻopunipuni.

NĀ ʻŌLELO AKAMAI A SOLOMONA 27:1

¶ Mai ʻoliʻoli wale ʻoe no ka lā ʻapōpō, No ka mea, ʻaʻole ʻoe i ʻike i ka mea a kekahi lā e hoʻopuka mai ai.

KA WĀNANA A ʻISAIA 47:10

“Ua hilinaʻi nō hoʻi ʻoe ma kou hewa; A ua ʻōlelo nō ʻoe, ‘ʻAʻohe mea ʻike mai iaʻu.’ ʻO kou akamai, a me kou ʻike, ua hoʻokahuli ia iā ʻoe; A ua ʻōlelo nō ʻoe ma loko o kou naʻau, ‘ʻO wau ana nō, ʻaʻohe mea ʻē aʻe, ke kaʻawale au.’

ʻO KA ʻEPISETOLE MUA A PAULO KA LUNAʻŌLELO I KO KORINETO 5:6

ʻAʻole i maikaʻi ko ʻoukou kaena ʻana. ʻAʻole anei ʻoukou i ʻike, ʻo kahi mea hū ʻuʻuku, ke hoʻohū aʻela ia i ka pōpō palaoa a pau?

ʻO KA ʻEPISETOLE HOʻOLAHA A IAKOBO 3:14

Inā iā ʻoukou ka huāhuā ikaika a me ka manaʻo hakakā i loko o ko ʻoukou naʻau; mai haʻanui ʻoukou, a wahaheʻe aku i ka ʻoiaʻiʻo.

ʻO KA ʻEPISETOLE HOʻOLAHA MUA A IOANE 2:16

No ka mea, ʻo nā mea a pau ma ko kēia ao, ʻo ke kuko o ke kino, a me ke kuko o ka maka, a me ka hoʻohanohano o kēia ola ʻana, ʻaʻole ia no ka Makua mai; akā, no ke ao nei nō ia.

KA HŌʻIKE ʻANA A IOANE KA HAIPULE 18:7

“E like me ka nui o kona hoʻonani ʻana iā ia iho, a me kona noho ʻana ma ka leʻaleʻa nui, pēlā e hāʻawi aku ai iā ia i ka ʻeha a me ka uē ʻana; no ka mea, ua ʻōlelo ʻo ia i loko o kona naʻau, ‘«Ke noho nei au he aliʻi wahine, ʻaʻole au he wahine kāne make», ʻaʻole hoʻi au e ʻike i ka uē ʻana.’