ʻO KA ʻEPISETOLE HOʻOLAHA A IAKOBO 4:12 - Ka Baibala Hemolele

¹² Hoʻokahi nō Mea nāna i hāʻawi i ke kānāwai, e hiki nō iā ia ke hoʻōla a me ka luku aku hoʻi. ʻO wai lā hoʻi ʻoe e hoʻohewa aku nei iā haʻi?

ʻO KA ʻEPISETOLE HOʻOLAHA A IAKOBO 4:12 Iomraidhean Croise

KA BUKE NO IOBA 38:2

“ʻO wai kēia e hoʻopouli ana i ka ʻōlelo aʻo, Ma nā hua ʻōlelo me ka ʻike ʻole?

KA WĀNANA A ʻISAIA 33:22

No ka mea, ʻo Iēhova nō ko kākou luna kānāwai, ʻO Iēhova ka mea kau i ke kānāwai ma luna o kākou, ʻO Iēhova ko kākou aliʻi; ʻO ia ka mea e hoʻōla mai ai iā kākou.

KA ʻEUANELIO I KĀKAU ʻIA AI E MATAIO 10:28

“Mai makaʻu aku hoʻi ʻoukou i ka poʻe nāna e pepehi mai ke kino, ʻaʻole naʻe e hiki iā lākou ke pepehi i ka ʻuhane; akā, e makaʻu aku i ka mea nona ka mana e make ai ka ʻuhane a me ke kino i loko o Gehena.

KA ʻEUANELIO I KĀKAU ʻIA AI E LUKA 12:5

“Akā, ke hōʻike aku nei au iā ʻoukou i kā ʻoukou mea e makaʻu ai; e makaʻu aku ʻoukou i ka Mea nona ka mana e hoʻolei aku i loko o ka lua ahi, ma hope iho o kāna pepehi ʻana. ʻO ia, ʻo kaʻu ʻōlelo nō ia iā ʻoukou, e makaʻu ʻoukou iā ia!

ʻO KA ʻEPISETOLE A PAULO KA LUNAʻŌLELO I KO ROMA 14:13

¶ No ia hoʻi, mai noho kākou a hoʻāhewa hou aku i kekahi i kekahi; akā, e manaʻo ʻoukou me nēia, ʻaʻole e waiho i ka mea e hina ai, ʻaʻole hoʻi i ka mea e hihia ai i mua o ka hoahānau.

ʻO KA ʻEPISETOLE A PAULO KA LUNAʻŌLELO I KO ROMA 14:4

ʻO wai ʻoe ka mea e hoʻāhewa ana i kā haʻi kauā? Aia nō i kona haku ponoʻī kona kūpaʻa ʻana, a ʻo kona hāʻule ʻana; a e hoʻokūpaʻa ʻia nō ia; no ka mea, e hiki nō i ke Akua ke hoʻokūpaʻa iā ia.

ʻO KA ʻEPISETOLE A PAULO KA LUNAʻŌLELO I KO ROMA 2:1

¶ No laila hoʻi, e ke kanaka, ka mea nāna e hoʻohewa aku, ʻaʻole ou mea e hoʻāpono ʻia ai; no ka mea, i kou hoʻāhewa ʻana i kekahi, ua hoʻāhewa ʻoe iā ʻoe iho, no kāu hana ʻana i nā mea āu i hoʻāhewa aku ai.

ʻO KA ʻEPISETOLE A PAULO KA LUNAʻŌLELO I KO ROMA 9:20

Kāhāhā, “E ke kanaka, ʻo wai lā hoʻi ʻoe ke pākīkē aku i ke Akua? E pono anei i ka mea i hana ʻia, ke ʻōlelo aku i ka mea nāna i hana, No ke aha lā ʻoe i hana mai ai iaʻu pēlā?”

ʻO KA ʻEPISETOLE A PAULO KA LUNAʻŌLELO I KO HEBERA 7:25

No ia mea, e hiki mau ai iā ia ke hoʻōla i ka poʻe i hele mai i ke Akua ma ona lā, no kona ola mau loa ʻana e ʻuao ana no lākou.

ʻO KA ʻEPISETOLE HOʻOLAHA A IAKOBO 5:9

E nā hoahānau, mai ʻōhumu aku kekahi i kekahi, o hoʻohewa ʻia mai ʻoukou. Eia hoʻi, ke kū mai nei ka Luna Kānāwai ma ka puka.

KA BUKE MUA A SAMUʻELA 25:10

ʻŌlelo maila ʻo Nabala i nā kauā a Dāvida, ʻī maila, “ʻO wai lā ʻo Dāvida, ʻo wai hoʻi ke keiki a Iese? I nēia manawa, ua nui nā kauā, ʻo kēlā kanaka kēia kanaka i mahuka mai ke alo aku o kona haku.