ʻO KA ʻEPISETOLE HOʻOLAHA A IAKOBO 3:6 - Ka Baibala Hemolele

⁶ He ahi nō ke alelo, he ao ʻokoʻa ia o ka hewa; pēlā hoʻi ua kau ʻia ke alelo i waena o ko kākou mau lālā, e hoʻohaumia ana i ke kino a pau, hoʻaʻā aʻela ia i ko ke ao nei, a ua hoʻaʻā ʻia mai ia e ka luaahi.

ʻO KA ʻEPISETOLE HOʻOLAHA A IAKOBO 3:6 Iomraidhean Croise

KA BUKE ʻALUA A SAMUʻELA 16:20

¶ A laila, ʻī maila ʻo ʻAbesaloma iā ʻAhitopela, “E kūkākūkā ʻoukou i ka mea a kākou e hana aku ai.”

KA BUKE ʻALUA A SAMUʻELA 19:43

ʻŌlelo akula nā kānaka o kā ʻIseraʻela i nā kānaka o kā Iuda, ʻī aʻela, “He ʻumi mau hakina o ke aliʻi kā mākou, a he nui aku ko mākou iā Dāvida i kā ʻoukou; no ke aha hoʻi ʻoukou i hoʻowahāwahā ai iā mākou, i lilo ʻole kā mākou ʻōlelo no ka hoʻihoʻi ʻana mai i ke aliʻi i ka mea mua?” A ʻo ka ʻōlelo ʻana a nā kānaka o kā Iuda, he ikaika aku ia i ka ʻōlelo ʻana a nā kānaka o kā ʻIseraʻela.

KA BUKE ʻALUA O KA ʻOIHANA ALIʻI 13:17

A luku akula ʻo ʻAbiia a me kona poʻe kānaka iā lākou me ka luku nui; a ʻo ka poʻe o kā ʻIseraʻela i pepehi ʻia a hāʻule ihola, ʻelima haneri tausani kānaka i wae ʻia.

KA BUKE O NĀ HALELŪ 140:3

Hoʻokala nō lākou i ko lākou alelo me he nahesa lā; A aia ma lalo o ko lākou mau lehelehe ka mea make o ka moʻo niho ʻawa. Sila.

KA BUKE O NĀ HALELŪ 64:3

Ka poʻe i hoʻokala i ko lākou alelo me he pahi kaua lā; A i lena nō hoʻi ko lākou mau pua, he mau ʻōlelo ʻawahia;

NĀ ʻŌLELO AKAMAI A SOLOMONA 15:1

¶ ʻO ka ʻōlelo akahai, ʻo ia ke pale aʻe i ka huhū; ʻO ka ʻōlelo huhū hoʻi, ʻo ia ke hoʻāla aʻe i ka inaina.

NĀ ʻŌLELO AKAMAI A SOLOMONA 16:27

ʻO ke kanaka ʻaiā, huaʻi ʻo ia i ka ʻino; A ma kona mau lehelehe he ahi e ʻaʻā ana.

NĀ ʻŌLELO AKAMAI A SOLOMONA 6:19

ʻO ka mea hōʻike hoʻopunipuni e hana ana i ka wahaheʻe, A me ka mea hoʻokonokono i ka hakakā ma waena o nā hoahānau.

NĀ ʻŌLELO AKAMAI A SOLOMONA 7:5

I mālama ʻia ʻoe i ka wahine ʻē, I ka malihini hoʻi i hoʻomalimali mai me kāna ʻōlelo.

KA WĀNANA A ʻISAIA 30:27

¶ Aia hoʻi, ke hele mai nei ka inoa ʻo Iēhova mai kahi lōʻihi mai, Ua wela kona ukiuki, a nui loa ke ʻā ʻana; Ua piha kona mau lehelehe i ka inaina, A ua like nō kona elelo me ke ahi e hoʻopau ana.

KA WĀNANA A ʻISAIA 50:11

Aia hoʻi, ʻo ʻoukou a pau, ka poʻe hoʻā i ke ahi, Ka poʻe i kākoʻo iā ʻoukou iho i nā lamakū; E hele ʻoukou ma ka mālamalama o ko ʻoukou ahi, A me nā lamakū a ʻoukou i kuni ai. E loaʻa nō kēia iā ʻoukou ma kuʻu lima, E moe ana nō ʻoukou i lalo i loko o ka ʻeha.

KA WĀNANA A IEREMIA 20:10

Lohe nō wau i ka hoʻowahāwahā ʻana o nā mea he nui, “He makaʻu nō ma nā ʻaoʻao a pau.” “E haʻi aku ʻoe, a e haʻi aku nō mākou ia,” wahi a lākou. Ua hoʻomakākiu mai koʻu poʻe makamaka a pau i koʻu hāʻule ʻana, me ka manaʻo iho, “E hoʻowalewale ʻia paha ʻo ia, A lanakila kākou ma luna ona, A e hoʻopaʻi aku kākou iā ia no kākou.”

KA WĀNANA A IEREMIA 28:16

“No laila, ke ʻōlelo mai nei ʻo Iēhova penei, ‘Aia hoʻi, e kipaku aku nō wau iā ʻoe, mai ka honua aku; i kēia makahiki e make nō ʻoe; no ka mea, ua aʻo mai nō ʻoe i ke kipi aku iā Iēhova.’”

KA BUKE ʻAKOLU A MOSE, I KAPA ʻIA ʻOIHANA KAHUNA 24:11

A ua hōʻino wale ke keiki a ka wahine ʻIseraʻela, i ka inoa, a ua kūamuamu hoʻi; a lawe mai lākou iā ia i o Mose lā. (ʻO Selomita ka inoa o kona makuahine, ke kaikamahine a Diberi, no ka ʻohana a Dana.)

KA BUKE ʻAHĀ A MOSE, I KAPA ʻIA NĀ HELU 25:2

Koi maila lākou i nā kānaka e hele aku i nā ʻahaʻaina hoʻomana a nā akua o lākou; ʻai ihola nā kānaka, a kūlou ihola i nā akua o lākou.

KA BUKE ʻAHĀ A MOSE, I KAPA ʻIA NĀ HELU 31:16

“Aia hoʻi, ʻo kēia ka poʻe i hoʻowalewale i nā mamo a ʻIseraʻela, ma muli o ka manaʻo o Balaʻama, e lawehala iā Iēhova ma ka mea a Peora, a hiki mai nō ke ahulau i waena o ke anaina kanaka o Iēhova.

KA ʻEUANELIO I KĀKAU ʻIA AI E MATAIO 12:24

A lohe aʻela ka poʻe Parisaio, ʻī aʻela lākou, “Ma o Belezebuba lā wale nō, ke aliʻi o nā daimonio, kāna mahiki ʻana aku i nā daimonio.”

KA ʻEUANELIO I KĀKAU ʻIA AI E MATAIO 5:22

Eia hoʻi kaʻu e ʻōlelo aku nei iā ʻoukou, ʻo ka mea e huhū hala ʻole aku i kona hoahānau, e lilo ana ia i mea no ka hoʻohewa ʻia; a ʻo ka mea e hāʻiliʻili aku i kona hoahānau, ‘Ē, pupuka!’ E lilo ia i mea no ka ʻaha hoʻokolokolo; a ʻo ka mea e hāʻiliʻili aku, ‘Ē, lapuwale!’ E lilo ia i mea no ke ahi i Gehena.

KA ʻEUANELIO I KĀKAU ʻIA AI E MAREKO 7:15

“ʻAʻole mea ma waho o ke kanaka e haumia ai ia ke komo i loko ona; akā, ʻo ka mea i puaʻi mai, mai loko mai ona, ʻo ia nā mea e haumia ai ke kanaka.

KA ʻEUANELIO I KĀKAU ʻIA AI E LUKA 16:24

“A kāhea akula ia, ʻī akula, ‘E ka makua, e ʻAberahama, e aloha mai ʻoe iaʻu, a e hoʻouna mai iā Lazaro e ʻō iho ia i ka wēlau o kona manamana lima i loko o ka wai, a e hoʻomaʻalili mai i koʻu alelo; no ka mea, ua ʻeha loa au i loko o kēia lapalapa.’

NĀ ʻOIHANA A KA POʻE LUNAʻŌLELO 20:30

“E kū mai nō hoʻi kekahi poʻe kānaka no ʻoukou iho, e ʻōlelo nō i nā mea hoʻopunipuni e hoʻohuli i haumāna ma muli o lākou.

NĀ ʻOIHANA A KA POʻE LUNAʻŌLELO 5:3

ʻĪ akula ʻo Petero, “E ʻAnania, no ke aha lā i hoʻopiha mai ai ʻo Sātana i kou naʻau e wahaheʻe aku i ka ʻUhane Hemolele, a e hoʻāna ʻē i kekahi mea i loaʻa mai ai no ka ʻāina?

NĀ ʻOIHANA A KA POʻE LUNAʻŌLELO 6:13

A hoʻonoho maila lākou i mau mea hōʻike wahaheʻe; ʻī maila lākou, “ʻAʻole hoʻōki kēia kanaka i ka ʻōlelo ʻana i nā ʻōlelo hōʻino i kēia wahi hoʻāno, a me ke Kānāwai;

KA BUKE ʻALIMA A MOSE, I KAPA ʻIA KĀNĀWAI LUA 13:6

¶ “A ʻo kou hoahānau kāne, ke keiki a kou makuahine, a ʻo kāu keiki iho paha, a ʻo kāu kaikamahine paha, a ʻo ka wahine o kou poli, a ʻo kāu mea aloha paha e like me kou ʻuhane iho, ke hoʻowalewale malū mai iā ʻoe, i ka ʻī ʻana mai, ‘E hele kāua e mālama i nā akua ʻē,’ i nā mea āu i ʻike ʻole ai, ʻaʻole hoʻi kou mau kūpuna;

ʻO KA ʻEPISETOLE A PAULO IĀ TITO 1:11

E pono ke hoʻopaʻa ʻia ko lākou mau waha, ko ka poʻe i hoʻokahuli i ko nā hale ʻokoʻa, me ke aʻo ʻana aku i nā mea e pono ʻole ai iā lākou ke aʻo, no ka waiwai ʻino.

ʻO KA ʻEPISETOLE HOʻOLAHA A IAKOBO 2:7

ʻAʻole anei lākou i hōʻino i kēlā inoa maikaʻi i kapa ʻia aku ai ʻoukou?

ʻO KA ʻEPISETOLE HOʻOLAHA A IAKOBO 3:7

Ua hoʻolaka ʻia kēlā a me kēia ʻano o nā holoholona hihiu, a me nā manu, a me nā mea kolo, a me nā mea hoʻi o ke kai, ua hoʻolaka ʻia mai lākou e kānaka.

ʻO KA ʻEPISETOLE HOʻOLAHA ʻALUA A PETERO 3:3

E ʻike mua ʻoukou i kēia; i nā lā ma hope, e hiki mai ana nō ka poʻe hoʻowahāwahā, hilahila ʻole, a e hele ana nō hoʻi lākou ma muli o ko lākou kuko iho,

ʻO KA ʻEPISETOLE KOLU A IOANE 1:10

No ia hoʻi, i koʻu hele ʻana aku e hoʻomanaʻo wau i ka hana āna i hana ai, ua hoʻohuahualau mai ia iā mākou me kāna ʻōlelo ʻinoʻino; ʻaʻole hoʻi ia i hoʻomaha ia mau mea, ʻaʻole ʻo ia i hoʻokipa i ka poʻe hoahānau, a ʻo ka poʻe i makemake aku, ua hōʻole ʻia mai e ia, a kipaku aku nō hoʻi ʻo ia iā lākou ma waho o ka ʻekalesia.

KA HŌʻIKE ʻANA A IOANE KA HAIPULE 12:9

Kipaku ʻia akula ua deragona nui nei, ʻo ia hoʻi ka moʻo kahiko i kapa ʻia ʻo ka diabolō, a ʻo Sātana, nāna nō i hoʻowalewale mai i ko ke ao nei a pau. Kiola ʻia maila ʻo ia i ka honua, a kiola pū ʻia maila kona poʻe ʻānela.

KA HŌʻIKE ʻANA A IOANE KA HAIPULE 13:14

A hoʻowalewale ʻo ia i ka poʻe i noho ma ka honua, ma nā mea kupanaha i hāʻawi ʻia mai nāna e hana, i mua o ka holoholona. ʻĪ mai kēlā i ka poʻe e noho ana ma ka honua, e hana lākou i kiʻi no ka holoholona i loaʻa ka ʻeha i ka pahi kaua, a ola hoʻi.

KA HŌʻIKE ʻANA A IOANE KA HAIPULE 18:23

ʻaʻole e ʻike hou ʻia i loko ou ka mālamalama o ke kukui; ʻaʻole e lohe hou ʻia i loko ou ka leo o ke kāne mare a me ka wahine mare; no ka mea, ʻo kou poʻe kālepa, he poʻe hanohano lākou o ka honua; no ka mea, ua puni wale ko nā ʻāina a pau i kou kilokilo ʻana.

KA HŌʻIKE ʻANA A IOANE KA HAIPULE 19:20

A paʻa ihola ka holoholona, a me ke kāula wahaheʻe pū me ia, ka mea hana i nā mea kupanaha i mua ona, a pēlā ia i hoʻowalewale ai i ka poʻe i loaʻa ka hōʻailona o ka holoholona, a me ka poʻe i hoʻomana aku i kona kiʻi. A ua kiola ola ʻia aku lāua a ʻelua i loko o ka loko ahi e ʻaʻā ana i ka luaʻi pele.