ʻO KA ʻEPISETOLE HOʻOLAHA A IAKOBO 3:5 - Ka Baibala Hemolele

⁵ Pēlā hoʻi, he lālā ʻuʻuku ke alelo, a kaena nui aʻela ia. Aia hoʻi, ua hoʻaʻā ʻia he puʻu wahie nui e ka hunaahi!

ʻO KA ʻEPISETOLE HOʻOLAHA A IAKOBO 3:5 Iomraidhean Croise

KA BUKE NO IOBA 22:17

“Ka poʻe i ʻōlelo aku i ke Akua, ‘E hele, mai o mākou aku! A he aha kā ka Mea Mana e hana mai ai no lākou?’

KA BUKE O NĀ HALELŪ 10:3

¶ No ka mea, ua hoʻokelakela ka mea hewa i ka makemake o kona naʻau, A i ke kō ʻana, ua hoʻomaikaʻi, a ua hoʻowahāwahā aku iā Iēhova.

KA BUKE O NĀ HALELŪ 17:10

Ua puni lākou i ko lākou momona; Ua ʻōlelo haʻaheo lākou me ko lākou waha.

KA BUKE O NĀ HALELŪ 39:1

¶ ʻĪ ihola au, “E mālama au i koʻu hele ʻana, O hana hewa au me kuʻu alelo; E mālama au i kuʻu waha me ka paʻawaha, I ka wā o ka mea lawehala i mua oʻu.”

KA BUKE ʻALUA A MOSE, I KAPA ʻIA PUKA ʻANA 15:9

“ʻĪ ihola ka ʻenemi, ‘E hahai aku nō au, E loaʻa nō, a puʻunaue aku i ka waiwai pio; E māʻona auaneʻi koʻu kuko iā lākou. E unuhi au i koʻu pahi kaua, A e loaʻa hou nō lākou i koʻu lima.’

KA BUKE ʻALUA A MOSE, I KAPA ʻIA PUKA ʻANA 5:2

ʻĪ maila ʻo Paraʻo, “ʻO wai lā ʻo Iēhova i hoʻolohe ai au i kona leo, e hoʻokuʻu aku ai i kā ʻIseraʻela? ʻAʻole au i ʻike iā Iēhova, ʻaʻole hoʻi au e hoʻokuʻu aku i kā ʻIseraʻela.”

NĀ ʻŌLELO AKAMAI A SOLOMONA 12:18

ʻŌlelo kekahi e like me ka hou ʻana o ka pahi kaua; A ʻo ke elelo o ka poʻe naʻauao, ma ka hoʻōla ia.

NĀ ʻŌLELO AKAMAI A SOLOMONA 15:2

ʻO ke elelo o ka poʻe akamai, hōʻike pololei aku ia i ka ʻike; ʻO ka waha hoʻi o ka poʻe lapuwale, hū aʻela ia i ka lapuwale.

NĀ ʻŌLELO AKAMAI A SOLOMONA 18:21

Ma ke elelo ka make a me ke ola; ʻO ka mea makemake ma laila, e ʻai ʻo ia i kona hua.

NĀ ʻŌLELO AKAMAI A SOLOMONA 26:20

I ʻole ka wahie, e pio nō ke ahi, I ʻole ka mea holoholo ʻōlelo, pau ka hakakā.

KA WĀNANA A IEREMIA 18:18

¶ A laila, ʻōlelo maila lākou, “E hele mai, e ʻimi hala kākou no Ieremia; no ka mea, ʻaʻole e hāʻule ke kānāwai i ke kahuna, ʻaʻole hoʻi ka manaʻo akamai i ka poʻe akamai, a me ka ʻōlelo hoʻi i ke kāula. E hele mai, e hahau kākou iā ia i ke alelo; mai hoʻolohe kākou i kekahi o kāna mau ʻōlelo.”

KA WĀNANA A ʻEZEKIʻELA 28:2

“E ke keiki a ke kanaka, e ʻōlelo aku ʻoe i ke aliʻi o Turo, ‘Ke ʻī mai nei Iēhova ka Haku, penei, “No ka mea, ua hoʻokiʻekiʻe kou naʻau, A ua ʻōlelo ʻoe, ‘He akua nō wau, Ke noho nei au ma kahi noho o ke Akua, I waena o ke kai’; He kanaka nō naʻe ʻoe, ʻaʻole he akua, Inā e hoʻonoho ʻoe i kou naʻau me ka naʻau o ke Akua.

KA WĀNANA A ʻEZEKIʻELA 29:3

“E ʻōlelo aku ʻoe, e ʻī aku, ‘Ke ʻī mai nei Iēhova ka Haku, “Eia hoʻi, ke kūʻē nei au iā ʻoe, E Paraʻo, ke aliʻi o ʻAigupita, Ka moʻo nui e moe ana i waena o kona mau muliwai, Ka mea i ʻōlelo, ‘Noʻu nō kuʻu Muliwai, Naʻu nō ia i hana noʻu.’

KA BUKE NO DANIʻELA 3:15

“Inā hoʻi e noho mākaukau ʻoukou, i ka wā a ʻoukou e lohe ai i ka leo o ka pū, a me ka ʻohe, a me ka lira, a me ka hōkiokio, a me ka dukima, a me ka viola ʻumi, a me nā mea kani a pau, a e moe iho ʻoukou e hoʻomana aku i ke kiʻi gula aʻu i kūkulu ai, ua pono; akā, i ʻole ʻoukou e hoʻomana aku, ia hora nō, e hoʻolei ʻia ai ʻoukou i loko o ka umu ahi e ʻaʻā ana. A ʻo wai lā ke Akua nāna ʻoukou e hoʻopakele mai kuʻu lima aku?”

KA BUKE NO DANIʻELA 4:30

“ʻŌlelo ihola ke aliʻi, ʻī ihola, ‘ʻAʻole anei kēia ʻo Babulona nui ka mea aʻu i kūkulu ai i hale no ke aupuni, me ka ikaika o koʻu mana, a no ka hanohano o koʻu nani?’

ʻO KA ʻEPISETOLE HOʻOLAHA A IAKOBO 3:4

Aia hoʻi, ʻo nā moku nui, ua hoʻoholo ʻia aʻe i nā makani ikaika loa, a ua hoʻohuli ʻia aʻe hoʻi e ka hoe uli ʻuʻuku loa, ma kahi e makemake ai ʻo ke kahu moku.

ʻO KA ʻEPISETOLE HOʻOLAHA ʻALUA A PETERO 2:18

No ka mea, i ko lākou haʻanui ʻana ma ka mea lapuwale, ke hoʻowalewale nei lākou i loko o ke kuko o ke kino a me ka makaleho wale, i nā mea i haʻalele aku i ka poʻe e noho ana ma ka hewa.

ʻO KA ʻEPISETOLE HOʻOLAHA A IUDA 1:16

ʻO ia ka poʻe ʻōhumu, ʻoluʻolu ʻole, e hele ana ma ko lākou kuko iho: haʻanui ihola ko lākou waha me ka ʻōlelo hoʻokano aku, mahalo aʻela hoʻi i ko ke kino no ka uku ʻia mai.