ʻO KA ʻEPISETOLE HOʻOLAHA A IAKOBO 3:2 - Ka Baibala Hemolele

² No ka mea, ma nā mea he nui ua hewa kākou a pau; i hewa ʻole kekahi ma kāna ʻōlelo, ʻo ia ke kanaka hemolele, e hiki hoʻi iā ia ke hoʻopaʻa i kona kino iho a pau i ke kaula waha.

ʻO KA ʻEPISETOLE HOʻOLAHA A IAKOBO 3:2 Iomraidhean Croise

KA BUKE MUA NO NĀ ALIʻI 8:46

¶ “Inā e hana hewa lākou iā ʻoe, (no ka mea, ʻaʻole kanaka hana hewa ʻole), a huhū mai ʻoe iā lākou, a hāʻawi aku ʻoe iā lākou i mua o ka ʻenemi, a lawe pio aku lākou iā lākou i ka ʻāina o ko lākou ʻenemi, he lōʻihi aku paha, he kokoke mai paha;

KA BUKE ʻALUA O KA ʻOIHANA ALIʻI 6:36

¶ “Inā e hana hewa lākou iā ʻoe; (no ka mea, ʻaʻohe kanaka i hana hewa ʻole), a huhū mai ʻoe iā lākou, a hāʻawi ʻoe iā lākou i ko lākou poʻe ʻenemi, a alakaʻi pio ua poʻe lā iā lākou i ka ʻāina lōʻihi, a i ka ʻāina kokoke paha;

KA BUKE NO IOBA 15:13

“I hoʻohuli aʻe ai ʻoe i kou naʻau e kūʻē i ke Akua, A e hoʻopuka aʻe ia mau hua ʻōlelo mai kou waha mai?

KA BUKE O NĀ HALELŪ 34:13

E kāohi i kou alelo mai ka hewa, A me kou mau lehelehe i ʻole e ʻōlelo ʻino.

KA BUKE O NĀ HALELŪ 39:1

¶ ʻĪ ihola au, “E mālama au i koʻu hele ʻana, O hana hewa au me kuʻu alelo; E mālama au i kuʻu waha me ka paʻawaha, I ka wā o ka mea lawehala i mua oʻu.”

NĀ ʻŌLELO AKAMAI A SOLOMONA 10:19

I ka nui o nā hua ʻōlelo, ʻaʻole loa e ʻole ka hewa; ʻO ka mea hāmau i kona mau lehelehe, e naʻauao nō ia.

NĀ ʻŌLELO AKAMAI A SOLOMONA 13:3

ʻO ka mea mālama i kona waha, mālama nō ia i kona ʻuhane; ʻO ka mea hoʻohāmama i ka waha, e loaʻa iā ia ka make.

NĀ ʻŌLELO AKAMAI A SOLOMONA 20:9

ʻO wai lā ke hiki e ʻōlelo aku, “Ua hoʻomaʻemaʻe au i koʻu naʻau? Ua kaʻawale au i koʻu hewa?”

NĀ ʻŌLELO AKAMAI A SOLOMONA 21:23

ʻO ka mea mālama i kona waha a me kona alelo, ʻO ia kai hoʻopakele i kona ʻuhane i ka pōpilikia.

KE KAHUNA 7:20

No ka mea, ʻaʻohe kanaka pono ma ka honua, nāna e hana maikaʻi, me ka hana hewa ʻole.

KA WĀNANA A ʻISAIA 64:6

Akā, ua like nō mākou a pau me ka mea haumia, Ua like hoʻi ko mākou pono a pau me ke kapa peʻa; A mae wale nō hoʻi mākou a pau, e like me ka lau; A ua kaʻikaʻi aku nō ko mākou hewa iā mākou, e like me ka makani.

KA BUKE ʻAKOLU A MOSE, I KAPA ʻIA ʻOIHANA KAHUNA 13:39

a laila e nānā ke kahuna, aia hoʻi, inā he keʻokeʻo ʻeleʻele iki, he wahi ʻāhinahina ia e ulu ana i loko o ka ʻili; he maʻemaʻe nō ia.

KA ʻEUANELIO I KĀKAU ʻIA AI E MATAIO 12:34

“E ka hanauna moʻo niho ʻawa! Pehea lā e hiki ai iā ʻoukou ka poʻe ʻino ke ʻōlelo i nā mea maikaʻi? No ka mea, no ka piha o ka naʻau e ʻōlelo ai ka waha.

KA ʻEUANELIO I KĀKAU ʻIA AI E MATAIO 12:37

“No ka mea, ma kāu mau ʻōlelo e hoʻāpono ʻia ai ʻoe, a ma kāu mau ʻōlelo e hoʻāhewa ʻia ai ʻoe.”

ʻO KA ʻEPISETOLE A PAULO KA LUNAʻŌLELO I KO ROMA 3:10

e like me ka mea i palapala ʻia, “«ʻAʻole loa he mea pono, ʻaʻole hoʻokahi.

ʻO KA ʻEPISETOLE A PAULO KA LUNAʻŌLELO I KO ROMA 7:21

Ua loaʻa hoʻi iaʻu he kānāwai noʻu, i koʻu wā e makemake ai e hana pono, ua kokoke mai nō ka hewa.

ʻO KA ʻEPISETOLE MUA A PAULO KA LUNAʻŌLELO I KO KORINETO 9:27

Ke ʻuʻumi nei au i kuʻu kino a lanakila ma luna iho, o lilo paha wau i ke ʻāpono ʻole ʻia, ma hope o kuʻu aʻo ʻana aku iā haʻi.

ʻO KA ʻEPISETOLE A PAULO KA LUNAʻŌLELO I KO GALATIA 3:22

Akā, ua papapau pū nā mea a pau i ka Palapala Hemolele ma lalo o ka hewa, i hāʻawi ʻia mai ai ka ʻōlelo ma ka manaʻoʻiʻo iā Iesū Kristo na ka poʻe manaʻoʻiʻo aku.

ʻO KA ʻEPISETOLE A PAULO KA LUNAʻŌLELO I KO GALATIA 5:17

No ka mea, ua kūʻē ke kuko o ke kino i ko ka ʻUhane, a ʻo ko ka ʻUhane i ko ke kino; a ua kūʻē ia mau mea i kekahi i kekahi, i hiki ʻole ai iā ʻoukou ke hana i nā mea a ʻoukou i makemake ai.

ʻO KA ʻEPISETOLE A PAULO KA LUNAʻŌLELO I KO KOLOSA 1:28

ʻO ia kā mākou e haʻi aku nei, e aʻo ana i nā kānaka a pau, a e hoʻonaʻauao ana i nā kānaka a pau i ka naʻauao ʻiʻo, e hiki iā mākou ke hōʻike i nā kānaka a pau i hemolele i loko o Kristo Iesū.

ʻO KA ʻEPISETOLE A PAULO KA LUNAʻŌLELO I KO KOLOSA 4:12

Ke uē aku nei ʻo ʻEpapera iā ʻoukou, no ʻoukou ia, ʻo ke kauā a Kristo, e hoʻoikaika mau ana no ʻoukou, i ka pule, i kū hemolele ʻoukou me ke kīnā ʻole, ma ka makemake a pau o ke Akua.

ʻO KA ʻEPISETOLE A PAULO KA LUNAʻŌLELO I KO HEBERA 13:21

E hoʻomākaukau mai iā ʻoukou no nā hana maikaʻi a pau e hana aku i kona makemake, e hana mai ana ʻo ia i loko o ʻoukou i ka mea pono i mua o kona maka, ma o Iesū Kristo lā; nona ka hoʻonani mau loa ʻia aku i ke ao pau ʻole. ʻĀmene.

ʻO KA ʻEPISETOLE HOʻOLAHA A IAKOBO 1:26

Inā i manaʻo ʻia kekahi he haipule ia, ʻaʻole hoʻi ʻo ia e kaula waha i kona alelo; akā, e hoʻopunipuni i kona naʻau iho, ua lapuwale kona haipule ʻana.

ʻO KA ʻEPISETOLE HOʻOLAHA A IAKOBO 1:4

E hoʻomau ʻoukou ma ka mea kūpono i ke ahonui, i lako ʻoukou, a i hemolele hoʻi, ʻaʻole wahi hemahema iki.

ʻO KA ʻEPISETOLE HOʻOLAHA A IAKOBO 2:10

ʻO ka mea mālama i ke kānāwai a pau, a i hāʻule naʻe ia ma ka mea hoʻokahi, ua hewa nō ia i ke kānāwai a pau.

ʻO KA ʻEPISETOLE HOʻOLAHA MUA A PETERO 3:10

“«ʻO ka mea manaʻo e pōmaikaʻi i kona wā e ola nei, a e ʻike i nā lā ʻoluʻolu, Ua oki kona alelo ke pane aku i ka hewa, a me kona lehelehe i ka ʻōlelo ʻana i ka ʻapaʻapa.

ʻO KA ʻEPISETOLE HOʻOLAHA MUA A PETERO 5:10

Akā, ʻo ke Akua, nāna mai ka lokomaikaʻi a pau, ʻo ka Mea i hea mai ai iā kākou nei i ka nani mau loa, ma o Kristo Iesū lā, ma hope o ko ʻoukou ʻeha pākole ʻana, nāna nō e hoʻolilo iā ʻoukou i hemolele loa, a e hoʻokumu hoʻi, a e hoʻoikaika, a e hoʻokūpaʻa iā ʻoukou.