ʻO KA ʻEPISETOLE HOʻOLAHA A IAKOBO 3:10 - Ka Baibala Hemolele

¹⁰ Ua puka maila ka hoʻomaikaʻi a me ka hōʻino no loko mai o ka waha hoʻokahi. E nā hoahānau oʻu, ʻaʻole loa e pono kēia mau mea pēlā.

ʻO KA ʻEPISETOLE HOʻOLAHA A IAKOBO 3:10 Iomraidhean Croise

KA BUKE MUA A MOSE, I KAPA ʻIA KINOHI 20:9

A laila, kāhea maila ʻo ʻAbimeleka iā ʻAberahama, ʻī maila iā ia, “He aha kāu i hana mai ai iā mākou? He aha hoʻi koʻu hala iā ʻoe, i hoʻoili mai ai ʻoe i luna iho oʻu a ʻo koʻu aupuni ka hewa nui? Ua hana mai ʻoe iaʻu i nā mea pono ʻole ke hana ʻia.”

KA BUKE ʻALUA A SAMUʻELA 13:12

ʻĪ maila kēlā iā ia, “ʻAʻole, e kuʻu kaikunāne, mai puʻe wale mai ʻoe iaʻu; no ka mea, ʻaʻole e pono ke hana pēlā i waena o kā ʻIseraʻela; mai hana ʻoe i kēia mea ʻino!

MIKA 3:11

Ua hoʻoponopono ka luna ona no ka uku, A ua aʻo aku kāna mau kāhuna no ke kumu, A ua wānana kāna mau kāula no ke kālā; Akā, e hilinaʻi lākou ma luna o Iēhova, i ka ʻī ʻana aʻe, “ʻAʻole anei ʻo Iēhova i waena o kākou? ʻAʻole e hiki mai ka ʻino ma luna o kākou.”

ʻO KA ʻEPISETOLE A PAULO KA LUNAʻŌLELO I KO ROMA 12:14

E hoʻomaikaʻi aku i ka poʻe e hoʻomaʻau mai iā ʻoukou. E hoʻomaikaʻi aku, mai hōʻino aku.

ʻO KA ʻEPISETOLE MUA A PAULO KA LUNAʻŌLELO I KO KORINETO 3:3

Ma ko ke kino nō ʻoukou a hiki i kēia wā; no ka mea, i kā ʻoukou pāonioni ʻana, a me ka paio, a me ka mokuāhana, ʻaʻole anei ʻoukou ma ko ke kino, a hele hoʻi ma ko ke kanaka?

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:13

A ua lilo hoʻi lākou ma ka palaualelo, e lalau ana ma ia hale aku a ia hale aku; ʻaʻole hoʻi ʻo ka palaualelo wale nō, ʻo ka holoholo ʻōlelo kekahi, me he poʻe hana lapuwale lā, e ʻōlelo ana i nā mea ʻaʻole e pono ke ʻōlelo.

ʻO KA ʻEPISETOLE HOʻOLAHA A IAKOBO 1:16

Mai kuhi hewa, e oʻu poʻe hoahānau aloha.

ʻO KA ʻEPISETOLE HOʻOLAHA A IAKOBO 1:19

¶ No ia mea, e oʻu poʻe hoahānau aloha, e hikiwawe ʻoukou ma ka lohe, e akahele hoʻi ma ka ʻōlelo ʻana aku, a e hoʻolohi hoʻi ma ka inaina aku;

ʻO KA ʻEPISETOLE HOʻOLAHA A IAKOBO 3:1

¶ E nā hoahānau oʻu, ʻaʻole make lilo nā mea o ʻoukou he nui i poʻe kumu, o loaʻa auaneʻi iā kākou ka hoʻohewa nui ʻia mai.

ʻO KA ʻEPISETOLE HOʻOLAHA A IAKOBO 3:11

E puapuaʻi mai anei ka wai ʻono a me ka wai ʻawaʻawa no loko mai o ka pūnāwai hoʻokahi?

ʻO KA ʻEPISETOLE HOʻOLAHA A IAKOBO 3:9

ʻO ia ko kākou mea e hoʻomaikaʻi aku ai i ke Akua i ka Makua; ʻo ia hoʻi ko kākou mea e hōʻino aku ai i kānaka i hana ʻia ai ma ke ʻano o ke Akua.

ʻO KA ʻEPISETOLE HOʻOLAHA MUA A PETERO 3:9

Mai hoʻihoʻi aku i ka ʻino no ka ʻino, ʻaʻole hoʻi ke kūamuamu no ke kūamuamu; e ʻokoʻa kā ʻoukou, ʻo ka hoʻomaikaʻi aku; e ʻike hoʻi ʻoukou, ua hea ʻia mai ʻoukou i laila, i hoʻoili ʻia mai iā ʻoukou ka hoʻomaikaʻi ʻia.