ʻO KA ʻEPISETOLE HOʻOLAHA A IAKOBO 2:8 - Ka Baibala Hemolele

⁸ Inā ʻoukou e mālama i ke kānāwai hemolele me ia ma ka Palapala, “«E aloha aku ʻoe i kou hoalauna e like me ʻoe iho»,” inā ua pono kā ʻoukou hana ʻana;

ʻO KA ʻEPISETOLE HOʻOLAHA A IAKOBO 2:8 Iomraidhean Croise

KA BUKE MUA NO NĀ ALIʻI 8:18

“A ʻōlelo maila hoʻi ʻo Iēhova iā Dāvida koʻu makua kāne, ‘No ka mea, ma loko aku nō o kou naʻau e kūkulu i hale no koʻu inoa, he pono ʻoe i kou manaʻo ʻana pēlā i loko ou.

KA BUKE ʻALUA NO NĀ ALIʻI 7:9

¶ ʻĪ aʻela lākou i kekahi i kekahi, “ʻAʻole pono kā kākou hana ʻana; ʻo kēia lā, he lā pōmaikaʻi, a ke noho mālie nei kākou; a i noho a hiki i ka mālamalama o ke ao, e loaʻa uaneʻi iā kākou ka hewa; ʻānō hoʻi e hele aku kākou, a e haʻi aku i ko ka hale o ke aliʻi.”

KA BUKE ʻAKOLU A MOSE, I KAPA ʻIA ʻOIHANA KAHUNA 19:18

‘Mai hoʻomaʻau, mai hoʻomauhala i nā keiki o kou poʻe kānaka; akā, e aloha ʻoe i kou hoalauna e like me ʻoe iho; ʻo wau nō Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 19:34

‘Akā, ʻo ka malihini e noho ana me ʻoukou, e like auaneʻi ia iā ʻoukou me he kupa lā i hānau i waena o ʻoukou, a e aloha ʻoe iā ia e like me ʻoe iho; no ka mea, he mau malihini nō ʻoukou ma ka ʻāina ʻo ʻAigupita; ʻo wau nō Iēhova ko ʻoukou Akua.

IONA 4:4

A ʻōlelo mai ʻo Iēhova, “He pono anei nou ka huhū?”

IONA 4:9

¶ A ʻōlelo maila ke Akua iā Iona, “He pono anei kou huhū no ka lāʻau ʻaila?” A ʻī akula ia, “He pono koʻu huhū a i ka make.”

KA ʻEUANELIO I KĀKAU ʻIA AI E MATAIO 22:39

“Ua like hoʻi ka lua me ia, ‘«E aloha aku ʻoe i kou hoalauna me ʻoe iā ʻoe iho».’

KA ʻEUANELIO I KĀKAU ʻIA AI E MATAIO 25:21

“ʻĪ akula kona haku iā ia, ‘Pono, e ke kauā maikaʻi, mālama pono; he pono kou mālama ʻana i nā mea he ʻuʻuku, e hoʻonoho nō au iā ʻoe ma luna o nā mea he nui loa. E komo aʻe ʻoe i loko o ka ʻoliʻoli o kou haku.’

KA ʻEUANELIO I KĀKAU ʻIA AI E MATAIO 25:23

“ʻĪ akula kona haku iā ia, ‘Pono, e ke kauā maikaʻi, mālama pono; he pono kou mālama ʻana i nā mea he ʻuʻuku, e hoʻonoho nō au iā ʻoe ma luna o nā mea he nui loa. E komo aʻe ʻoe i loko o ka ʻoliʻoli o kou haku.’

KA ʻEUANELIO I KĀKAU ʻIA AI E MATAIO 7:12

“ʻO nā mea a pau a ʻoukou e makemake ai e hana ʻia mai iā ʻoukou e nā kānaka, ʻo ia kā ʻoukou e hana aku ai iā lākou; no ka mea, pēlā nō kā ke Kānāwai a me kā ka poʻe Kāula.

ʻO KA ʻEPISETOLE A PAULO KA LUNAʻŌLELO I KO ROMA 13:10

ʻAʻole e hana hewa ana ke aloha i kona hoalauna; no laila ʻo ke aloha ka hoʻokō ʻana i ke kānāwai.

ʻO KA ʻEPISETOLE A PAULO KA LUNAʻŌLELO I KO GALATIA 5:14

No ka mea, ua mālama ʻia ke Kānāwai a pau ma ke kauoha hoʻokahi, ʻo ia hoʻi kēia, “«E aloha aku ʻoe i kou hoalauna e like me ʻoe iho».”

ʻO KA ʻEPISETOLE A PAULO KA LUNAʻŌLELO I KO GALATIA 6:2

E hali kekahi o ʻoukou i nā mea kaumaha a kekahi, pēlā ʻoukou e hoʻokō ai i ke kānāwai o Kristo.

ʻO KA ʻEPISETOLE A PAULO KA LUNAʻŌLELO I KO PILIPI 4:14

Akā hoʻi, ua hana pono mai ʻoukou, i ko ʻoukou manawaleʻa ʻana mai iaʻu i koʻu pōpilikia.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:9

¶ A ʻo ke aloha hoahānau hoʻi, ʻaʻole o ʻoukou hemahema e pono ai au ke palapala aku iā ʻoukou; no ka mea, ua aʻo ʻia mai ʻoukou e ke Akua e aloha i kekahi i kekahi.

ʻO KA ʻEPISETOLE HOʻOLAHA A IAKOBO 1:25

ʻO ka mea e nānā aʻe i ke kānāwai hemolele o ke ola, a e kūpaʻa ma laila, ʻaʻole e hoʻopoina wale i kāna mea i lohe ai; akā, ua mālama nō ia i ka ʻoihana; ʻo ia ka mea e pōmaikaʻi ana i kāna hana ʻana.

ʻO KA ʻEPISETOLE HOʻOLAHA A IAKOBO 2:12

E ʻōlelo aku ʻoukou, a e hana aku hoʻi, e like me ka poʻe e hoʻokolokolo ʻia ana ma ke kānāwai o ke ola.

ʻO KA ʻEPISETOLE HOʻOLAHA A IAKOBO 2:19

Ke manaʻoʻiʻo nei ʻoe, aia hoʻokahi Akua; ua pono ʻoe: pēlā nō ka poʻe daimonio i manaʻoʻiʻo ai, me ka haʻalulu hoʻi.

ʻO KA ʻEPISETOLE HOʻOLAHA A IAKOBO 4:11

¶ E nā hoahānau, mai ʻōlelo ʻino ʻoukou i kekahi i kekahi. ʻO ka mea e ʻōlelo ʻino aku no kona hoahānau, me ka hoʻohewa aku i kona hoahānau, ʻo ia kai ʻōlelo ʻino aku no ke kānāwai me ka hoʻohewa hoʻi i ke kānāwai; inā ʻoe i hoʻohewa aku i ke kānāwai, ʻaʻole loa ʻoe i mālama aku i ke kānāwai; akā, ua lilo ʻoe i mea kau kānāwai.

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.