ʻO KA ʻEPISETOLE HOʻOLAHA A IAKOBO 2:3 - Ka Baibala Hemolele

³ a manaʻo aku ʻoukou ma ka mea i kāhiko i ke kapa nani, a e ʻōlelo aʻe ʻoukou, “Ma ʻaneʻi ʻoe e noho ai ma kahi maikaʻi;” a e ʻōlelo aku hoʻi i ka mea ʻilihune, “E kū ʻoe ma laila, a e noho paha ʻoe ma ʻaneʻi ma kuʻu paepae wāwae;”

ʻO KA ʻEPISETOLE HOʻOLAHA A IAKOBO 2:3 Iomraidhean Croise

NĀ ʻŌLELO AKAMAI A SOLOMONA 18:23

He noi ko ke kanaka ʻilihune; A ʻo ka mea waiwai, ua ʻōlelo kalakala ʻo ia.

KA WĀNANA A ʻISAIA 65:5

“He poʻe ʻōlelo, ‘E hoʻokaʻawale ʻoe iā ʻoe iho, mai hoʻopili mai iaʻu, No ka mea, ua ʻoi aku koʻu pono i kou.’ He uahi nō kēia poʻe ma kuʻu ihu, He ahi nō e ʻā ana, a pō ka lā.

KA ʻEUANELIO I KĀKAU ʻIA AI E LUKA 23:11

Hoʻowahāwahā akula nō hoʻi ʻo Herode, a me kona poʻe koa iā ia, me ka hoʻomāʻewaʻewa, kāhiko akula iā ia me ka ʻaʻahu nani, a hoʻihoʻi maila iā ia i o Pilato lā.

ʻO KA ʻEPISETOLE LUA A PAULO KA LUNAʻŌLELO I KO KORINETO 8:9

No ka mea, ua ʻike nō ʻoukou i ka lokomaikaʻi o ko kākou Haku ʻo Iesū Kristo, ua waiwai ʻo ia, a no ʻoukou i lilo mai ai ia i mea ʻilihune, i waiwai ai hoʻi ʻoukou ma kona ʻilihune.

ʻO KA ʻEPISETOLE HOʻOLAHA A IAKOBO 2:2

No ka mea, inā e komo kekahi kanaka i loko o ko ʻoukou hale hālāwai me ke komo lima gula, a nani hoʻi kona kapa, a komo mai nō hoʻi kekahi mea ʻilihune, ʻinoʻino hoʻi kona kapa;

ʻO KA ʻEPISETOLE HOʻOLAHA A IAKOBO 2:6

Akā, ua hoʻowahāwahā ʻoukou i ka poʻe ʻilihune. ʻAʻole anei i hoʻoluhi mai ka poʻe waiwai iā ʻoukou, a i alakaʻi hoʻi iā ʻoukou ma kahi e hoʻokolokolo ai?

ʻO KA ʻEPISETOLE HOʻOLAHA A IUDA 1:16

ʻO ia ka poʻe ʻōhumu, ʻoluʻolu ʻole, e hele ana ma ko lākou kuko iho: haʻanui ihola ko lākou waha me ka ʻōlelo hoʻokano aku, mahalo aʻela hoʻi i ko ke kino no ka uku ʻia mai.