ʻO KA ʻEPISETOLE HOʻOLAHA A IAKOBO 1:9 - Ka Baibala Hemolele

⁹ ¶ ʻO ka hoahānau haʻahaʻa, e hauʻoli ia i kona hoʻokiʻekiʻe ʻia.

ʻO KA ʻEPISETOLE HOʻOLAHA A IAKOBO 1:9 Iomraidhean Croise

KA BUKE O NĀ HALELŪ 62:9

¶ ʻOiaʻiʻo, he mea lapuwale nā makaʻāinana, He mea ʻoiaʻiʻo ʻole nā kānaka koʻikoʻi; Aia waiho ʻia ma ka mea kaupaona, Pau pū lākou i ka māmā, ʻaʻole ka hā.

NĀ ʻŌLELO AKAMAI A SOLOMONA 17:5

ʻO ka mea hoʻomāʻewaʻewa i ka mea nele, Ua hoʻowahāwahā ʻo ia i ka Mea nāna ia i hana; ʻO ka mea hoʻi i ʻoliʻoli i ka pōʻino, ʻAʻole ia e pakele i ka hoʻopaʻi ʻana.

NĀ ʻŌLELO AKAMAI A SOLOMONA 19:1

¶ Maikaʻi ka mea ʻilihune i hele ma kona pololei, Ma mua o ka mea lehelehe wahaheʻe, a lapuwale hoʻi.

KA WĀNANA A ʻISAIA 29:19

E hoʻomāhuahua nō ka poʻe hoʻohaʻahaʻa i ka ʻoliʻoli iā Iēhova, A e hauʻoli hoʻi ka poʻe hune o nā kānaka i ka Mea Hemolele o kā ʻIseraʻela.

KA ʻEUANELIO I KĀKAU ʻIA AI E LUKA 1:52

“Ua kiola ihola ʻo ia i nā aliʻi i lalo mai luna mai o ko lākou mau noho aliʻi; A ua hoʻokiʻekiʻe aʻe hoʻi ʻo ia i ka poʻe haʻahaʻa.

KA ʻEUANELIO I KĀKAU ʻIA AI E LUKA 10:20

“Mai ʻoliʻoli naʻe ʻoukou i kēia mea, i ka hoʻolohe ʻana o nā ʻuhane iā ʻoukou; akā, e ʻoliʻoli ʻoukou, no ke kākau ʻia ʻana ko ʻoukou mau inoa i loko o ka lani.”

KA ʻEUANELIO I KĀKAU ʻIA AI E LUKA 14:11

“No ka mea, ʻo ka mea i hoʻokiʻekiʻe aʻe iā ia iho, ʻo ia ke hoʻohaʻahaʻa ʻia; a ʻo ka mea i hoʻohaʻahaʻa iā ia iho, ʻo ia ke hoʻokiʻekiʻe ʻia aʻe.”

KA ʻEUANELIO I KĀKAU ʻIA AI E LUKA 9:48

a ʻōlelo maila iā lākou, “ʻO ka mea e mālama i kēia keiki no koʻu inoa, ʻo ia ke mālama mai iaʻu; a ʻo ka mea e mālama mai iaʻu, ʻo ia ke mālama i ka Mea nāna au i hoʻouna mai; no ka mea, ʻo ka mea ʻuʻuku loa i waena o ʻoukou a pau loa, ʻo ia ke ʻoi aku ana.”

ʻO KA ʻEPISETOLE A PAULO KA LUNAʻŌLELO I KO ROMA 8:17

Inā he poʻe keiki kākou, he poʻe hoʻoilina hoʻi; he poʻe hoʻoilina naʻe na ke Akua, a he poʻe hoʻoilina pū me Kristo; a i hōʻino pū ʻia mai kākou kekahi me ia, e hoʻonani pū ʻia nō hoʻi kākou me ia.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:10

like me nā mea kaumaha; akā, e ʻoliʻoli mau ana; like me nā mea ʻilihune, a ua waiwai naʻe nā mea he nui iā mākou; like me nā mea nele loa, a ua loaʻa nō naʻe nā mea a pau.

KA BUKE ʻALIMA A MOSE, I KAPA ʻIA KĀNĀWAI LUA 15:11

“No ka mea, ʻaʻole e pau ka poʻe ʻilihune ma ka honua; no laila, ke kauoha aku nei au iā ʻoe, i ka ʻī ʻana aku, ‘E wehe loa ʻoe i kou lima i kou hoahānau, i kou poʻe ʻilihune, a me kou poʻe nele ma kou ʻāina.’

KA BUKE ʻALIMA A MOSE, I KAPA ʻIA KĀNĀWAI LUA 15:7

¶ “Inā i waena o ʻoukou kekahi hoahānau ʻilihune ou ma loko o kekahi o kou mau ʻīpuka ma ka ʻāina a Iēhova kou Akua e hāʻawi mai ai iā ʻoe, mai hoʻopaʻakikī ʻoe i kou naʻau, ʻaʻole hoʻi e ʻauʻa kou lima no kou hoahānau ʻilihune;

KA BUKE ʻALIMA A MOSE, I KAPA ʻIA KĀNĀWAI LUA 15:9

“E ao, o kupu mai ka manaʻo i loko o kou naʻau ʻino, e ʻī iho ana, ‘Ua kokoke mai nei ka hiku o ka makahiki, ka makahiki e hoʻokala aku ai’; a nānā ʻino aku kou maka i kou hoahānau ʻilihune, a hāʻawi ʻole aku ʻoe nāna; a e kāhea aku ʻo ia iā Iēhova nou, a e lilo ia i hewa nou.

ʻO KA ʻEPISETOLE A PAULO KA LUNAʻŌLELO I KO PILIPI 3:14

ke holo ikaika aku nei au ma ka hōʻailona, i loaʻa iaʻu ka lei o ka poʻe a ke Akua i hea mai ai no luna mai ma o Kristo Iesū lā.

ʻO KA ʻEPISETOLE A PAULO KA LUNAʻŌLELO I KO PILIPI 3:3

No ka mea, ʻo kākou ka poʻe i ʻoki poepoe ʻia, ka poʻe hoʻomana i ke Akua me ka naʻau, me ka hauʻoli iā Kristo Iesū, ʻaʻole nō e paulele i ko ke kino;

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.

KA HŌʻIKE ʻANA A IOANE KA HAIPULE 2:9

‘Ua ʻike nō au i kāu hana ʻana, a me kou pōpilikia, a me kou hune, ua waiwai nō naʻe ʻoe; a ua ʻike au i ka ʻōlelo hoʻoʻino a ka poʻe i kapa iā lākou iho he poʻe Iudaio, ʻaʻole kā, ʻo ka hale hālāwai lākou o Sātana.

KA BUKE MUA A SAMUʻELA 2:8

“Ke hoʻokiʻekiʻe ʻo ia i ka poʻe ʻilihune mai ka lepo mai Ke kaʻikaʻi aʻela ia i ka poʻe nele mai kahi ʻino mai, E hoʻonoho iā lākou me nā aliʻi E hoʻoili nō lākou i ka noho aliʻi nani. No Iēhova nā kia o ka honua, Nāna i hoʻonoho ke ao nei ma luna o lākou.