ʻO KA ʻEPISETOLE HOʻOLAHA A IAKOBO 1:4 - Ka Baibala Hemolele

⁴ E hoʻomau ʻoukou ma ka mea kūpono i ke ahonui, i lako ʻoukou, a i hemolele hoʻi, ʻaʻole wahi hemahema iki.

ʻO KA ʻEPISETOLE HOʻOLAHA A IAKOBO 1:4 Iomraidhean Croise

KA BUKE NO IOBA 17:9

“E hoʻomau no ka mea pono i kona ʻaoʻao, A ʻo ka mea lima maʻemaʻe, e hoʻomāhuahua aku ia i ka ikaika.

KA BUKE O NĀ HALELŪ 37:7

¶ E noho mālie iā Iēhova, a e kali ahonui iā ia; Mai noho a ukiuki no ke kanaka e poʻo keʻokeʻo ana i kona ʻaoʻao iho, No ke kanaka e hana ana ma nā manaʻo hewa.

KA BUKE O NĀ HALELŪ 40:1

¶ Ua kali ahonui akula au iā Iēhova, A maliu mai ia me ka hoʻolohe i koʻu hea ʻana.

NĀ ʻŌLELO AKAMAI A SOLOMONA 4:8

“E hoʻonani ʻoe iā ia, nāna ʻoe e hoʻokiʻekiʻe aʻe; E hoʻohanohano iā ʻoe i kou wā e hoʻopaʻa aku ai iā ia.

HABAKUKA 2:3

“No ka mea, ʻo ka mea i ʻikea no ka manawa maopopo ia; A ke lalelale nei i ka hope, ʻaʻole ia e hoʻopunipuni; Inā e hoʻokaʻulua ʻia ʻo ia, e kali ʻoe iā ia; No ka mea, e hiki ʻiʻo mai nō ia, ʻaʻohe ia e hoʻokaʻulua.

KA ʻEUANELIO I KĀKAU ʻIA AI E MATAIO 10:22

“No koʻu inoa e inaina ʻia mai ai ʻoukou e nā kānaka a pau; akā, ʻo ka mea hoʻomau aku a hiki i ka hopena, e ola ia.

KA ʻEUANELIO I KĀKAU ʻIA AI E MATAIO 19:20

ʻĪ maila ua kanaka ʻōpiopio lā iā ia, “Ua mālama au ia mau mea a pau mai kuʻu wā kamaliʻi mai; he aha koʻu hemahema?”

KA ʻEUANELIO I KĀKAU ʻIA AI E MATAIO 5:48

“E hemolele ʻoukou, e like me ka hemolele o ko ʻoukou Makua i loko o ka lani.

KA ʻEUANELIO I KĀKAU ʻIA AI E MAREKO 10:21

Nānā maila Iesū iā ia, aloha ihola, a ʻōlelo maila iā ia, “Hoʻokahi ou mea hemahema; e hoʻi aku ʻoe, e kūʻai lilo aku i kou waiwai a pau, a e hāʻawi aku i ka poʻe ʻilihune, a laila e loaʻa iā ʻoe ka waiwai ma ka lani; a e hele mai ʻoe e hāpai i ke keʻa, a e hahai mai iaʻu.”

KA ʻEUANELIO I KĀKAU ʻIA AI E LUKA 18:22

A lohe aʻela ʻo Iesū ia, ʻī maila ʻo ia iā ia, “Hoʻokahi āu mea hemahema; e kūʻai lilo aku i kou waiwai a pau, a e hāʻawi i ka poʻe ʻilihune, a e loaʻa iā ʻoe ka waiwai ma ka lani; a laila e hele mai a hahai mai iaʻu.”

KA ʻEUANELIO I KĀKAU ʻIA AI E LUKA 21:19

“Me ke ahonui e mālama ai ʻoukou i ko ʻoukou mau ʻuhane.

KA ʻEUANELIO I KĀKAU ʻIA AI E LUKA 8:15

“Akā, ʻo ka mea ma ka lepo maikaʻi, ʻo ia ka poʻe i hoʻolohe, a mālama hoʻi i ka ʻōlelo ma loko o ka naʻau maikaʻi a me ka hoʻopono, a hoʻohua mai i ka hua me ke ahonui.

KA ʻEUANELIO I KĀKAU ʻIA AI E IOANE 17:23

‘o wau i loko o lākou, a ʻo ʻoe i loko oʻu, i hemolele ai ko lākou hoʻokahi ʻana; a i ʻike ai ko ke ao nei, ua hoʻouna mai ʻoe iaʻu, a ua aloha ʻoe iā lākou e like me kou aloha iaʻu.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:6

¶ He akamai nō hoʻi kā mākou e ʻōlelo nei i ka poʻe i oʻo; ʻaʻole naʻe ʻo ia ke akamai o ko kēia ao, ʻaʻole hoʻi o nā aliʻi o kēia ao, ʻo nā mea e pau wale ana;

ʻO KA ʻEPISETOLE A PAULO KA LUNAʻŌLELO I KO GALATIA 6:9

Mai hoʻopalaleha kākou i ka hana maikaʻi; no ka mea, i ka wā pono e ʻohi auaneʻi kākou, ke hoʻonāwaliwali ʻole kākou.

ʻO KA ʻEPISETOLE A PAULO KA LUNAʻŌLELO I KO KOLOSA 4:12

Ke uē aku nei ʻo ʻEpapera iā ʻoukou, no ʻoukou ia, ʻo ke kauā a Kristo, e hoʻoikaika mau ana no ʻoukou, i ka pule, i kū hemolele ʻoukou me ke kīnā ʻole, ma ka makemake a pau o ke Akua.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:23

¶ A na ke Akua e malu ai e hoʻomaʻemaʻe loa mai iā ʻoukou; a e mālama pono ʻia mai ko ʻoukou naʻau, a me ko ʻoukou ʻuhane, a me ko ʻoukou kino, me ka hala ʻole, a hiki mai ko kākou Haku, ʻo Iesū Kristo.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 3:17

i hemolele ai ke kanaka o ke Akua, i mākaukau leʻa ai hoʻi i nā hana maikaʻi a pau.

ʻO KA ʻEPISETOLE A PAULO KA LUNAʻŌLELO I KO HEBERA 13:21

E hoʻomākaukau mai iā ʻoukou no nā hana maikaʻi a pau e hana aku i kona makemake, e hana mai ana ʻo ia i loko o ʻoukou i ka mea pono i mua o kona maka, ma o Iesū Kristo lā; nona ka hoʻonani mau loa ʻia aku i ke ao pau ʻole. ʻĀmene.

ʻO KA ʻEPISETOLE HOʻOLAHA A IAKOBO 1:5

¶ Inā i nele kekahi o ʻoukou i ke akamai, e noi aku ʻo ia i ke Akua i ka Mea i hāʻawi lokomaikaʻi mai no nā mea a pau me ka hōʻino ʻole mai, a e hāʻawi ʻia mai nō ia nona.

ʻO KA ʻEPISETOLE HOʻOLAHA A IAKOBO 3:2

No ka mea, ma nā mea he nui ua hewa kākou a pau; i hewa ʻole kekahi ma kāna ʻōlelo, ʻo ia ke kanaka hemolele, e hiki hoʻi iā ia ke hoʻopaʻa i kona kino iho a pau i ke kaula waha.

ʻO KA ʻEPISETOLE HOʻOLAHA MUA A PETERO 5:10

Akā, ʻo ke Akua, nāna mai ka lokomaikaʻi a pau, ʻo ka Mea i hea mai ai iā kākou nei i ka nani mau loa, ma o Kristo Iesū lā, ma hope o ko ʻoukou ʻeha pākole ʻana, nāna nō e hoʻolilo iā ʻoukou i hemolele loa, a e hoʻokumu hoʻi, a e hoʻoikaika, a e hoʻokūpaʻa iā ʻoukou.

ʻO KA ʻEPISETOLE HOʻOLAHA ʻALUA A PETERO 1:9

Akā, ʻo ka mea i nele i kēia mau mea, ua makapō ia, ua pōwehiwehi ka ʻike ʻana, a ua poina iā ia kona huikala ʻia ʻana i nā hewa kahiko.