ʻO KA ʻEPISETOLE HOʻOLAHA A IAKOBO 1:12 - Ka Baibala Hemolele

¹² ¶ Pōmaikaʻi wale ke kanaka, ke kūpaʻa ia i ka hoʻowalewale ʻia mai; no ka mea, a pau kona hoʻāʻo ʻia mai, e loaʻa auaneʻi iā ia ka lei o ke ola i ʻōlelo ʻia mai ai e ka Haku no ka poʻe e aloha aku ana iā ia.

ʻO KA ʻEPISETOLE HOʻOLAHA A IAKOBO 1:12 Iomraidhean Croise

KA BUKE MUA A MOSE, I KAPA ʻIA KINOHI 22:1

¶ Ma hope mai o ia mau mea, hoʻāʻo maila ke Akua iā ʻAberahama, ʻī maila iā ia, “E ʻAberahama!” ʻĪ akula kēlā, “Eia nō wau.”

KA BUKE A NEHEMIA 1:5

A ʻī akula, “Ke noi aku nei au iā ʻoe, e Iēhova ke Akua o ka lani, ke Akua nui hoʻoweliweli, e mālama ana i ka berita a i ke aloha no ka poʻe i aloha aku iā ia a mālama hoʻi i kāna mau kauoha;

KA BUKE NO IOBA 2:10

Akā, ʻī akula ʻo ia iā ia, “Ke ʻōlelo mai nei ʻoe e like me ka ʻōlelo a kekahi o nā wāhine naʻaupō. Eiʻa, e loaʻa anei iā kākou ka maikaʻi mai ke Akua mai, ʻaʻole anei e loaʻa iā kākou ka ʻino kekahi?” Ma kēia mea a pau, ʻaʻole ʻo Ioba i hewa me kona mau lehelehe.

KA BUKE NO IOBA 5:17

¶ “Aia hoʻi, pōmaikaʻi ke kanaka a ke Akua i hōʻeha mai; No laila, mai hoʻowahāwahā ʻoe i ka hahau ʻana mai o ka Mea Mana;

KA BUKE O NĀ HALELŪ 11:5

Ke hoʻāʻo lā ʻo Iēhova i ka mea pono, Akā, ke inaina lā kona ʻuhane i ka mea hewa, A me ka mea i makemake i ke kolohe.

KA BUKE O NĀ HALELŪ 119:67

Ma mua o koʻu hoʻopilikia ʻia, hele hewa au; I kēia wā, ke mālama nei au i kāu ʻōlelo.

KA BUKE O NĀ HALELŪ 119:71

He mea maikaʻi iaʻu koʻu hoʻopilikia ʻia, I mea e aʻo ai au i kāu mau ʻōlelo paʻa.

KA BUKE O NĀ HALELŪ 119:75

Ua ʻike nō wau, e Iēhova, he pololei no kou hoʻopono ʻana. A ma ka ʻoiaʻiʻo no kou hoʻopilikia ʻana mai iaʻu.

KA BUKE O NĀ HALELŪ 5:11

¶ E hauʻoli ka poʻe a pau i hilinaʻi aku iā ʻoe; E hōʻoliʻoli mau nō hoʻi no kou mālama ʻana mai iā lākou; A e ʻoliʻoli ʻiʻo hoʻi iā ʻoe ka poʻe i makemake i kou inoa.

KA BUKE O NĀ HALELŪ 94:12

¶ Pōmaikaʻi ke kanaka āu e aʻo mai ai, e Iēhova, A hoʻonaʻauao hoʻi ma kou kānāwai;

KA BUKE ʻALUA A MOSE, I KAPA ʻIA PUKA ʻANA 20:6

a e aloha ana hoʻi i nā tausani o ka poʻe e aloha mai iaʻu, a e mālama hoʻi i koʻu mau kānāwai.

NĀ ʻŌLELO AKAMAI A SOLOMONA 17:3

He ipu hoʻoheheʻe, no ke kālā ia; no ke gula hoʻi he kapuahi ʻuʻuku; Akā, na Iēhova e hoʻāʻo mai i nā naʻau.

KA WĀNANA A ʻISAIA 64:4

Mai ka wā kahiko loa mai, ʻaʻole i lohe lākou, ʻaʻole i komo i ka pepeiao, ʻAʻole hoʻi i ʻike aku ka maka i ke Akua ʻē aʻe, ke kaʻawale ʻoe, I hana pēlā i ka mea kakali iā ia.

ZEKARIA 13:9

“A e alakaʻi au i kekahi hapakolu i waena o ke ahi, A e hoʻoheheʻe au iā lākou e like me ka hoʻoheheʻe ʻia ʻana o ke kālā, E hoʻāʻo hoʻi au iā lākou e like me ka hoʻāʻo ʻana i ke gula; E kāhea mai ia poʻe i kuʻu inoa, a e hoʻolohe au iā lākou; E ʻōlelo auaneʻi au, ‘ʻO koʻu poʻe kānaka kēia’; A e ʻōlelo hoʻi lākou, ‘ʻO Iēhova koʻu Akua.’”

KA ʻEUANELIO I KĀKAU ʻIA AI E MATAIO 10:22

“No koʻu inoa e inaina ʻia mai ai ʻoukou e nā kānaka a pau; akā, ʻo ka mea hoʻomau aku a hiki i ka hopena, e ola ia.

KA ʻEUANELIO I KĀKAU ʻIA AI E MATAIO 25:34

“A laila, e ʻōlelo aku ke Aliʻi i ka poʻe ma kona lima ʻākau, ‘E hele mai ʻoukou, e ka poʻe i hoʻomaikaʻi ʻia e koʻu Makua, e komo ʻoukou i ke aupuni i hoʻomākaukau ʻia no ʻoukou mai ka hoʻokumu ʻana mai o ka honua.

KA ʻEUANELIO I KĀKAU ʻIA AI E LUKA 6:22

“E pōmaikaʻi ana ʻoukou i ka wā e inaina mai ai nā kānaka iā ʻoukou, a e hoʻokaʻawale ai hoʻi iā ʻoukou, a e hōʻino ai hoʻi, a e kiola aku ai hoʻi i ko ʻoukou mau inoa me he mea ʻino lā, no ke Keiki a ke Kanaka.

ʻO KA ʻEPISETOLE A PAULO KA LUNAʻŌLELO I KO ROMA 5:4

a ʻo ke ahonui i ka hoʻāʻo ʻana; a ʻo ka hoʻāʻo ʻana i ka manaʻolana;

ʻO KA ʻEPISETOLE A PAULO KA LUNAʻŌLELO I KO ROMA 8:28

Ua ʻike nō hoʻi kākou, e kōkua pū ana nā mea a pau e pono ai ka poʻe aloha i ke Akua, ka poʻe i koho ʻia mai ma muli o kona manaʻo.

ʻO KA ʻEPISETOLE MUA A PAULO KA LUNAʻŌLELO I KO KORINETO 2:9

Ua like hoʻi me ka mea i palapala ʻia, “«ʻAʻole i ʻike ka maka, ʻaʻole i lohe ka pepeiao, ʻAʻole hoʻi i komo i loko o ka naʻau o kānaka, Nā mea a ke Akua i hoʻomākaukau ai no ka poʻe i aloha aku iā ia».”

ʻO KA ʻEPISETOLE MUA A PAULO KA LUNAʻŌLELO I KO KORINETO 8:3

akā, inā i aloha aku kekahi i ke Akua, ua ʻikea mai ʻo ia e ia.

ʻO KA ʻEPISETOLE MUA A PAULO KA LUNAʻŌLELO I KO KORINETO 9:25

ʻO ka poʻe a pau i hoʻoikaika i ka uku, ua pākiko nō lākou ma nā mea a pau. Ma ka lei mae wale lākou; akā, ma ka lei mae ʻole kākou.

KA BUKE ʻALIMA A MOSE, I KAPA ʻIA KĀNĀWAI LUA 13:3

mai hoʻolohe ʻoe i ka ʻōlelo a ua kāula lā, a me ua mea moeʻuhane lā; no ka mea, ke hoʻāʻo mai nei ʻo Iēhova ko ʻoukou Akua iā ʻoukou, i ʻike ai ia i ko ʻoukou aloha ʻana iā Iēhova ko ʻoukou Akua, me ko ʻoukou naʻau a pau, a me ko ʻoukou ʻuhane a pau.

KA BUKE ʻALIMA A MOSE, I KAPA ʻIA KĀNĀWAI LUA 7:9

“E ʻike hoʻi ʻoe, ʻo Iēhova kou Akua, ʻo ia nō ke Akua, he Akua ʻoiaʻiʻo, e mālama ana i ka berita, a i ke aloha no ka poʻe i aloha aku iā ia, a mālama hoʻi i kāna mau kauoha, a hiki i ke tausani o nā hanauna;

KA BUKE ʻALIMA A MOSE, I KAPA ʻIA KĀNĀWAI LUA 8:2

“E hoʻomanaʻo hoʻi ʻoe i ke ala a pau a Iēhova kou Akua i kaʻi mai ai iā ʻoe ma ka wao nahele i kēia mau makahiki he kanahā, e hoʻohaʻahaʻa iho iā ʻoe, e hoʻāʻo hoʻi iā ʻoe, e ʻike hoʻi ia i ka mea ma loko o kou naʻau, i mālama paha ʻoe, i mālama ʻole paha i kāna mau kauoha.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:15

E hoʻoikaika nui ʻoe e hōʻike iā ʻoe iho i mua o ke alo o ke Akua me ka hoʻāpono ʻia mai, i paʻahana hoʻi ʻaʻole e pono ke hilahila, e puʻunaue pono aku ana i ka ʻōlelo ʻoiaʻiʻo.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 4:8

ma kēia hope aku, e waiho mai ana noʻu he lei o ka pono, ka mea a ka Haku a ka Luna Kānāwai hoʻopono e hāʻawi mai ai iaʻu i kēlā lā; ʻaʻole hoʻi iaʻu wale nō; akā, i ka poʻe a pau i makemake i kona ʻikea ʻana mai.

ʻO KA ʻEPISETOLE A PAULO KA LUNAʻŌLELO I KO HEBERA 10:32

¶ E hoʻomanaʻo hoʻi ʻoukou i nā lā ma mua, i ka manawa i hoʻomanawanui ai ʻoukou i ka paio nui ʻana, me ka ʻehaʻeha, ma hope iho o ko ʻoukou naʻauao ʻana;

ʻO KA ʻEPISETOLE A PAULO KA LUNAʻŌLELO I KO HEBERA 11:17

¶ Ma ka manaʻoʻiʻo i kaumaha aku ai ʻo ʻAberahama iā ʻIsaʻaka i kona wā i hoʻāʻo ʻia mai ai; a ʻo ka mea nona ka pono i haʻi mua ʻia mai, ua mōhai akula ʻo ia i kāna keiki hoʻokahi;

ʻO KA ʻEPISETOLE A PAULO KA LUNAʻŌLELO I KO HEBERA 12:5

Ua poina iā ʻoukou ka ʻōlelo hoʻoikaika iā ʻoukou me he poʻe keiki lā, “«E kaʻu keiki, mai hoʻowahāwahā ʻoe i ka hahau ʻana mai a ka Haku, ʻAʻole hoʻi e maʻule i kona hōʻeha ʻana mai iā ʻoe;

ʻO KA ʻEPISETOLE A PAULO KA LUNAʻŌLELO I KO HEBERA 6:15

A kali akula hoʻi ia me ke ahonui, a loaʻa maila iā ia ka pono i haʻi mua ʻia mai.

ʻO KA ʻEPISETOLE HOʻOLAHA A IAKOBO 2:5

E hoʻolohe ʻoukou, e nā hoahānau aloha oʻu, ʻaʻole anei ke Akua i wae aʻe i ka poʻe ʻilihune o ke ao nei e lako i ka manaʻoʻiʻo, a e lilo i poʻe hoʻoilina o ke aupuni āna i ʻōlelo mai ai i ka poʻe e aloha aku ana iā ia?

ʻO KA ʻEPISETOLE HOʻOLAHA A IAKOBO 5:11

Aia hoʻi, ke kapa nei kākou i ka poʻe hoʻomanawanui, he pōmaikaʻi. Ua lohe ʻoukou i ka hoʻomanawanui ʻana o Ioba, a ua ʻike ʻoukou i kā ka Haku hope; ua lokomaikaʻi nui ka Haku me ke aloha mai.

ʻO KA ʻEPISETOLE HOʻOLAHA MUA A PETERO 3:14

Akā, inā ʻeha ʻoukou no ka pono, ua pōmaikaʻi ʻoukou. «Mai makaʻu ʻoukou i ko lākou hoʻoweliweli ʻana, ʻaʻole hoʻi e pīhoihoi»;

ʻO KA ʻEPISETOLE HOʻOLAHA MUA A PETERO 4:13

akā, e ʻoliʻoli ʻoukou; no ka mea, he poʻe hoa ʻeha pū ʻoukou me Kristo; i mea e hauʻoli loa ai ʻoukou i ka wā e hōʻike ʻia mai ai kona nani.

ʻO KA ʻEPISETOLE HOʻOLAHA MUA A PETERO 4:14

Pōmaikaʻi ʻoukou, ke hōʻino ʻia ʻoukou no ka inoa o Kristo; no ka mea, ua kau mai ka ʻUhane nani o ke Akua ma luna o ʻoukou; ma o lākou lā, ua kūamuamu ʻia ʻo ia; akā, ma o ʻoukou nei, ua hoʻonani ʻia ʻo ia.

ʻO KA ʻEPISETOLE HOʻOLAHA MUA A PETERO 5:10

Akā, ʻo ke Akua, nāna mai ka lokomaikaʻi a pau, ʻo ka Mea i hea mai ai iā kākou nei i ka nani mau loa, ma o Kristo Iesū lā, ma hope o ko ʻoukou ʻeha pākole ʻana, nāna nō e hoʻolilo iā ʻoukou i hemolele loa, a e hoʻokumu hoʻi, a e hoʻoikaika, a e hoʻokūpaʻa iā ʻoukou.

ʻO KA ʻEPISETOLE HOʻOLAHA MUA A PETERO 5:4

A hiki i ka wā e hōʻike ʻia mai ai ke Kahu Hipa Nui, a laila e loaʻa iā ʻoukou ka lei nani loa, ʻaʻole loa e mae.

ʻO KA ʻEPISETOLE HOʻOLAHA MUA A IOANE 4:19

Ke aloha aku nei kākou iā ia; no ka mea, ua aloha mua mai kēlā iā kākou.

KA HŌʻIKE ʻANA A IOANE KA HAIPULE 2:10

‘Mai makaʻu aku i nā mea āu e pilikia ai; aia hoʻi, e hahao ana ʻo ka diabolō i kekahi o ʻoukou i loko o ka hale paʻahao, i hoʻāʻo ʻia ai ʻoukou; he ʻumi nā lā a ʻoukou e kaumaha ai. E kūpaʻa ʻoe ma ka pono a hiki i ka make, a naʻu nō e hāʻawi aku iā ʻoe i ka lei o ke ola.

KA HŌʻIKE ʻANA A IOANE KA HAIPULE 3:19

‘ʻO nā mea aʻu i aloha ai, ʻo ia kaʻu i aʻo aku ai, a i paipai ai hoʻi. No ia mea, e hoʻoikaika, a e mihi hoʻi.

KA HŌʻIKE ʻANA A IOANE KA HAIPULE 3:21

‘ʻO ka mea lanakila, e hāʻawi nō au iā ia, e noho pū me aʻu ma koʻu noho aliʻi, me aʻu i lanakila ai, a ua noho pū me koʻu Makua ma kona noho aliʻi.