IONA 2:2 - Ka Baibala Hemolele

² a ʻī akula, “Ua kāhea aku au, mai koʻu wahi pilikia, iā Iēhova, a hoʻolohe mai ia iaʻu. Mai ka ʻōpū o ka pō i kāhea aku ai au, a hoʻolohe mai ʻoe i kuʻu leo.

IONA 2:2 Iomraidhean Croise

KA BUKE ʻALUA O KA ʻOIHANA ALIʻI 33:12

A i kona pōpilikia, noi aku ʻo ia iā Iēhova i kona Akua, a hoʻohaʻahaʻa nui iā ia iho i mua i ke alo o ke Akua o kona poʻe kūpuna.

KA BUKE O NĀ HALELŪ 116:3

Hoʻopuni mai nā hei o ka make iaʻu, A loaʻa iaʻu ka pilikia o ka malu o ka make, A loaʻa nō hoʻi iaʻu ka pōpilikia, a me ka ʻehaʻeha.

KA BUKE O NĀ HALELŪ 120:1

¶ I loko o koʻu pilikia, kāhea akula au iā Iēhova, A hoʻolohe maila ʻo ia iaʻu.

KA BUKE O NĀ HALELŪ 16:10

No ka mea, ʻaʻole ʻoe e haʻalele i koʻu ʻuhane i ka malu o ka make, ʻAʻole hoʻi ʻoe e waiho iho i kou Mea Hoʻāno a ʻike i ka palahō.

KA BUKE O NĀ HALELŪ 22:24

No ka mea, ʻaʻole ia i hoʻowahāwahā, ʻaʻole hoʻi i hōʻaikola i ka pōʻino o ka mea i hoʻoluhi ʻia; ʻAʻole ia i hūnā aku i kona maka iā ia; Akā, i kona kāhea ʻana aku iā ia, ua hoʻolohe mai nō ia.

KA BUKE O NĀ HALELŪ 34:6

Kāhea akula kēia kanaka ʻilihune, A hoʻolohe maila ʻo Iēhova iā ia, A hoʻopakele ʻo ia i kona pōpilikia a pau.

KA BUKE O NĀ HALELŪ 4:1

¶ I kaʻu uolo ʻana aku e lohe mai iaʻu, e ke Akua oʻu e pono ai! Ua hoʻākea mai ʻoe iaʻu i koʻu pōpilikia; E aloha mai ʻoe iaʻu, e hoʻolohe mai hoʻi i kaʻu pule.

KA BUKE O NĀ HALELŪ 61:2

Mai ka wēlau o ka honua e kāhea aku ai au iā ʻoe, I ka paumākō o koʻu naʻau; E alakaʻi ʻoe iaʻu i ka pōhaku kiʻekiʻe ma luna oʻu.

KA BUKE O NĀ HALELŪ 65:2

E ka Mea lohe i ka pule, I ou lā e hele aku ai ka ʻiʻo a pau.

KA BUKE O NĀ HALELŪ 86:13

No ka mea, nui loa kou lokomaikaʻi mai iaʻu; Ua hoʻopakele mai ʻoe i koʻu ʻuhane i ka malu o ka make.

KA WĀNANA A ʻISAIA 14:9

“Ua pīhoihoi ka pō ma lalo iā ʻoe, E hālāwai me ʻoe i kou hiki ʻana aku. Nou nō ia i hōʻea mai ai i nā mea lapu, I nā mea mana hoʻi a pau o ka honua; Hoʻokū aʻela hoʻi ia i luna, i nā aliʻi a pau o nā ʻāina, mai ko lākou noho aliʻi mai.

KE KANIKAU A IEREMIA 3:55

Kāhea akula au i kou inoa, e Iēhova, Mai loko aʻe o ka lua hohonu.

KA WĀNANA A ʻEZEKIʻELA 26:20

i koʻu hoʻoiho ʻana iā ʻoe i lalo me ka poʻe e iho i ka lua, me nā kānaka o ka wā kahiko, a e hoʻonoho iā ʻoe ma kahi haʻahaʻa o ka honua, ma nā wahi neoneo kahiko nō, me ka poʻe i iho i lalo i ka lua, i ʻole ʻoe e noho ʻia; a e hoʻonoho aku au i ka nani ma ka ʻāina o ka poʻe e ola ana.

KA WĀNANA A ʻEZEKIʻELA 31:14

i mea e hoʻokiʻekiʻe ʻole ai kekahi o nā lāʻau a pau ma nā wai, no ko lākou kiʻekiʻe, ʻaʻole hoʻi e hoʻopuka i ko lākou wēlau ma waena o nā lālā paʻapū, ʻaʻole hoʻi e kū i luna ko lākou mau lāʻau i ko lākou kiʻekiʻe, ʻo nā mea a pau e inu ana i ka wai; no ka mea, ua hāʻawi ʻia lākou a pau i ka make i ko lalo mau wahi o ka honua i waena o nā keiki a kānaka, me nā mea e iho ana i ka lua.”

KA ʻEUANELIO I KĀKAU ʻIA AI E MATAIO 12:40

“E like me «Iona ʻekolu lā ʻekolu pō i loko o ka ʻōpū o ka iʻa nui», pēlā auaneʻi ke Keiki a ke Kanaka, ʻekolu lā ʻekolu pō i loko o ka ʻōpū o ka honua.

KA ʻEUANELIO I KĀKAU ʻIA AI E LUKA 11:10

“No ka mea, ʻo ka mea i noi, ua hāʻawi ʻia nō iā ia; a ʻo ka mea i ʻimi, ua loaʻa nō iā ia; a ʻo ka mea kīkēkē, e wehe ʻia nō iā ia.

KA ʻEUANELIO I KĀKAU ʻIA AI E LUKA 22:44

A ua puni ia i ka ʻeha nui, pule ikaika akula ia; a ua like hoʻi kona hou me nā kulu nui o ke koko e hāʻule ana i lalo i ka lepo.

NĀ ʻOIHANA A KA POʻE LUNAʻŌLELO 2:27

No ka mea, ʻaʻole ʻoe e waiho i koʻu ʻuhane ma ka malu o ka poʻe make, ʻAʻole hoʻi e hāʻawi mai i kou mea hoʻāno, e ʻike i ka palahō.

ʻO KA ʻEPISETOLE A PAULO KA LUNAʻŌLELO I KO HEBERA 5:7

ʻO ia hoʻi, i nā lā o kona noho kino ʻana, ua kaumaha akula i ka pule, a me ka nonoi ʻana, me ke kāhea nui ʻana, a me nā waimaka heleleʻi, i ka Mea e hiki iā ia ke hoʻopakele mai iā ia i ka make, a ua lohea mai ʻo ia no nā mea āna i makaʻu ai.

KA BUKE MUA A SAMUʻELA 1:16

“Mai manaʻo mai ʻoe i kāu kauā wahine, he kaikamahine na ka hewa; no ka mea, no ka nui o kuʻu ʻehaʻeha ʻana, a me ke kaumaha, ua ʻōlelo iho nei au a kēia wā.”

KA BUKE MUA A SAMUʻELA 30:6

Pilikia loa ihola ʻo Dāvida; a ua ʻōlelo nā kānaka e pehi iā ia i ka pōhaku; no ka mea, ua kaumaha ka naʻau o nā kānaka a pau, ʻo kēlā kanaka kēia kanaka nō kāna mau keiki kāne, a me kāna mau kaikamāhine; akā, hoʻoikaika ihola ʻo Dāvida iā ia iho ma Iēhova kona Akua.