IONA 1:3 - Ka Baibala Hemolele

³ Akā, kū aʻela ʻo Iona e holo i Taresisa, mai ke alo aku o Iēhova, a iho akula i Iopa; a loaʻa iā ia ka moku e holo ana i Taresisa; a hāʻawi aku ia i ka uku, a komo ihola ia i loko ona e holo pū me lākou i Taresisa mai ke alo aku o Iēhova.

IONA 1:3 Iomraidhean Croise

KA BUKE MUA A MOSE, I KAPA ʻIA KINOHI 3:8

¶ Lohe aʻela lāua i ka leo o Iēhova ke Akua, e holoholo ana ma ka mahina ʻai i ka wā malu o ka lā; peʻe ihola ʻo ʻAdamu me kāna wahine ma waena o nā lāʻau o ua mahina ʻai lā, mai ke alo aku o Iēhova ke Akua.

KA BUKE MUA A MOSE, I KAPA ʻIA KINOHI 4:16

¶ Hele akula ʻo Kaina mai ke alo aku o Iēhova, a noho ihola ma ka ʻāina ʻo Noda, ma ka hikina o ʻEdena.

KA BUKE MUA NO NĀ ALIʻI 19:3

A ʻike ʻo ia, kū aʻela ia i luna, a holo no kona ola, a hiki i Beʻereseba no Iuda, a haʻalele i kāna kauā ma laila.

KA BUKE MUA NO NĀ ALIʻI 19:9

¶ Hiki akula ia i laila i ke ana, noho aʻela hoʻi i laila; aia hoʻi ka ʻōlelo a Iēhova iā ia, ʻī maila hoʻi ʻo ia iā ia, “He aha lā kāu e hana nei ma ʻaneʻi, e ʻElia?”

KA BUKE ʻALUA O KA ʻOIHANA ALIʻI 2:15

“ʻĀnō, e hāʻawi mai ʻoe na kāu mau kauā, i ka palaoa, a me ka bale, a me ka ʻaila, a me ka waina, i ka mea a kuʻu haku i ʻōlelo mai ai.

KA BUKE ʻALUA O KA ʻOIHANA ALIʻI 2:16

“A e kālai mākou i na lāʻau ma waena o Lebanona e like me kou makemake, a e hōʻau ʻia aku ia i ou lā ma nā holopapa a hiki i ke awa ʻo Iopa, a nāu nō e lawe aku ia i Ierusalema.”

KA BUKE ʻALUA O KA ʻOIHANA ALIʻI 9:21

No ka mea, holo nā moku o ke aliʻi ma Taresisa me nā kauā a Hurama, hoʻokahi kū ʻana o nā moku o Taresisa i nā makahiki ʻekolu, e lawe mai ana i ke gula, a me ke kālā a me nā niho ʻelepani, a me nā keko a me nā pīkaka.

KA BUKE A ʻEZERA 3:7

A hāʻawi akula lākou i ke kālā no ka poʻe kālai pōhaku, a no ka poʻe paʻahana; a me ka ʻai hoʻi, a me ka mea inu, a me ka ʻaila na ko Zidona, a na ko Turo, i lawe mai lākou i nā lāʻau kedara mai Lebanona mai a ke kai o Iopa, e like me ka mea a Kuro ke aliʻi o Peresia i ʻae mai ai iā lākou.

KA BUKE NO IOBA 1:12

ʻŌlelo maila ʻo Iēhova iā Sātana, “Aia hoʻi, i loko o kou lima kāna mau mea a pau; akā, ma luna ona mai kau aku ʻoe i kou lima.” A hele akula ʻo Sātana mai ke alo aku o Iēhova.

KA BUKE NO IOBA 2:7

¶ A hele akula ʻo Sātana mai ke alo aku o Iēhova, a hahau akula ʻo ia iā Ioba i nā maʻi heheʻe ʻehaʻeha, mai ka poho o kona wāwae a kona piko poʻo.

KA BUKE O NĀ HALELŪ 107:23

¶ ʻO ka poʻe iho i lalo i ka moana, ma nā moku, A hana i ka hana ma nā moana nui;

KA WĀNANA A ʻISAIA 2:16

Ma luna o nā moku a pau o Taresisa, A me nā mea milimili a pau i mahalo ʻia.

KA WĀNANA A ʻISAIA 23:1

¶ Ka wānana no Turo. E ʻaoa ʻoukou, e nā moku o Taresisa, No ka mea, ua ʻānai ʻia ʻo ia, ʻaʻohe hale, ʻaʻole wahi e komo ai; Ua haʻi ʻia mai iā lākou, mai ka ʻāina ʻo Kitima mai.

KA WĀNANA A ʻISAIA 23:10

E hele ʻoe ma luna o kou ʻāina e like me ka waikahe, E ke kaikamahine o Taresisa, ʻaʻole kāʻei i koe.

KA WĀNANA A ʻISAIA 23:6

E hele aʻe ʻoukou i Taresisa, E ʻaoa ʻoukou, e ka poʻe noho ma kahakai.

KA WĀNANA A ʻISAIA 60:9

“He ʻoiaʻiʻo nō, e kakali ko nā ʻāina iaʻu, A ʻo nā moku o Taresisa nā mea mua, E lawe mai i kāu mau keiki kāne, mai kahi mamao aku, I ko lākou kālā, a me ko lākou gula pū me lākou, No ka inoa ʻo Iēhova, ʻo kou Akua, A no ka Mea Hemolele o kā ʻIseraʻela, No ka mea, ua hoʻonani mai ʻo ia iā ʻoe.

KA WĀNANA A IEREMIA 10:9

Ua lawe ʻia mai nā papa kālā, Mai Taresisa mai, A ʻo ke gula hoʻi, mai ʻUpaza mai, Ka hana a ka paʻahana, A ka lima hoʻi o ka mea hoʻoheheʻe kālā. He poni uliuli, a he poni ʻulaʻula ko lākou lole; ʻO ka hana hoʻi a ka poʻe akamai o ia mau mea a pau.

KA WĀNANA A ʻEZEKIʻELA 2:8

¶ “Akā ʻo ʻoe, e ke keiki a ke kanaka, e hoʻolohe mai i ka mea aʻu e ʻōlelo aku ai iā ʻoe; mai noho a kipi ʻoe e like me kēlā ʻohana kipi, e ʻoaka kou waha a e ʻai i ka mea aʻu e hāʻawi aku ai iā ʻoe.”

KA WĀNANA A ʻEZEKIʻELA 27:12

¶ “A lilo ʻo Taresisa i mea kālepa no ka nui loa o kēlā waiwai kēia waiwai; me ke kālā, ka hao, ke tina, ke kēpau pōkā, i kūʻai ai lākou ma kou mau wahi kūʻai.

KA WĀNANA A ʻEZEKIʻELA 3:14

Kaʻikaʻi aʻela hoʻi ka ʻUhane iaʻu, a lawe aku iaʻu, a hele au me ke kaumaha loa a me ka wela o koʻu ʻuhane; akā, ua kau ikaika mai ka lima o Iēhova ma luna iho oʻu.

IONA 1:10

¶ A laila, makaʻu ihola nā kānaka i ka makaʻu nui, a ʻī akula iā ia, “No ke aha lā ʻoe i hana mai ai i kēia?” No ka mea, ua ʻike nā kānaka, ua holo ia mai ke alo aku o Iēhova; no ka mea, ua haʻi mai kēlā iā lākou.

IONA 4:2

A pule akula nō ia iā Iēhova, ʻī akula, “Ke noi aku nei au iā ʻoe, e Iēhova, ʻaʻole anei kēia kuʻu ʻōlelo, i kuʻu noho ʻana ma koʻu ʻāina? No laila i holo aku ai au ma mua i Taresisa; no ka mea, ua ʻike nō au he Akua ahonui ʻoe, a me ke aloha, e hākālia ana i ka huhū, a he lokomaikaʻi nui, a me ka haʻalele i ka manaʻo hoʻopaʻi.

KA ʻEUANELIO I KĀKAU ʻIA AI E LUKA 9:62

ʻĪ maila ʻo Iesū iā ia, “ʻO ke kanaka i lālau kona lima i ka ʻōʻō palau, a nānā aku i hope, ʻaʻole ia e pono no ke aupuni o ke Akua.”

NĀ ʻOIHANA A KA POʻE LUNAʻŌLELO 15:38

ʻAʻole naʻe i makemake ʻo Paulo, e lawe pū i ka mea i haʻalele mai iā lāua ma Pamepulia, a hele pū ʻole aku me lāua i ka hana.

NĀ ʻOIHANA A KA POʻE LUNAʻŌLELO 26:19

“No laila, e ke aliʻi, e ʻAgeripa ē, ʻaʻole au i hōʻole aku ia hoʻākakū, mai ka lani mai.

NĀ ʻOIHANA A KA POʻE LUNAʻŌLELO 9:36

¶ Aia ma Iope kekahi haumāna wahine, ʻo Tabita ka inoa, ma ka hoʻohālike ʻana hoʻi, ua ʻī ʻia ʻo Doreka, ua nui nā hana maikaʻi, a me nā manawaleʻa āna i hana ai.

NĀ ʻOIHANA A KA POʻE LUNAʻŌLELO 9:38

Ua kokoke nō ʻo Luda ma Iope, a lohe aʻela nā haumāna i ko Petero hiki ʻana ma laila, hoʻouna akula lākou i ʻelua kānaka iā ia, nonoi akula lāua, “ʻAʻole e hoʻokaʻulua i kona hele ʻana i o lākou lā.”

NĀ ʻOIHANA A KA POʻE LUNAʻŌLELO 9:42

A ʻikea aʻela ia mea ma Iope a pau; a nui nā mea i manaʻoʻiʻo aku i ka Haku.

NĀ ʻOIHANA A KA POʻE LUNAʻŌLELO 9:43

A noho ihola ia ma Iope i kekahi mau lā, me Simona ka hana ʻili.

ʻO KA ʻEPISETOLE MUA A PAULO KA LUNAʻŌLELO I KO KORINETO 9:16

A inā i haʻi aku au i ka ʻeuanelio, ʻaʻole i loaʻa iaʻu ka mea e kaena ai; no ka mea, ua kau ʻia mai kēia hana ma luna oʻu; auē hoʻi au, ke haʻi ʻole aku au i ka ʻeuanelio.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:9

ʻO lākou ke hoʻopaʻi ʻia ʻana i ka make mau loa, mai ke alo mai o ka Haku a me kona mana nani;

KA BUKE A IOSUA 19:46

ʻo Me Iarekona, a me Rakona, a me ka mokuna i mua o Iopa.