HOSEA 9:1 - Ka Baibala Hemolele

¹ ¶ Mai hauʻoli, e kā ʻIseraʻela, me ka ʻoliʻoli, e like me nā lāhui kanaka; No ka mea, ua hele moekolohe aku ʻoe mai kou Akua aku, Ua makemake aku ʻoe i nā makana ma nā kahua hehi palaoa a pau.

HOSEA 9:1 Iomraidhean Croise

KA BUKE O NĀ HALELŪ 73:27

No ka mea, aia hoʻi, ʻo ka poʻe mamao ʻē iā ʻoe, e make lākou; E luku mai hoʻi ʻoe i ka poʻe a pau e hele moekolohe ʻana mai ou aku lā.

KA WĀNANA A ʻISAIA 17:11

I ka lā o kou kanu ʻana hoʻopaʻa nō ʻoe ia i ka pā, A i ke kakahiaka nō ʻoe i hoʻoulu i kāu hua; Akā, e lawe ʻia ka puʻu ʻai i ka lā o ka loaʻa ʻana, ʻAʻole e ʻole ke kaumaha.

KA WĀNANA A IEREMIA 2:19

“Na kou hewa iho nō e paʻipaʻi iā ʻoe, A na kou mau lawehala e aʻo mai iā ʻoe. E ʻike hoʻi ʻoe, a e hoʻomaopopo, he mea ʻino, A he mea walania hoʻi kou haʻalele ʻana iā Iēhova, i kou Akua, A me ka noho ʻole ʻana o ka makaʻu iaʻu i loko ou,” Wahi a Iēhova, ka Haku o nā kaua.

KA WĀNANA A IEREMIA 2:20

¶ “No ka mea, mai kahiko loa mai, ua uhaki au i kou ʻauamo, a ua moku hoʻi iaʻu kou mau kaula i paʻa ai; A ʻōlelo ihola ʻoe, ‘ʻAʻole au e noho i kauā,’ ʻOiai, ua kūlou ʻoe ma luna o nā puʻu kiʻekiʻe a pau, a ma lalo hoʻi o nā lāʻau uliuli a pau, A ua moekolohe hoʻi ʻoe.

KA WĀNANA A IEREMIA 44:17

“Akā, ʻoiaʻiʻo nō, e hana mākou i nā mea a pau i puka aku, mai ko mākou waha aku, e puhi i ka mea ʻala no ke aliʻi wahine o ka lani, a e ninini hoʻi i nā mōhai inu iā ia, me mākou i hana ai, ʻo mākou a me ko mākou poʻe mākua, a me ko mākou poʻe aliʻi, a me ko mākou poʻe luna, ma nā kūlanakauhale o kā Iuda, a ma nā alanui o Ierusalema; no ka mea, ia manawa he nui kā mākou ʻai, ʻaʻole hoʻi o mākou maʻi, ʻaʻole mākou i ʻike i ka ʻino.

KE KANIKAU A IEREMIA 4:21

E ʻoliʻoli, a e hauʻoli hoʻi, e ke kaikamahine o ʻEdoma, Ka mea e noho lā ma ka ʻāina ʻo ʻUza; E hiki aku nō ke kīʻaha i ou lā, E inu ana nō hoʻi ʻoe, a e hemo nō kou lole.

KA WĀNANA A ʻEZEKIʻELA 16:15

¶ “Akā, hilinaʻi ihola ʻoe i kou nani iho, a ua moekolohe ʻoe no kou kaulana, a ninini aku ʻoe i kou moekolohe ʻana ma luna o kēlā mea kēia mea e māʻalo aʻe ana; nona nō ia.

KA WĀNANA A ʻEZEKIʻELA 16:30

¶ “Pehea ka nāwaliwali o kou naʻau?” wahi a Iēhova ka Haku, “i kāu hana ʻana ia mau mea, i ka hana a ka wahine moekolohe hilahila ʻole.

KA WĀNANA A ʻEZEKIʻELA 20:32

“A ʻo ka mea i kupu i loko o ko ʻoukou naʻau, ʻaʻole loa ia, i kā ʻoukou ʻōlelo ʻana, ‘E like kākou me nā lāhui kanaka, e like me nā ʻohana o nā ʻāina i ka hoʻomana i ka lāʻau a me ka pōhaku.’

KA WĀNANA A ʻEZEKIʻELA 21:10

‘Ua hoʻokala ʻia i luku nui aku ia; A ua hoʻohuali ʻia ia e ʻōlinolino ia’; He pono nō anei iā kākou ke hana leʻaleʻa? Ua hoʻowahāwahā nō ke koʻokoʻo o kaʻu keiki I nā kumu lāʻau a pau.

HOSEA 10:5

E makaʻu auaneʻi nā kānaka o Samaria no nā keiki bipi o Beta ʻAvena; No ka mea, e auē auaneʻi kona poʻe kānaka no ia mea; A e haʻalulu nā kāhuna no kona nani; No ka mea, ua nalowale ia.

HOSEA 2:12

“A e luku aku au i kona mau kumu waina, a me kona mau lāʻau fiku, i nā mea āna i ʻī mai ai, ‘ʻO ia kaʻu uku, ʻo koʻu mau ipo i hāʻawi mai ai iaʻu’; A e hoʻolilo au ia mau mea i ulu lāʻau, A e ʻai iho nā holoholona ia mau mea.

HOSEA 4:12

Ke nīnau nei kuʻu poʻe kānaka i ko lākou kiʻi lāʻau, A ua hōʻike mai ko lākou koʻokoʻo iā lākou; No ka mea, ua hoʻoʻauana ka naʻau moekolohe iā lākou; Ua hele moekolohe lākou mai lalo aʻe o ko lākou Akua.

HOSEA 5:4

ʻAʻole lākou i hoʻolilo i ko lākou manaʻo e huli hou i ko lākou Akua; No ka mea, he naʻau moekolohe i waena o lākou, ʻAʻole lākou i ʻike iā Iēhova.

HOSEA 5:7

Ua hana hoʻopunipuni akula lākou iā Iēhova; No ka mea, ua hoʻohānau lākou i nā keiki ʻē; ʻĀnō e hoʻopau ʻia auaneʻi lākou i ka malama hoʻokahi, a me ko lākou waiwai.

ʻAMOSA 3:2

“ʻO ʻoukou wale nō kaʻu i ʻike ai, ma mua o nā ʻohana a pau o ka honua; No ia mea, e hoʻopaʻi aku ai au iā ʻoukou no ko ʻoukou hewa a pau.”

ʻAMOSA 4:5

“A e puhi i ka berena hū i mōhai aloha, A e hōʻike aku i nā mōhai aloha i lohe; No ka mea, ʻo kā ʻoukou makemake nō ia, e nā mamo a ʻIseraʻela,” wahi a Iēhova ka Haku.

ʻAMOSA 6:13

E ʻoukou, ka poʻe e ʻoliʻoli ana i ka mea ʻole, Ka poʻe e ʻōlelo, “ʻAʻole anei kākou i lawe no kākou i nā pepeiaohao ma ko kākou ikaika?”

ʻAMOSA 8:10

“A e hoʻolilo au i kā ʻoukou mau ʻahaʻaina i auē ʻana, A i ko ʻoukou mau mele i kanikau ʻana; A e lawe mai au i ke kapa ʻino ma luna o nā pūhaka a pau, A me ka ʻōhule ma luna o nā poʻo a pau; A e hoʻohālike au ia mea me ka auē ʻana no ke keiki kama kahi, A i ka hope o ia mea e like me ka lā ʻawaʻawa.

ʻO KA ʻEPISETOLE HOʻOLAHA A IAKOBO 4:16

ʻĀnō lā, ua leʻaleʻa ʻoukou i ko ʻoukou kaena ʻana; a ʻo ia leʻaleʻa a pau ua hewa ia.

ʻO KA ʻEPISETOLE HOʻOLAHA A IAKOBO 5:1

¶ E hele ʻoukou, e ka poʻe waiwai, e uē ʻoukou me ka ʻaoa aku no nā ʻehaʻeha e kau mai ana ma luna o ʻoukou.