HOSEA 8:8 - Ka Baibala Hemolele

⁸ ¶ Ua hoʻopau ʻia kā ʻIseraʻela; A e like auaneʻi lākou i waena o ko nā ʻāina ʻē, me he ipu lā i makemake ʻole ʻia.

HOSEA 8:8 Iomraidhean Croise

KA BUKE ʻALUA NO NĀ ALIʻI 18:11

A lawe pio akula ke aliʻi o ʻAsuria i kā ʻIseraʻela, a hoʻonoho iā lākou ma Hala, a ma Habora ma ka Muliwai o Gozana, a ma nā kūlanakauhale o ko Media.

KA WĀNANA A ʻISAIA 30:14

“E nahā nō ia e like me ka nahā ʻana o ka ipu lepo o nā potera, E nāhāhā ʻiʻo nō, ʻaʻole ia e aloha mai; Ma loko o nā mea nahā, ʻaʻole e loaʻa kekahi ʻāpana, E lawe ai i ke ahi ʻenaʻena, A e huki hoʻi i ka wai o ka luawai.”

KA WĀNANA A IEREMIA 22:28

“ʻO kēia kanaka, ʻo Konia, he kiʻi anei ʻo ia i hoʻowahāwahā ʻia, a nahā nō hoʻi? He ipu anei i makemake ʻole ʻia? No ke aha lākou i kipaku ʻia aku ai, ʻo ia, a me kāna hua, A ua hoʻolei ʻia i loko o ka ʻāina a lākou i ʻike ʻole ai?

KA WĀNANA A IEREMIA 25:34

“E ʻaoa ʻoukou, e nā kahu hipa, a e uē aku; A e kāpī iā ʻoukou iho i ka lehu, E ka poʻe mālama hipa; No ka mea, ua lawa ko ʻoukou mau lā o ka pepehi, a me ka hoʻopuehu, A e hāʻule nō ʻoukou, e like me ke kīʻaha maikaʻi.

KA WĀNANA A IEREMIA 48:38

“He uē nui ʻana ma luna o nā hale a pau o Moaba, a ma kona mau alanui nō hoʻi; no ka mea, ua wāwahi au iā Moaba,” wahi a Iēhova, “me he ipu lā i makemake ʻole ʻia.

KA WĀNANA A IEREMIA 50:17

¶ “He poʻe hipa puehu ʻo kā ʻIseraʻela, ua kipaku nā liona iā ia; ʻo ke aliʻi o ʻAsuria kai ʻai mua iā ia; a ma hope na kēia Nebukaneza, ke aliʻi o Babulona i uhaʻi i kona mau iwi.”

KA WĀNANA A IEREMIA 51:34

¶ “Ua ʻai mai ʻo Nebukaneza ke aliʻi o Babulona iaʻu, A ua hoʻōki loa mai iaʻu, Ua hoʻolilo mai ʻo ia iaʻu i ipu mea ʻole i loko, Ua moni mai ʻo ia iaʻu, e like me ka moʻo nui, Ua hoʻopiha ʻo ia i kona ʻōpū i kaʻu mea maikaʻi, Ua kipaku mai ʻo ia iaʻu.

KE KANIKAU A IEREMIA 2:16

Ua ʻoaka aʻela kou poʻe ʻenemi a pau i ko lākou waha iā ʻoe, Hoʻowahāwahā lākou, a kuʻi nā niho; ʻĪ maila lākou, “Ua moni kākou iā ia; ʻOiaʻiʻo, eia ka lā a kākou i makemake ai, Ua loaʻa iā kākou, ua ʻike kākou.”

KE KANIKAU A IEREMIA 2:2

Ua moni aloha ʻole ka Haku i nā wahi noho a pau o kā Iakoba, I ka hanini ʻana o kona huhū; Ua hoʻohiolo ʻo ia i nā pā kaua o ke kaikamahine o Iuda, Ua hoʻohaʻahaʻa ʻo ia iā ia i lalo i ka lepo; Ua hoʻohaumia ʻo ia i ke aupuni, a me kona mau aliʻi.

KE KANIKAU A IEREMIA 2:5

Ua like ka Haku me ka ʻenemi; Ua moni ʻo ia i kā ʻIseraʻela, Ua moni ʻo ia i kona mau hale aliʻi a pau, Ua hoʻopau hoʻi i kona mau pā kaua, Ua hoʻonui ʻo ia i ke kūmākena, a me ke kaniʻuhū ʻana ma loko o ke kaikamahine o Iuda.

KE KANIKAU A IEREMIA 4:2

ʻO nā keiki nani o Ziona i kau pū ʻia me ke gula maikaʻi, Nani ko lākou manaʻo like ia me nā ipu lepo, Ka hana a nā lima o ka potera!

KE KANIKAU A IEREMIA 5:2

Ua huli ko mākou ʻāina hoʻoili i nā malihini, ʻO ko mākou mau hale hoʻi i nā kānaka ʻē.

KA WĀNANA A ʻEZEKIʻELA 36:3

no laila, e wānana, a e ʻōlelo aku, ‘Ke ʻī mai nei Iēhova ka Haku, penei, “No ko lākou hoʻoneoneo ʻana iā ʻoukou, a ua moni iho lākou iā ʻoukou ma kēlā ʻaoʻao kēia ʻaoʻao, i lilo ʻoukou i waiwai no ke koena o nā lāhui kanaka, a ua lawe ʻia ma nā lehelehe o nā mea kamaʻilio, a ua lilo i mea hōʻino ʻia e kānaka.”’”

KA BUKE ʻAKOLU A MOSE, I KAPA ʻIA ʻOIHANA KAHUNA 26:33

‘A e hoʻoleilei aku au iā ʻoukou i waena o nā lāhui kanaka, a e unuhi aʻe au i ka pahi kaua ma hope o ʻoukou; a e neoneo aʻe ko ʻoukou ʻāina, a e noho ʻole ʻia ko ʻoukou mau kūlanakauhale.

ʻO KA ʻEPISETOLE A PAULO KA LUNAʻŌLELO I KO ROMA 9:22

He aha hoʻi, inā, e manaʻo ana ke Akua, e hoʻomaopopo i kona huhū, a e hōʻike hoʻi i kona mana, ua hoʻomanawanui mai ia me ke ahonui loa i nā ipu e huhū ʻia i hoʻomākaukau ʻia no ka luku?

KA BUKE ʻALIMA A MOSE, I KAPA ʻIA KĀNĀWAI LUA 28:25

“A e hoʻolilo ʻo Iēhova iā ʻoe i ka pepehi ʻia i mua o kou poʻe ʻenemi; ma ke ala hoʻokahi ʻoe e hele kūʻē aku iā lākou, a ma nā ala ʻehiku ʻoe e heʻe aku ai i mua o lākou, a e puehu liʻiliʻi iā ʻoe ma nā aupuni a pau o ka honua.

KA BUKE ʻALIMA A MOSE, I KAPA ʻIA KĀNĀWAI LUA 28:64

“A e hoʻopuehu aku ʻo Iēhova iā ʻoe ma waena o nā kānaka a pau mai kēlā ʻaoʻao o ka honua, a hiki i kēia ʻaoʻao o ka honua; a ma laila ʻoe e mālama ai i nā akua ʻē, i ka lāʻau a me ka pōhaku, āu i ʻike ʻole ai, ʻaʻole hoʻi kou mau mākua.