HOSEA 8:6 - Ka Baibala Hemolele

⁶ No ka mea, na kā ʻIseraʻela kēia mea; Na ka paʻahana nō ia i hana; ʻAʻole ia he akua; No ka mea, e haki liʻiliʻi ʻia ke keiki bipi o Samaria.

HOSEA 8:6 Iomraidhean Croise

KA BUKE ʻALUA NO NĀ ALIʻI 23:15

¶ A ʻo ke kuahu hoʻi ma Betela, a ʻo ka heiau a Ieroboama i hana ai, a ke keiki a Nebata, nāna i hoʻolilo kā ʻIseraʻela i ka hewa, ʻo ua kuahu lā, a me ka heiau, ʻo ia kāna i wāwahi ai, a puhi aku i ka heiau, a kuʻi ihola a ʻaeʻae me he lepo lā, a puhi akula i nā kiʻi o ʻAseterota.

KA BUKE ʻALUA NO NĀ ALIʻI 23:19

A ʻo nā hale a pau o nā heiau ma nā kūlanakauhale o Samaria, nā mea a nā aliʻi o kā ʻIseraʻela i hana ai e hoʻonāukiuki aku, ʻo ia kā Iosia i lawe aku ai, a hana iā lākou e like me nā hana a pau āna i hana aku ai ma Betela.

KA BUKE ʻALUA O KA ʻOIHANA ALIʻI 13:8

“ʻĀnō, ke manaʻo nei ʻoukou e hoʻoikaika kūʻē mai i ke aupuni o Iēhova aia ma ka lima o nā keiki a Dāvida; ʻo ʻoukou ka poʻe koa nui loa, a me ʻoukou pū nā bipi keiki gula a Ieroboama i hana ai, i mau akua no ʻoukou.

KA BUKE ʻALUA O KA ʻOIHANA ALIʻI 31:1

¶ A pau aʻela kēia mau mea a pau, hele i waho kā ʻIseraʻela a pau i hoʻākoakoa ʻia ma nā kūlanakauhale o kā Iuda, a kuʻi palu ihola i nā kiʻi, a ʻoki liʻiliʻi i nā kiʻi no ʻAsetarota, a wāwahi i nā wahi kiʻekiʻe, a me nā kuahu ma Iuda a pau, a me Beniamina, a me ʻEperaima nō hoʻi, a me Manase, a pau aʻela ia mau mea. A laila, hoʻi nā mamo a ʻIseraʻela a pau, kēlā kanaka kēia kanaka i kona ʻāina hoʻoili, i ko lākou mau kūlanakauhale iho.

KA WĀNANA A IEREMIA 10:14

Me he holoholona lā kēlā kanaka, kēia kanaka ma ka ʻike; Hilahila hoʻi nā mea hoʻoheheʻe kālā a pau no ke akua kiʻi; No ka mea, he mea wahaheʻe kona kiʻi i hoʻoheheʻe ʻia, ʻAʻohe hanu i loko o lākou.

KA WĀNANA A IEREMIA 48:13

“A e hilahila auaneʻi ʻo Moaba iā Kemosa, e like me kā ʻIseraʻela i hilahila iā Betela, i ko lākou mea i hilinaʻi ai.

KA WĀNANA A IEREMIA 50:2

“E haʻi aku ʻoukou i waena o nā lāhui kanaka, A kala aku hoʻi, e kau i ka hae; E kala aku, mai hūnā, e ʻī aku hoʻi, ‘Ua hoʻopio ʻia ʻo Babulona, ua hoʻohilahila ʻia ʻo Bela, Ua uhaʻi ʻia ʻo Merodaka, ua hoʻohilahila ʻia kona mau akua wahaheʻe, Ua uhaʻi ʻia kona mau kiʻi.’

HOSEA 10:2

Ua kānalua ko lākou naʻau; ʻĀnō e hoʻopaʻi ʻia lākou; E hoʻohiolo nō ia i ko lākou kuahu, E hoʻopau nō ia i ko lākou mau kiʻi.

HOSEA 13:2

ʻĀnō, hoʻomāhuahua lākou i ka hewa, A hana lākou no lākou i kiʻi hoʻoheheʻe ʻia no ko lākou kālā, I kiʻi ma ko lākou manaʻo, ʻo nā hana a nā paʻahana wale nō; Ke ʻōlelo nei ka poʻe e kaumaha ana, “E honi lākou i nā keiki bipi.”

HOSEA 14:3

“ʻAʻole e hoʻōla ko ʻAsuria iā mākou; ʻAʻole mākou e holo ma luna o ka lio; ʻAʻole hoʻi mākou e ʻōlelo hou aku i ka hana a ko mākou mau lima, ‘ʻO ʻoe ko mākou Akua’; No ka mea, ma ou lā e loaʻa ai i ka poʻe mākua ʻole ka lokomaikaʻi.”

MIKA 1:7

“A e ʻulupā ʻia kona mau kiʻi kālai a pau, A ʻo kona waiwai moekolohe e puhi ʻia i ke ahi, A e luku aku au i kona mau kiʻi a pau; No ka mea, ua loaʻa iā ia ua mea lā no ka uku o ka wahine moekolohe, A e hoʻihoʻi ʻia aku ia i ka uku o ka wahine moekolohe.”

HABAKUKA 2:18

¶ “He aha ka pono o ke kiʻi, i ka manawa i kālai ʻia ʻo ia e ka mea nāna ia i hana? A ʻo ke kiʻi hoʻoheheʻe ʻia, a me ka mea aʻo i ka wahaheʻe? A ʻo ka mea nāna i hana i kona kiʻi, ua hilinaʻi ia ma luna ona, Ma ka hana ʻana i akua lapuwale.

NĀ ʻOIHANA A KA POʻE LUNAʻŌLELO 17:29

“Inā he poʻe keiki kākou na ke Akua, ʻaʻole pono iā kākou ke manaʻo i ko ke Akua ʻAno, ua like ia me ke gula, a me ke kālā, a me ka pōhaku i kālai ʻia ma ke akamai a me ka noʻonoʻo o kānaka.

NĀ ʻOIHANA A KA POʻE LUNAʻŌLELO 19:26

“Ua ʻike nō hoʻi ʻoukou, a ua lohe, ʻaʻole ma ʻEpeso wale nō; akā, ma ʻĀsia a pau, ʻo Paulo nei i hoʻoikaika aku ai a i hoʻohuli i kānaka, he nui loa, me ka ʻī ʻana aʻe, ʻaʻohe akua nā mea i hana ʻia e nā lima.