HOSEA 8:12 - Ka Baibala Hemolele

¹² Ua kākau aku au nona i nā mea nui o kuʻu kānāwai, Akā, ua manaʻo ʻia ua mau mea lā, me he mea ʻē lā.

HOSEA 8:12 Iomraidhean Croise

KA BUKE A NEHEMIA 9:26

¶ “Akā, kūʻē akula lākou A kipi aku iā ʻoe, A kāpae hoʻi i kou kānāwai ma ko lākou kua, Luku ihola lākou i kāu poʻe kāula, ka poʻe i aʻo pinepine aku iā lākou E hoʻohuli iā lākou i ou lā, A hana ihola lākou i nā mea hoʻonāukiuki loa.

KA BUKE O NĀ HALELŪ 119:18

E hoʻokaʻakaʻa mai ʻoe i koʻu mau maka, A laila, e ʻike aku au i nā mea kupanaha no loko mai o kou mau kānāwai.

KA BUKE O NĀ HALELŪ 50:17

“No ka mea, he hoʻowahāwahā kou i ke aʻo ʻia ʻana; A ke kiola nei ʻoe i kaʻu ʻōlelo ma hope aku ou.

NĀ ʻŌLELO AKAMAI A SOLOMONA 22:20

ʻAʻole anei i palapala aku au iā ʻoe i nā maikaʻi, Ma nā ʻōlelo aʻo a me ka ʻike?

KA WĀNANA A ʻISAIA 30:9

No ka mea, he poʻe kānaka kipi kēia, He poʻe keiki wahaheʻe, He poʻe kamaliʻi hoʻolohe ʻole i ke kānāwai o Iēhova;

KA WĀNANA A ʻEZEKIʻELA 20:11

“Hāʻawi akula hoʻi au i kaʻu mau kauoha iā lākou, a hōʻike akula hoʻi au i koʻu mau kānāwai iā lākou, ʻo nā mea ke mālama ʻia e ke kanaka, e ola ia i laila.

HOSEA 4:6

Ua luku ʻia koʻu poʻe kānaka no ka ʻike ʻole; No ka mea, ua hoʻowahāwahā ʻoe i ka ʻike, E hoʻowahāwahā aku hoʻi au iā ʻoe, ʻAʻole ʻoe e mālama i ka ʻoihana kahuna naʻu: A no kou hoʻopoina ʻana i ke kānāwai o kou Akua, ʻO wau hoʻi kekahi e hoʻopoina i kāu poʻe keiki.

ʻO KA ʻEPISETOLE A PAULO KA LUNAʻŌLELO I KO ROMA 3:1

¶ No ia hoʻi, he aha anei ka mea e ʻoi aku ai kā Iudaio? He aha hoʻi ka pōmaikaʻi o ke ʻoki poepoe ʻana?

ʻO KA ʻEPISETOLE A PAULO KA LUNAʻŌLELO I KO ROMA 7:12

No laila, ua hemolele ke Kānāwai, a ua hemolele hoʻi, ua pono, ua maikaʻi ke kauoha.