HOSEA 8:1 - Ka Baibala Hemolele

¹ ¶ E kau i ka pū ma kou waha, Me he ʻaeto lā e hele kūʻē mai i ka hale o Iēhova; No ka mea, ua haʻi iā lākou kuʻu berita, A ua ʻae lākou ma luna o koʻu kānāwai.

HOSEA 8:1 Iomraidhean Croise

KA BUKE ʻALUA NO NĀ ALIʻI 18:27

ʻĪ maila ʻo Rabesake iā lākou, “Ua hoʻouna mai anei kuʻu haku iaʻu e ʻōlelo aku i kēia mau ʻōlelo i kou haku, a iā ʻoe wale nō? ʻAʻole anei i nā kānaka kekahi e noho ana ma luna o ka pā pōhaku, e ʻai pū ai lākou me ʻoukou i ko lākou lepo iho, a e inu hoʻi i ko lākou wai mimi?”

KA WĀNANA A ʻISAIA 18:3

E ka poʻe a pau e noho lā ma ka honua, A me nā mea a pau e noho ana ma ke ao nei, A hāpai ʻia ka hae ma nā mauna, e nānā ʻoukou, A kani ka pū, e hoʻolohe hoʻi.

KA WĀNANA A ʻISAIA 24:5

Ua hoʻohaumia ʻia ka ʻāina ma lalo o ka poʻe i noho; no ka mea, ua ʻae lākou ma luna o nā kānāwai, ua hoʻololi i nā ʻōlelo paʻa, ua uhaʻi lākou i ka berita mau loa.

KA WĀNANA A ʻISAIA 58:1

¶ “E kāhea nui aku, mai ʻuʻumi, E hoʻokiʻekiʻe i kou leo me he pū lā, E hōʻike i koʻu poʻe kānaka i ko lākou hewa, A i ko ka hale o Iakoba i ko lākou hala.

KA WĀNANA A IEREMIA 31:32

ʻaʻole e like ana me ka berita aʻu i hana aku ai me ko lākou poʻe mākua kāne, i ka lā aʻu i lālau aku ai iā lākou ma ka lima, e lawe iā lākou mai ka ʻāina ʻo ʻAigupita mai; ʻo ua berita lā aʻu kā lākou i uhaʻi ai, iaʻu i noho ai he kāne na lākou,” wahi a Iēhova.

KA WĀNANA A IEREMIA 34:18

‘A e hāʻawi nō wau i nā kānaka i lawehala i kaʻu berita, ʻo ka poʻe i hana ʻole ma nā ʻōlelo o ka berita a lākou i hana ai i mua oʻu, iā lākou i ʻoki aʻe i ke keiki hipa ma waena, a hele aʻe ma waena o kona mau ʻāpana.

KA WĀNANA A IEREMIA 4:13

“Aia hoʻi, e piʻi mai nō ia e like me nā ao, A e like auaneʻi kona mau kaʻa kaua me ka puahiohio; Ua ʻoi aku ka māmā o kona mau lio ma mua o ko nā ʻaeto. Auē kākou; no ka mea, ua ʻānai ʻia kākou!”

KA WĀNANA A IEREMIA 4:5

¶ E haʻi aku ʻoukou ma loko o kā Iuda, a e kala aku hoʻi ma Ierusalema; a e ʻī aku, “E puhi ʻoukou i ka pū ma ka ʻāina; E kala aku, e hoʻonui i ka leo, A e ʻī aku, ‘E hoʻākoakoa ʻoukou, A e komo aku kākou i loko o nā kūlanakauhale i paʻa i ka pā.’

KA WĀNANA A IEREMIA 48:40

No ka mea, ke ʻī mai nei ʻo Iēhova penei, “Aia hoʻi, e lele nō ʻo ia, me he ʻaeto lā, A e hohola aku i kona mau ʻēheu ma luna o Moaba.

KA WĀNANA A IEREMIA 49:22

Aia hoʻi, e piʻi mai nō ʻo ia, a e lele hoʻi e like me ka ʻaeto, a e hohola aku i kona mau ʻēheu ma luna o Bozera; a i kēlā lā, e like auaneʻi ka naʻau o ka poʻe ikaika o ʻEdoma me ka naʻau o ka wahine i kona nahu kuakoko ʻana.

KA WĀNANA A IEREMIA 51:27

¶ E kau ʻoukou i ka hae ma ka ʻāina, E puhi i ka pū i waena o ko nā ʻāina, E hoʻomākaukau i ko nā ʻāina, e kūʻē iā ia; E kēnā i nā aupuni o ʻArarata e kūʻē iā ia, Iā Mini, a me ʻAsekenaza; E hoʻonoho i ʻalihikaua e kūʻē iā ia; E hoʻouna i nā lio e like me nā ʻenuhe huluhulu.

KA WĀNANA A IEREMIA 6:1

¶ “E nā mamo a Beniamina, E hoʻākoakoa ʻoukou e holo aku ma waho o Ierusalema; A e puhi i ka pū ma Tekoa, A e kau hoʻi i ka hōʻailona o ke ahi ma Beta Hakerema. No ka mea, ʻaneʻane mai ka hewa, a me ka make nui, Mai ke kūkulu ʻākau mai.

KA WĀNANA A ʻEZEKIʻELA 11:4

“No laila e wānana kūʻē iā lākou, e wānana, e ke keiki a ke kanaka.”

KA WĀNANA A ʻEZEKIʻELA 16:59

No ka mea, ke ʻī mai nei Iēhova ka Haku, penei, “E hana aku au iā ʻoe e like me ka hana ʻana āu a ka mea hoʻowahāwahā i ka hoʻohiki ʻana, a i uhaʻi hoʻi i ka berita.

KA WĀNANA A ʻEZEKIʻELA 17:3

a e ʻōlelo aku hoʻi iā lākou, ‘Ke ʻī mai nei Iēhova ka Haku penei, “He ʻaeto nui, me nā ʻēheu nui loa, paʻapū i nā hulu ʻōniʻoniʻo, hele mai ia i Lebanona, a lawe ʻo ia i ka lālā kiʻekiʻe loa o ka lāʻau kedera.

KA WĀNANA A ʻEZEKIʻELA 7:14

¶ ‘E pupuhi ʻoukou i ka pū, e hoʻomākaukau ai i nā mea a pau; ʻaʻole naʻe he mea hele i ke kaua; no ka mea, ma luna o ko laila lehulehu ʻokoʻa kuʻu inaina.

HOSEA 4:6

Ua luku ʻia koʻu poʻe kānaka no ka ʻike ʻole; No ka mea, ua hoʻowahāwahā ʻoe i ka ʻike, E hoʻowahāwahā aku hoʻi au iā ʻoe, ʻAʻole ʻoe e mālama i ka ʻoihana kahuna naʻu: A no kou hoʻopoina ʻana i ke kānāwai o kou Akua, ʻO wau hoʻi kekahi e hoʻopoina i kāu poʻe keiki.

HOSEA 5:8

¶ E puhi ʻoukou i ka pū kani ma Gibea, I ka pū hoʻi ma Rama; E kāhea nui aku ma Beta ʻAvena ma hope ou, e Beniamina.

HOSEA 6:7

Akā, e like me kānaka, ua haʻi iā lākou ka berita; I laila ua hana hoʻopunipuni mai lākou iaʻu.

HOSEA 9:15

¶ ʻO ko lākou hewa a pau, aia ma Gilegala; No ka mea, ma laila au i inaina aku ai iā lākou; No ka hewa o kā lākou hana ʻana e kipaku aku ai au iā lākou mai koʻu hale aku, ʻAʻole au e aloha hou aku iā lākou; A ʻo ko lākou mau aliʻi, he poʻe kipi lākou!

IOʻELA 2:1

¶ E puhi ʻoukou i ka pū ma Ziona, A e hoʻokani i ka pū waikaua ma kuʻu mauna hoʻāno; E haʻalulu nā kānaka a pau o ka ʻāina; No ka mea, e hiki mai ana ka lā o Iēhova, ʻO ia hoʻi, ua kokoke mai.

IOʻELA 2:15

E puhi ʻoukou i ka pū ma Ziona, E hoʻolaʻa i ka hoʻokē ʻai ʻana, E kāhea aku i ka hālāwai.

ʻAMOSA 3:6

E puhi ʻia anei ka pū ma ke kūlanakauhale, a pīhoihoi ʻole nā kānaka? He ʻino anei ma loko o ke kūlanakauhale, ʻaʻole na Iēhova ia i hana?

ʻAMOSA 8:3

“A e lilo nā mele o ka hale aliʻi i auē ʻana ia lā,” wahi a Iēhova ka Haku. “A he nui auaneʻi nā kupapaʻu ma nā wahi a pau; a e hoʻolei malu aku iā lākou.”

ʻAMOSA 9:1

¶ ʻIke akula au iā Iēhova e kū ana ma luna o ke kuahu; a ʻī maila ia, “E hahau i ke poʻo o ke kia, i haʻalulu ai nā kumu kia; A e ʻoki iā lākou ma ke poʻo, iā lākou a pau; A e pepehi aku au i ke koena o lākou me ka pahi kaua; ʻO ka mea o lākou e holo ana, ʻaʻole ia e malu; A ʻo ka mea e pakele ana, ʻaʻole e pakele ʻiʻo.

HABAKUKA 1:8

“Ua ʻoi ka māmā o kona poʻe lio ma mua o ka leopadi, A ua ʻoi ko lākou māmā ma mua o nā ʻīlio hae i ke ahiahi; Holo haʻaheo kona poʻe holo lio, E hele mai kona poʻe hoʻoholo lio mai kahi lōʻihi mai; E lele lākou me he ʻaeto lā, e lalelale ana e ʻai.

ZEPANIA 1:16

He lā o ka pū kani a me ka hoʻokani ʻana, E kūʻē i nā kūlanakauhale i puni i ka pā, A ma nā hale kiaʻi kiʻekiʻe.

ZEKARIA 11:1

¶ E wehe aʻe i kou mau puka, e Lebanona, I ʻai aku ai ke ahi i kou mau kedera.

ZEKARIA 9:14

A e ʻikea auaneʻi ʻo Iēhova ma luna o lākou, A e lele aku kona pua e like me ka uila; A e hoʻokani ʻo Iēhova ka Haku i ka pū, A e hele aku nō ia i loko o nā makani ʻino o ke kūkulu hema.

KA ʻEUANELIO I KĀKAU ʻIA AI E MATAIO 24:28

“No ka mea, i kahi e waiho ai ka heana, i laila nō e ʻākoakoa ai nā ʻaeto.

ʻO KA ʻEPISETOLE MUA A PAULO KA LUNAʻŌLELO I KO KORINETO 15:52

ma ke sekona, ma ka ʻamo ʻana nō o ka maka, i ke kani ʻana o ka pū; no ka mea, e kani ʻiʻo nō ka pū, a e hoʻāla palahō ʻole ʻia mai ka poʻe make, a e ʻano hou ʻia mai kākou a pau.

KA BUKE ʻALIMA A MOSE, I KAPA ʻIA KĀNĀWAI LUA 28:49

¶ “E lawe mai auaneʻi ʻo Iēhova i lāhui kanaka e kūʻē iā ʻoe, mai kahi lōʻihi ʻē mai, mai ka palena o ka honua, e like me ka ʻaeto e lele ana; he lāhui kanaka, ʻaʻole ʻoe e lohe i kā lākou ʻōlelo;