HOSEA 7:8 - Ka Baibala Hemolele

⁸ ¶ ʻO ʻEperaima, ua hui pū ʻia me nā kānaka ʻē; ʻO ʻEperaima, he pōpō palaoa nō ia, ʻaʻole i huli ʻia.

HOSEA 7:8 Iomraidhean Croise

KA BUKE MUA NO NĀ ALIʻI 18:21

Hele maila hoʻi ʻo ʻElia i ka poʻe kānaka a pau, ʻī maila hoʻi, “Pehea lā ka lōʻihi o ko ʻoukou kāpekepeke ʻana i waena o nā manaʻo ʻelua? Inā ʻo Iēhova ke Akua, e hahai ʻoukou ma muli ona; akā, inā ʻo Baʻala, e hahai ma muli ona.” ʻAʻole ʻōlelo aku nā kānaka i kekahi ʻōlelo iā ia.

KA BUKE A ʻEZERA 9:1

¶ A pau kēia mau mea i ka hana ʻia, hele mai nā luna iaʻu, ʻī maila, “ʻO nā kānaka o kā ʻIseraʻela, a me nā kāhuna, a me nā Levi, ʻaʻole lākou i hoʻokaʻawale iā lākou iho mai nā kānaka o nā ʻāina aku, e hana ana nō e like me nā mea hoʻopailua o kā Kanaʻana, ʻo kā Heta, ʻo kā Pereza, ʻo kā Iebusa, ʻo kā ʻAmona, a me kā ʻAigupita, a me kā ʻAmora.

KA BUKE A ʻEZERA 9:12

‘No ia mea, mai hāʻawi aku ʻoukou i kā ʻoukou poʻe kaikamāhine na kā lākou mau keiki kāne, a mai lawe hoʻi i kā lākou mau kaikamāhine na kā ʻoukou poʻe keiki kāne, ʻaʻole hoʻi e ʻimi i ko lākou malu, a me ko lākou pono i nā manawa a pau; i ikaika ai ʻoukou, a ʻai hoʻi i ka maikaʻi o ka ʻāina, a e waiho aku ia i wahi e noho ai no kā ʻoukou poʻe keiki i ka manawa pau ʻole.’

KA BUKE O NĀ HALELŪ 106:35

Ua hui ʻia nō lākou me ko nā ʻāina ʻē, A aʻo mai lākou i kā lākou mau hana.

HOSEA 5:13

A ʻike ihola ʻo ʻEperaima i kona maʻi, a ʻo Iuda hoʻi i kona ʻeha, A laila, hele akula ʻo ʻEperaima i ʻAsuria, A hoʻouna akula i ke aliʻi kūʻē; ʻAʻole naʻe e hiki iā ia ke hoʻōla iā ʻoukou, ʻAʻole hoʻi e hoʻōla i ko ʻoukou ʻeha.

HOSEA 5:7

Ua hana hoʻopunipuni akula lākou iā Iēhova; No ka mea, ua hoʻohānau lākou i nā keiki ʻē; ʻĀnō e hoʻopau ʻia auaneʻi lākou i ka malama hoʻokahi, a me ko lākou waiwai.

HOSEA 7:9

Ua ʻai nā malihini i kona ikaika, ʻaʻole naʻe ia i ʻike; Ua kau mai nō hoʻi ke oho hina ma luna ona, ʻaʻole naʻe ia i ʻike.

HOSEA 9:3

ʻAʻole lākou e noho ma ka ʻāina o Iēhova; Akā, e hoʻi hou ʻo ʻEperaima i ʻAigupita; A e ʻai lākou i nā mea haumia ma ʻAsuria.

ZEPANIA 1:5

“A me ka poʻe hoʻomana i ka pūʻali o ka lani ma luna o nā hale; A me ka poʻe hoʻomana, a hoʻohiki hoʻi ma Iēhova, a ma ka hoʻohiki ma Malekama;

MALAKI 2:11

“Ua hana hoʻopunipuni kā Iuda, a ua hana ʻia ka mea haumia ma loko o kā ʻIseraʻela a me Ierusalema; no ka mea, ua hoʻohaumia kā Iuda i ka mea laʻa no Iēhova, i ka mea āna i aloha ai, a ua mare ʻo ia i ke kaikamahine a ke akua ʻē.

KA ʻEUANELIO I KĀKAU ʻIA AI E MATAIO 6:24

“ʻAʻole nō e hiki i ke kanaka ke mālama i nā haku ʻelua; no ka mea, e hoʻowahāwahā ia i kekahi, a e aloha aku hoʻi i kekahi; a i ʻole ia, e hoʻopili aku ia i kekahi me ka haʻalele i kekahi. ʻAʻole e hiki iā ʻoukou ke mālama pū i ke Akua a me ka mamona.