HOSEA 7:7 - Ka Baibala Hemolele

⁷ Ua wela lākou a pau e like me ka umu, Ua ʻai lākou i ko lākou mau luna kānāwai; Ua hāʻule ko lākou poʻe aliʻi a pau; ʻAʻohe mea e kāhea mai iaʻu i waena o lākou.

HOSEA 7:7 Iomraidhean Croise

KA BUKE MUA NO NĀ ALIʻI 15:28

I ke kolu o ka makahiki o ʻAsa ke aliʻi o Iuda i pepehi ai ʻo Baʻasa iā ia, a ua aliʻi aʻela ʻo ia ma kona hakahaka.

KA BUKE MUA NO NĀ ALIʻI 16:18

Eia hoʻi kekahi, i ka ʻike ʻana o Zimeri ua hoʻopio ʻia ke kūlanakauhale, komo aʻela ʻo ia i ke keʻena aliʻi o ko ke aliʻi hale, a puhi ihola i ka hale o ke aliʻi ma luna o kona poʻo iho, a make ihola,

KA BUKE MUA NO NĀ ALIʻI 16:22

Lanakila aʻela ka poʻe kānaka i hahai ma muli o ʻOmeri ma luna o ka poʻe kānaka i hahai ma muli o Tibeni ke keiki a Ginata, a make ʻo Tibeni, a aliʻi aʻela ʻo ʻOmeri.

KA BUKE ʻALUA NO NĀ ALIʻI 10:14

ʻĪ akula, “E hoʻopaʻa ola aku iā lākou”; a hoʻopaʻa ola akula nā kānaka iā lākou, a luku akula iā lākou ma ka luawai o ka hale hoʻopaʻa, he kanahākumamālua nā kānaka; ʻaʻole ia i hoʻokoe i kekahi o lākou.

KA BUKE ʻALUA NO NĀ ALIʻI 10:7

A hiki aku ka palapala i o lākou lā, lawe lākou i nā keiki a ke aliʻi, a pepehi ihola i nā mea he kanahiku, a waiho lākou i nā poʻo ma loko o nā hīnaʻi, a hoʻouna aku i ona lā ma Iezereʻela.

KA BUKE ʻALUA NO NĀ ALIʻI 15:10

A ʻo Saluma, ke keiki a Iabesa, kipi aʻela ʻo ia iā ia, a pepehi akula iā ia i mua o nā kānaka, a make ihola ia, a lilo ia i aliʻi ma kona hakahaka.

KA BUKE ʻALUA NO NĀ ALIʻI 15:14

No ka mea, piʻi aʻela ʻo Menahema, ke keiki a Gadi mai Tireza aku, a hele mai i Samaria, a pepehi akula iā Saluma ke keiki a Iabesa ma Samaria a make, a noho aliʻi ihola ia ma kona hakahaka.

KA BUKE ʻALUA NO NĀ ALIʻI 15:25

A ʻo Peka ke keiki a Remalia, he luna koa nona, kipi maila ʻo ia iā ia, a pepehi ihola iā ia ma Samaria i loko o kahi paʻa o ka hale aliʻi, a me ʻAregoba, a me ʻArie, a i nā kānaka he kanalima me ia no Gileada; a make ihola ia, a lilo kēlā i aliʻi ma kona hakahaka.

KA BUKE ʻALUA NO NĀ ALIʻI 15:30

A kipi aʻela ʻo Hosea, ke keiki a ʻEla, iā Peka, ke keiki a Remalia, a pepehi akula iā ia, a noho aliʻi ihola ia ma kona wahi, i ka makahiki iwakālua o Iotama, ke keiki a ʻUzia.

KA BUKE ʻALUA NO NĀ ALIʻI 9:24

A lawe ʻo Iehu i ke kīkoʻo ma kona lima, a pana akula iā Iorama ma waena o kona mau lima, a puka akula ka pua ma kona puʻuwai, a hāʻule ihola ia ma loko o kona hale kaʻa.

KA BUKE ʻALUA NO NĀ ALIʻI 9:33

ʻĪ akula ia, “E hoʻolei mai iā ia i lalo.” A hoʻolei ihola lākou iā ia i lalo, a heleleʻi iho kekahi o kona koko ma ka pā pōhaku, a ma luna o nā lio; a hehi ʻia ihola ia ma lalo o nā wāwae.

KA BUKE NO IOBA 36:13

“A ʻo ka poʻe ʻaiā ma ka naʻau, hōʻiliʻili lākou i ka inaina; ʻAʻole lākou e kāhea aku, i ka wā e hoʻopaʻa aku ai ʻo ia iā lākou.

KA BUKE O NĀ HALELŪ 14:4

¶ ʻAʻole anei i ʻike iki ka poʻe hana hewa a pau? Ka poʻe i pau ai koʻu poʻe kānaka i ka ʻai ʻia, E like me ko lākou ʻai ʻana i ka berena, ʻAʻole naʻe i kāhea i ka inoa ʻo Iēhova.

KA WĀNANA A ʻISAIA 43:22

¶ “Akā, ʻaʻole ʻoe i hea mai iaʻu, e kā Iakoba, Ua uluhua ʻoe iaʻu, e kā ʻIseraʻela.

KA WĀNANA A ʻISAIA 64:4

Mai ka wā kahiko loa mai, ʻaʻole i lohe lākou, ʻaʻole i komo i ka pepeiao, ʻAʻole hoʻi i ʻike aku ka maka i ke Akua ʻē aʻe, ke kaʻawale ʻoe, I hana pēlā i ka mea kakali iā ia.

KA WĀNANA A ʻISAIA 64:6

Akā, ua like nō mākou a pau me ka mea haumia, Ua like hoʻi ko mākou pono a pau me ke kapa peʻa; A mae wale nō hoʻi mākou a pau, e like me ka lau; A ua kaʻikaʻi aku nō ko mākou hewa iā mākou, e like me ka makani.

KA WĀNANA A ʻISAIA 64:7

ʻAʻohe mea i hea aku i kou inoa, A hoʻāla iā ia iho e hoʻoikaika aku ma ou lā; No ka mea, ua hūnā ʻoe i kou maka, mai o mākou aku, A ua hoʻomaʻule hoʻi iā mākou no ko mākou mau hewa.

KA WĀNANA A ʻISAIA 9:13

¶ ʻAʻole naʻe i hoʻi hou nā kānaka, I ka mea nāna lākou i hahau, ʻAʻole lākou i ʻimi iā Iēhova o nā kaua.

KA WĀNANA A ʻEZEKIʻELA 22:30

“ʻImi akula au i kahi kanaka i waena o lākou e hana hou i ka pā, a e kū ma kahi nahā i mua o koʻu alo no ka ʻāina, i ʻole au e luku aku iā ia; ʻaʻole hoʻi i loaʻa iaʻu.

KA BUKE NO DANIʻELA 9:13

“E like me ka mea i palapala ʻia ma ke kānāwai iā Mose, ua hiki mai kēia pōʻino a pau ma luna o mākou; ʻaʻole naʻe mākou i pule aku i mua o Iēhova ko mākou Akua, i huli mākou mai ko mākou hewa aku, a i ʻike i kou ʻoiaʻiʻo.

HOSEA 13:10

ʻAuhea hoʻi kou aliʻi, nāna e hoʻōla mai iā ʻoe ma kou mau kūlanakauhale a pau? ʻAuhea hoʻi kou mau luna kānāwai, nā mea āu i ʻōlelo ai, “E hāʻawi mai i aliʻi noʻu, a me nā luna?”

HOSEA 5:15

E hele au a e hoʻi aku i koʻu wahi, A e hoʻopaʻi ʻia lākou, a e ʻimi mai i kuʻu maka; I ko lākou wā pilikia e ʻimi koke mai lākou iaʻu.

HOSEA 7:10

Ke hōʻike mai nei ka haʻaheo o kā ʻIseraʻela ma kona maka; ʻAʻole lākou e hoʻi hou iā Iēhova i ko lākou Akua, ʻAʻole ʻimi aku iā ia no kēia mea a pau.

HOSEA 7:14

ʻAʻole lākou i auē mai iaʻu me ko lākou naʻau, i ka wā a lākou i auē ai ma luna o ko lākou wahi moe: Ua hoʻākoakoa lākou iā lākou iho no ka ʻai, a no ka waina hou, a ua kipi mai lākou iaʻu.

HOSEA 8:4

Ua hoʻāliʻi lākou i nā aliʻi, ʻaʻole ma oʻu nei; Ua hoʻonoho lākou i nā haku aʻu i ʻike ʻole ai; Ua hana lākou i ko lākou kālā, a me ko lākou gula i kiʻi no lākou, i mea e ʻoki ʻia aku ai lākou.

MIKA 2:1

¶ Auē ka poʻe e noʻonoʻo ana i ka ʻino, A e ʻimi ana i ka hewa, ma luna o ko lākou wahi moe! I ka mālamalama o ke ao, hana lākou ia mea; No ka mea, ma ka ikaika o ko lākou lima e hiki ai ia.