HOSEA 7:2 - Ka Baibala Hemolele

² ʻAʻole noʻonoʻo ko lākou naʻau i kuʻu hoʻomanaʻo ʻana i ko lākou hewa a pau; ʻĀnō, ua hoʻopuni kā lākou mau hana iā lākou; Eia nō lākou i mua o koʻu maka.

HOSEA 7:2 Iomraidhean Croise

KA BUKE NO IOBA 34:21

¶ “No ka mea, aia nō kona mau maka ma luna o nā ʻaoʻao o ke kanaka, A ua nānā nō i kona mau kapuaʻi a pau.

KA BUKE O NĀ HALELŪ 10:11

Ua ʻōlelo ihola ia i loko o kona naʻau, “Ua hoʻopoina ke Akua; Ua hūnā ʻo ia i kona maka, ʻaʻole loa ia e ʻike mai.”

KA BUKE O NĀ HALELŪ 25:7

Mai manaʻo mai ʻoe i nā hewa o koʻu wā ʻōpiopio, me nā hala oʻu. E hoʻomanaʻo mai ʻoe iaʻu e like me kou aloha, no kou lokomaikaʻi.

KA BUKE O NĀ HALELŪ 50:22

¶ “E hoʻomanaʻo ʻoukou i kēia, ʻānō, e ka poʻe hoʻopoina i ke Akua, O haehae aku au, ʻaʻole hoʻi he mea e ola ai.

KA BUKE O NĀ HALELŪ 9:16

Ua ʻikea ʻo Iēhova, ua hana mai ia i ka pono; Ua punihei ka mea kolohe i ka hana a kona mau lima iho. Hikaiona. Sila.

KA BUKE O NĀ HALELŪ 90:8

Ua kau nō ʻoe i ko mākou hewa i mua ou, A me kā mākou mea malū, ma ka mālamalama o kou maka.

KA WĀNANA A ʻISAIA 1:3

“Ua ʻike nō ka bipi i kona haku, A ʻo ka hoki hoʻi i kahi hānai o kona kahu; ʻO kā ʻIseraʻela, ʻaʻole ia i ʻike mai, ʻAʻole i mālama koʻu poʻe kānaka.”

KA WĀNANA A ʻISAIA 26:16

E Iēhova, ma loko o ke kaumaha, ua ʻimi aku lākou iā ʻoe, I ka wā i hoʻokaumaha ai ʻoe iā lākou, nonoi ikaika loa aku lākou.

KA WĀNANA A ʻISAIA 44:19

ʻAʻole ia i noʻonoʻo ma kona naʻau, ʻaʻohe hoʻi ona ʻike, a me ka naʻauao e ʻōlelo ai, “Ua puhi au i kauahi ma loko o ke ahi; ʻo ia nō, ua pūlehu au i ka palaoa ma nā lānahu ona, ua ʻōhinu au i ka ʻiʻo, a ua ʻai iho; a e hoʻolilo anei au i ke koena o ia mea, i mea hoʻopailua? A e kūlou anei au i ka paukū lāʻau?”

KA WĀNANA A ʻISAIA 5:12

ʻO ka mea kani, a me ka lira, ʻO ka pahu kani, a me ka hōkiokio, ʻO ka waina kekahi ma kā lākou ʻahaʻaina; ʻAʻole o lākou manaʻo i ka hana a Iēhova; A ʻo ka hana hoʻi a kona mau lima, ʻaʻole lākou i ʻike.

KA WĀNANA A IEREMIA 14:10

¶ Penei i ʻōlelo mai ai ʻo Iēhova i kēia poʻe kānaka, “Ua makemake nō lākou e hele hewa pēlā, ʻaʻole lākou i kāohi i ko lākou mau wāwae; no laila, ʻaʻole i ʻae mai ʻo Iēhova iā lākou; e hoʻomanaʻo nō ʻo ia i ko lākou hewa, a e hoʻopaʻi hoʻi i ko lākou hala.”

KA WĀNANA A IEREMIA 16:17

“No ka mea, e kau nō koʻu mau maka ma ko lākou ʻaoʻao a pau; ʻaʻole lākou e hoʻonalo ʻia i koʻu maka, ʻaʻole hoʻi e hoʻonalo ʻia ko lākou hewa, mai koʻu mau maka aku.

KA WĀNANA A IEREMIA 17:1

¶ Ua palapala ʻia ka hewa o kā Iuda, Me ka peni hao, me kahi ʻoi hoʻi o ka daimana; Ua kahakaha ʻia hoʻi ma ka papa o ko lākou naʻau, A ma nā pepeiaohao o ke kuahu;

KA WĀNANA A IEREMIA 2:19

“Na kou hewa iho nō e paʻipaʻi iā ʻoe, A na kou mau lawehala e aʻo mai iā ʻoe. E ʻike hoʻi ʻoe, a e hoʻomaopopo, he mea ʻino, A he mea walania hoʻi kou haʻalele ʻana iā Iēhova, i kou Akua, A me ka noho ʻole ʻana o ka makaʻu iaʻu i loko ou,” Wahi a Iēhova, ka Haku o nā kaua.

KA WĀNANA A IEREMIA 32:19

‘He nui ka naʻauao, he mana hoʻi i ka hana; no ka mea, e kaʻakaʻa ana kou mau maka ma luna iho o nā ʻaoʻao a pau o nā keiki a kānaka; e uku mai i kēlā mea i kēia mea e like me kona mau ʻaoʻao, a e like hoʻi me ka hua o kāna hana ʻana;

KA WĀNANA A IEREMIA 4:18

“Na kou ʻaoʻao, a me kāu hana ʻana I hoʻokau mai i kēia mau mea ma luna ou; Nou nō kēia hewa, He walania hoʻi ia; No ka mea, ua komo loa nō i loko o kou naʻau.”

KA WĀNANA A IEREMIA 44:21

“ʻO ka mea ʻala a ʻoukou i kuni ai ma nā kūlanakauhale o kā Iuda, a ma nā alanui o Ierusalema, ʻo ʻoukou, a me ko ʻoukou poʻe mākua, a me ko ʻoukou poʻe aliʻi, a me ko ʻoukou poʻe luna, a me nā kānaka o ka ʻāina, ʻaʻole anei i hoʻomanaʻo ʻo Iēhova ia mau mea, ʻaʻole anei i komo ia i loko o kona manaʻo?

KA WĀNANA A ʻEZEKIʻELA 21:29

‘I ko lākou ʻike ʻana i ka mea hoʻopunipuni nou, a i ko lākou kilokilo ʻana i ka wahaheʻe, e hāʻawi iā ʻoe ma luna o nā ʻāʻī o ka poʻe i pepehi ʻia, ʻo ka poʻe hewa, ua hiki mai ko lākou lā e oki ai ko lākou hewa.

HOSEA 12:2

He paio hoʻi ko Iēhova me kā Iuda, A e hoʻopaʻi aku ʻo ia iā Iakoba e like me kona mau ʻaoʻao; E hoʻouku aku kēlā iā ia e like me kāna hana.

HOSEA 4:9

A e like auaneʻi me nā kānaka, pēlā nō me ke kahuna; A e hoʻopaʻi aku au iā lākou e like me ko lākou mau ʻaoʻao, A e hoʻouku aku au iā lākou e like me kā lākou hana ʻana.

HOSEA 6:2

“Ma hope o nā lā ʻelua e hoʻōla mai ia iā kākou; I ke kolu o ka lā e hoʻokū mai ia iā kākou i luna, A e ola kākou i mua ona.

HOSEA 8:13

I ke kaumaha ʻana i kuʻu mau mōhai, ua kaumaha aku lākou i ka ʻiʻo, a ʻai ihola; ʻAʻole i ʻoluʻolu ʻo Iēhova iā lākou; ʻĀnō e hoʻomanaʻo ʻo ia i ko lākou hala; A e hoʻopaʻi hoʻi i ko lākou hewa; A e hoʻi hou lākou i ʻAigupita.

HOSEA 9:15

¶ ʻO ko lākou hewa a pau, aia ma Gilegala; No ka mea, ma laila au i inaina aku ai iā lākou; No ka hewa o kā lākou hana ʻana e kipaku aku ai au iā lākou mai koʻu hale aku, ʻAʻole au e aloha hou aku iā lākou; A ʻo ko lākou mau aliʻi, he poʻe kipi lākou!

HOSEA 9:9

Ua hana hewa nui lākou e like me nā lā o Gibea; No laila, e hoʻomanaʻo mai ia i ko lākou hala, A e hoʻopaʻi mai hoʻi i ko lākou mau hewa.

ʻAMOSA 8:7

¶ Ua hoʻohiki ʻo Iēhova ma ka nani o Iakoba, “ʻAʻole loa au e hoʻopoina i kā lākou mau hana a pau.

IONA 1:2

“E kū ʻoe, e hele i Nineva, i kēlā kūlanakauhale nui, e kāhea aku iā ia; no ka mea, ua piʻi mai ko lākou hewa i mua oʻu.”

KA BUKE ʻAHĀ A MOSE, I KAPA ʻIA NĀ HELU 32:23

“Akā, i hana ʻole ʻoukou pēlā, aia hoʻi, ua hana hewa aku ʻoukou iā Iēhova; a e ʻike pono ʻoukou e pili auaneʻi ko ʻoukou hewa iā ʻoukou iho.

KA ʻEUANELIO I KĀKAU ʻIA AI E LUKA 12:2

“No ka mea, ʻaʻohe mea i uhi ʻia e pau ʻole i ka wehe ʻia; ʻaʻole hoʻi mea i hūnā ʻia e pau ʻole i ka ʻike ʻia.

ʻO KA ʻEPISETOLE MUA A PAULO KA LUNAʻŌLELO I KO KORINETO 4:5

No ia mea, mai hoʻohewa ʻē i kekahi mea, a hiki mai ka Haku, nāna nō e hoʻomaopopo mai nā mea i hūnā ʻia o ka pouli, a e hōʻike mai hoʻi nā manaʻo o nā naʻau; a laila e loaʻa mai i kēlā kanaka a i kēia kanaka ka hoʻomaikaʻi ʻia, mai ke Akua mai.

KA BUKE ʻALIMA A MOSE, I KAPA ʻIA KĀNĀWAI LUA 32:29

‘Inā, i naʻauao lākou a i ʻike lākou i kēia, A i manaʻo lākou i ko lākou hope!

ʻO KA ʻEPISETOLE A PAULO KA LUNAʻŌLELO I KO HEBERA 4:13

ʻAʻohe mea nalo i kona maka; akā, ua wehe ʻia, a ua akāka loa nā mea a pau i ka maka o ka Mea iā ia kākou e haʻi aku ai.