HOSEA 7:16 - Ka Baibala Hemolele

¹⁶ Ua hoʻi hou lākou, ʻaʻole naʻe i ka Mea Kiʻekiʻe Loa; Ua like lākou me he kakaka hewa lā; E hāʻule nā aliʻi o lākou me ka pahi kaua, no ka hoʻokano o ko lākou alelo; ʻO kēia ko lākou hōʻino ma ka ʻāina ʻo ʻAigupita.

HOSEA 7:16 Iomraidhean Croise

HOSEA 9:3

ʻAʻole lākou e noho ma ka ʻāina o Iēhova; Akā, e hoʻi hou ʻo ʻEperaima i ʻAigupita; A e ʻai lākou i nā mea haumia ma ʻAsuria.

KA BUKE O NĀ HALELŪ 78:57

Huli hope lākou, a hoʻopunipuni e like me nā mākua o lākou; Ua huli lākou i hope, e like me ke kakaka lauwili.

KA WĀNANA A ʻEZEKIʻELA 23:32

“ʻŌlelo mai ʻo Iēhova ka Haku, penei, ‘E inu nō ʻoe i ko ke kīʻaha o kou kaikuaʻana He hohonu a he nui; A e henehene ʻia ʻoe A e ʻakaʻaka ʻia; No ka mea, he nui ko loko.

KA BUKE O NĀ HALELŪ 73:9

Ua hoʻokūʻē lākou i ko lākou waha i ka lani, A ua holoholo ko lākou alelo ma ka honua.

HOSEA 9:6

No ka mea, aia hoʻi, ua hele aku lākou mai ka luku aku; E hoʻākoakoa ʻo ʻAigupita iā lākou, E kanu aku nō ʻo Memepi iā lākou. A ʻo nā wahi maikaʻi i kūʻai ʻia no ko lākou kālā e paʻapū ia i ka pua kala; A ma loko o ko lākou mau halelewa e kupu ka lāʻau ʻoʻoi.

KA BUKE O NĀ HALELŪ 12:4

Kai ʻōlelo iho, “Me ko kākou alelo e lanakila ai kākou No kākou nō ko kākou mau lehelehe; ʻO wai lā ka haku ma luna o kākou?”

KA HŌʻIKE ʻANA A IOANE KA HAIPULE 13:5

A ua hāʻawi ʻia ka waha e ʻōlelo i nā mea nui a me nā mea hoʻomāʻinoʻino: a ua hāʻawi ʻia mai nāna e hana i nā malama hoʻokahi kanahā a me kumamālua.

ʻO KA ʻEPISETOLE HOʻOLAHA ʻALUA A PETERO 2:8

(no ka mea, ʻo ua kanaka pono lā, i kona noho pū ʻana me lākou, hōʻehaʻeha ʻo ia i kona naʻau pono i kēlā lā i kēia lā, i ka ʻike ʻana, a i ka lohe ʻana i kā lākou hana hewa ʻana);

ʻO KA ʻEPISETOLE HOʻOLAHA A IAKOBO 3:5

Pēlā hoʻi, he lālā ʻuʻuku ke alelo, a kaena nui aʻela ia. Aia hoʻi, ua hoʻaʻā ʻia he puʻu wahie nui e ka hunaahi!

KA ʻEUANELIO I KĀKAU ʻIA AI E LUKA 8:13

“A ʻo ka poʻe ma luna o ka pōhaku, a lohe lākou, ʻapo lākou i ka ʻōlelo me ka ʻoliʻoli; ʻaʻole hoʻi o lākou mole, manaʻoʻiʻo nō lākou i kekahi manawa, a i ka wā e hoʻāʻo ʻia ai, haʻalele nō lākou.

KA ʻEUANELIO I KĀKAU ʻIA AI E MATAIO 12:36

“Ke ʻōlelo aku nei au iā ʻoukou, ‘ʻO nā hua ʻōlelo ʻino a pau a nā kānaka e ʻōlelo ai, e hoʻokolokolo ʻia ana lākou ia mea, i ka lā e hoʻokolokolo ai.’

HOSEA 11:7

A ua manaʻo kuʻu poʻe kānaka e hoʻi i hope mai oʻu aku lā; A ua kāhea aku lākou iā lākou lā i ka Mea Kiʻekiʻe, ʻAʻole kekahi i hoʻokiʻekiʻe aku iā ia.

HOSEA 7:13

E auē lākou! No ka mea, ua ʻauana lākou mai oʻu aku lā; ʻO ka make ko lākou! No ka mea, ua kipi mai lākou iaʻu; ʻO wau kai hoʻōla iā lākou, A ʻo lākou kai ʻōlelo wahaheʻe mai iaʻu.

HOSEA 6:4

¶ E ʻEperaima, he aha kaʻu e hana aku ai iā ʻoe? E Iuda, he aha kaʻu e hana aku ai iā ʻoe? No ka mea, ʻo kā ʻoukou pono, ua like me ke ao kakahiaka, A ua like me ka hau e nalo koke ana.

KA WĀNANA A ʻEZEKIʻELA 36:20

“A komo lākou i waena o nā lāhui kanaka, kahi i hele aku ai lākou, ua hoʻohaumia lākou i koʻu inoa hoʻāno, i kā lākou ʻōlelo ʻana iā lākou, ‘Eia ka poʻe kānaka o Iēhova, a ua puka lākou mai kona ʻāina aku.’

KA WĀNANA A IEREMIA 18:18

¶ A laila, ʻōlelo maila lākou, “E hele mai, e ʻimi hala kākou no Ieremia; no ka mea, ʻaʻole e hāʻule ke kānāwai i ke kahuna, ʻaʻole hoʻi ka manaʻo akamai i ka poʻe akamai, a me ka ʻōlelo hoʻi i ke kāula. E hele mai, e hahau kākou iā ia i ke alelo; mai hoʻolohe kākou i kekahi o kāna mau ʻōlelo.”

KA WĀNANA A IEREMIA 3:10

“Akā, no kēia mau mea a pau, ʻaʻole i huli mai kona kaikuaʻana kipi iaʻu me kona naʻau a pau; akā, me ka wahaheʻe,” wahi a Iēhova.

KA WĀNANA A ʻISAIA 3:8

No ka mea, ua kūlanalana ʻo Ierusalema, ua hāʻule hoʻi ʻo Iuda; No ke kūʻē o ko lākou elelo a me kā lākou hana iā Iēhova, E hoʻonāukiuki aku i kona mau maka hanohano.

KA BUKE O NĀ HALELŪ 78:37

ʻAʻole i kūpaʻa ko lākou naʻau ma ke Akua, ʻAʻole hoʻi i hilinaʻi i kona berita.

KA BUKE O NĀ HALELŪ 57:4

¶ Eia koʻu ʻuhane i waena o nā liona; Ke moe nei au me ka poʻe i hoʻā ʻia, Nā keiki a kānaka o ko lākou mau niho he mau ihe me nā pua; A he pahi kaua ʻoi ko lākou alelo.

KA BUKE O NĀ HALELŪ 52:2

Ua hoʻomākaukau kou alelo i nā mea hewa; Me he pahi ʻumiʻumi lā, e hana malū ana.

KA BUKE O NĀ HALELŪ 12:3

E ʻoki ana nō ʻo Iēhova i nā lehelehe malimali a pau, A me ke alelo e haʻanui ana i nā mea nui;

KA BUKE O NĀ HALELŪ 17:10

Ua puni lākou i ko lākou momona; Ua ʻōlelo haʻaheo lākou me ko lākou waha.

KA BUKE NO DANIʻELA 7:25

‘A e ʻōlelo ia i nā mea nui kūʻē i ka Mea Kiʻekiʻe, a e hoʻokaumaha aku ia i ka poʻe haipule o ka Mea Kiʻekiʻe Loa, a e manaʻo iho nō ia e hoʻokāhuli i nā manawa, a me nā kānāwai; a e hāʻawi ʻia ua mau mea i loko o kona lima, a hiki i ka manawa, a me kekahi manawa, a me ka mahele o ka manawa.

HOSEA 11:5

¶ ʻAʻole ia e hoʻi hou i ka ʻāina ʻo ʻAigupita, Akā, ʻo kā ʻAsuria, ʻo ia kona aliʻi; No ka mea, ua hōʻole nō ia i ka hoʻi hou ʻana.

MALAKI 3:13

¶ “Ua ʻoʻoleʻa kā ʻoukou mau ʻōlelo kūʻē mai iaʻu,” wahi a Iēhova; “a ke nīnau mai nei ʻoukou, ‘He aha kā mākou i ʻōlelo kūʻē ai iā ʻoe?’

MALAKI 3:14

“Ua ʻōlelo ʻoukou, ‘He mea ʻole ka mālama i ke Akua; he aha hoʻi ka pōmaikaʻi ke mālama kākou i ka mea āna i kauoha mai ai, a ke hele hoʻi me ke kapa ʻeleʻele i mua o Iēhova o nā kaua?

KA BUKE O NĀ HALELŪ 12:5

“No ka luhi hewa ʻana o ka poʻe ʻilihune, No ka auē ʻana o ka poʻe kaniʻuhū, E kū ai au i luna ʻānō,” wahi a Iēhova, “E hoʻonoho au iā ia i kahi ola, ke puhi ʻia mai ia.”

KA WĀNANA A IEREMIA 42:18

¶ No ka mea, ke ʻōlelo mai nei ʻo Iēhova o nā kaua, ke Akua o kā ʻIseraʻela, “E like me ka ninini ʻana o koʻu huhū, a me koʻu ukiuki ma luna o ka poʻe e noho lā ma Ierusalema; pēlā nō e ninini ʻia ai koʻu ukiuki ma luna o ʻoukou, i ka wā e hiki aku ai ʻoukou i loko o ʻAigupita; a e lilo ʻoukou i mea hāʻiliʻili ʻia, a i mea e kāhāhā ai, a i mea pōʻino, a i mea hoʻowahāwahā ʻia; ʻaʻole hoʻi ʻoukou e ʻike hou mai i kēia wahi.”

HOSEA 9:4

ʻAʻole lākou e kaumaha aku i ka waina iā Iēhova, ʻAʻole ia e ʻoluʻolu mai ia mau mea. ʻO kā lākou mau mōhai, e like auaneʻi iā lākou me ka berena o ka poʻe e kanikau ana; ʻO ka poʻe a pau e ʻai iho ia mea e haumia lākou; No ka mea, ʻo kā lākou berena no ko lākou ola, ʻaʻole e lawe ʻia ʻo ia i loko o ka hale o Iēhova.