HOSEA 7:12 - Ka Baibala Hemolele

¹² A i ka wā e hele ai lākou, e hohola aku au i kaʻu ʻupena ma luna o lākou; A e lawe mai au iā lākou i lalo, e like me nā manu o ka lewa; A e hahau aku au iā lākou, e like me ka mea a ko lākou ʻaha kanaka i lohe ai.

HOSEA 7:12 Iomraidhean Croise

KA BUKE NO IOBA 19:6

“E ʻike ʻoukou ʻānō, ua hoʻokahuli mai ke Akua iaʻu, A ua hoʻopuni mai iaʻu i kāna ʻupena.

KE KAHUNA 9:12

No ka mea, ʻaʻole ʻike ke kanaka i kona manawa; e like me nā iʻa i hoʻohei ʻia i ka ʻupena ʻino, a e like me nā manu i pahele ʻia i loko o ke kīpuka, pēlā nō i pahele ʻia ai nā keiki a kānaka i ka wā ʻino, i hāʻule koke ia ma luna o lākou.

KA WĀNANA A IEREMIA 16:16

¶ “Aia hoʻi, e kiʻi aku nō wau i nā lawaiʻa he nui,” wahi a Iēhova, “a e loaʻa iā lākou nā Iudaio ma ka lawaiʻa ʻana; a ma hope iho, e kiʻi aku nō wau i nā mea ʻimi a nui, a na lākou nō e ʻimi i nā Iudaio, mai nā mauna mai a pau, a mai nā puʻu mai a pau, a mai nā lua o nā pōhaku mai.

KA WĀNANA A IEREMIA 44:4

‘A hoʻouna aku nō hoʻi au i kaʻu mau kauā a pau, i nā kāula, e ala ana i ka wanaʻao e hoʻouna, me ka ʻōlelo aku, “Ke noi aku nei au iā ʻoukou, mai hana i kēlā mea ʻino loa, aʻu e ukiuki nei.”

KA WĀNANA A ʻEZEKIʻELA 12:13

“E hohola hoʻi au i koʻu ʻupena ma luna ona, a e hei nō ia i kuʻu pahele; a e lawe au iā ia ma Babulona, ka ʻāina o ko Kaledea; ʻaʻole naʻe ia e ʻike aku ia, e make nō naʻe ʻo ia i laila.

KA WĀNANA A ʻEZEKIʻELA 17:20

“A e hohola au i kaʻu ʻupena ma luna ona, a e hei ʻo ia i kaʻu pahele; a e lawe au iā ia ma Babulona, a e hakakā au me ia i laila, no kona hewa āna i hana hewa mai ai iaʻu.

KA WĀNANA A ʻEZEKIʻELA 32:3

Ke ʻī mai nei Iēhova ka Haku penei, “No laila, e hohola aku au i kaʻu ʻupena ma luna ou Me ka lehulehu kanaka he nui, A e lawe mai lākou iā ʻoe i loko o kaʻu ʻupena.

HOSEA 5:9

A e neoneo auaneʻi ʻo ʻEperaima i ka lā e hoʻopaʻi ʻia ai; Ma waena o nā ʻohana o kā ʻIseraʻela ua hōʻike aku au i ka ʻoiaʻiʻo o ka mea e hiki mai ana.

KA HŌʻIKE ʻANA A IOANE KA HAIPULE 3:19

‘ʻO nā mea aʻu i aloha ai, ʻo ia kaʻu i aʻo aku ai, a i paipai ai hoʻi. No ia mea, e hoʻoikaika, a e mihi hoʻi.