HOSEA 7:11 - Ka Baibala Hemolele

¹¹ Ua like hoʻi ʻo ʻEperaima me he manu nūnū lā i hāwāwā, ʻaʻohe ona manaʻo; Kāhea aku lākou i ko ʻAigupita, A hele lākou i ko ʻAsuria.

HOSEA 7:11 Iomraidhean Croise

HOSEA 12:1

¶ Ke ʻai nei kā ʻEperaima i ka makani, A ke hahai nei hoʻi ia i ka makani hikina; Hoʻomāhuahua nō ia i nā lā a pau i ka hoʻopunipuni a me ka luku ʻana; A hana lākou i ka berita me ko ʻAsuria, A ua lawe ʻia aku ka ʻaila i ʻAigupita.

HOSEA 5:13

A ʻike ihola ʻo ʻEperaima i kona maʻi, a ʻo Iuda hoʻi i kona ʻeha, A laila, hele akula ʻo ʻEperaima i ʻAsuria, A hoʻouna akula i ke aliʻi kūʻē; ʻAʻole naʻe e hiki iā ia ke hoʻōla iā ʻoukou, ʻAʻole hoʻi e hoʻōla i ko ʻoukou ʻeha.

HOSEA 11:11

E haʻalulu lākou me he manu lā mai ʻAigupita mai, Me he manu nūnū lā mai ka ʻāina ʻo ʻAsuria mai; A e hoʻonoho au iā lākou ma loko o ko lākou mau hale iho, wahi a Iēhova.

HOSEA 4:11

¶ ʻO ka moekolohe, ʻo ka waina, a me ka waina hou, ʻo ia ke lawe aku i ka naʻau.

HOSEA 9:3

ʻAʻole lākou e noho ma ka ʻāina o Iēhova; Akā, e hoʻi hou ʻo ʻEperaima i ʻAigupita; A e ʻai lākou i nā mea haumia ma ʻAsuria.

HOSEA 14:3

“ʻAʻole e hoʻōla ko ʻAsuria iā mākou; ʻAʻole mākou e holo ma luna o ka lio; ʻAʻole hoʻi mākou e ʻōlelo hou aku i ka hana a ko mākou mau lima, ‘ʻO ʻoe ko mākou Akua’; No ka mea, ma ou lā e loaʻa ai i ka poʻe mākua ʻole ka lokomaikaʻi.”

KA WĀNANA A IEREMIA 2:36

“He aha kou mea e hele nui aku ai, e hoʻololi hou i kou ʻaoʻao? E hilahila nō hoʻi ʻoe iā ʻAigupita, e like me ʻoe i hilahila ai iā ʻAsuria.

KA WĀNANA A IEREMIA 2:18

“He aha hoʻi kāu ma ka ʻaoʻao o ʻAigupita, E inu ai i nā wai ʻo Sihora? He aha hoʻi kāu ma ka ʻaoʻao o ʻAsuria, E inu ai i nā wai o ka Muliwai?

NĀ ʻŌLELO AKAMAI A SOLOMONA 17:16

No ke aha lā kēia, he kumu kūʻai ma ka lima o ka mea lapuwale, E kūʻai aku ai i ke akamai, ʻaʻohe ona manaʻo ma laila?

NĀ ʻŌLELO AKAMAI A SOLOMONA 15:32

ʻO ka mea hōʻole i ke aʻo ʻia mai, ʻo ia kai hoʻowahāwahā i kona ʻuhane iho; ʻO ka mea hoʻolohe i ke aʻo ʻia mai e loaʻa iā ia ka naʻauao.

NĀ ʻŌLELO AKAMAI A SOLOMONA 6:32

ʻO ka mea moekolohe me ka wahine, ʻaʻole ona naʻauao; ʻO ka make o kona ʻuhane kāna i hana ai.

KA BUKE ʻALUA NO NĀ ALIʻI 15:19

¶ Hele mai ʻo Pula ke aliʻi o ʻAsuria i ka ʻāina; a hāʻawi akula ʻo Menahema iā Pula i hoʻokahi tausani tālena kālā, i kōkua mai ai kēlā iā ia e hoʻokūpaʻa i ke aupuni i loko o kona lima.

KA ʻEUANELIO I KĀKAU ʻIA AI E MATAIO 10:16

¶ “Eia hoʻi, ke hoʻouna aku nei au iā ʻoukou e like me nā hipa ma waena o nā ʻīlio hihiu hae; no ia mea, e maʻalea ʻoukou e like me nā nahesa, e noho mālie hoʻi e like me nā manu nūnū.

HOSEA 4:6

Ua luku ʻia koʻu poʻe kānaka no ka ʻike ʻole; No ka mea, ua hoʻowahāwahā ʻoe i ka ʻike, E hoʻowahāwahā aku hoʻi au iā ʻoe, ʻAʻole ʻoe e mālama i ka ʻoihana kahuna naʻu: A no kou hoʻopoina ʻana i ke kānāwai o kou Akua, ʻO wau hoʻi kekahi e hoʻopoina i kāu poʻe keiki.

HOSEA 5:4

ʻAʻole lākou i hoʻolilo i ko lākou manaʻo e huli hou i ko lākou Akua; No ka mea, he naʻau moekolohe i waena o lākou, ʻAʻole lākou i ʻike iā Iēhova.

HOSEA 8:13

I ke kaumaha ʻana i kuʻu mau mōhai, ua kaumaha aku lākou i ka ʻiʻo, a ʻai ihola; ʻAʻole i ʻoluʻolu ʻo Iēhova iā lākou; ʻĀnō e hoʻomanaʻo ʻo ia i ko lākou hala; A e hoʻopaʻi hoʻi i ko lākou hewa; A e hoʻi hou lākou i ʻAigupita.

HOSEA 9:6

No ka mea, aia hoʻi, ua hele aku lākou mai ka luku aku; E hoʻākoakoa ʻo ʻAigupita iā lākou, E kanu aku nō ʻo Memepi iā lākou. A ʻo nā wahi maikaʻi i kūʻai ʻia no ko lākou kālā e paʻapū ia i ka pua kala; A ma loko o ko lākou mau halelewa e kupu ka lāʻau ʻoʻoi.

KA BUKE ʻALUA NO NĀ ALIʻI 16:7

¶ A hoʻouna akula ʻo ʻAhaza i nā ʻelele iā Tigelata-Pilesera ke aliʻi o ʻAsuria, ʻī akula, “ʻO wau nō kāu kauā, a ʻo kāu keiki hoʻi; e piʻi mai ʻoe, a e hoʻopakele iaʻu mai ka lima mai o ke aliʻi o Suria, a mai ka lima mai o ke aliʻi o kā ʻIseraʻela, e kūʻē mai ana iaʻu.”

HOSEA 12:2

He paio hoʻi ko Iēhova me kā Iuda, A e hoʻopaʻi aku ʻo ia iā Iakoba e like me kona mau ʻaoʻao; E hoʻouku aku kēlā iā ia e like me kāna hana.

ʻOBADIA 1:7

“ʻO nā kānaka a pau o kāu berita, ua hoʻouna aku lākou iā ʻoe a i ka palena; ʻO nā kānaka e kuʻikahi ana me ʻoe, ua wahaheʻe lākou iā ʻoe, a ua lanakila lākou ma luna ou; ʻO ka poʻe e ʻai ana i kāu berena, ua waiho lākou i ka hei ma lalo iho ou; ʻAʻohe naʻauao i loko ona.