HOSEA 7:1 - Ka Baibala Hemolele

¹ ¶ I ka wā aʻu e hoʻihoʻi aku ai i ke pio ʻana o kuʻu poʻe kānaka, I kuʻu hoʻōla ʻana i kā ʻIseraʻela, a laila hōʻike ʻia mai ka hewa o ʻEperaima, A me nā mea ʻino o ko Samaria; No ka mea, ua hana lākou i ka wahaheʻe; A komo mai ka ʻaihue ma loko, A hao wale ka poʻe pōā ma waho.

HOSEA 7:1 Iomraidhean Croise

KA WĀNANA A ʻISAIA 28:1

¶ Auē ka lei hoʻokiʻekiʻe o nā mea ʻona ma ʻEperaima, Ka pua mae wale o kona nani maikaʻi, Ka mea ma ke poʻo o ka pāpū momona, ʻO nā mea i ʻona i ka waina!

KA WĀNANA A ʻISAIA 59:12

No ka mea, ua hoʻonui ʻia ko mākou hewa i mua ou, A ʻo ko mākou hewa ka mea hōʻike kūʻē iā mākou; No ka mea, me mākou nō ko mākou hewa, A ua ʻike hoʻi mākou i ko mākou hala;

KA WĀNANA A ʻISAIA 59:13

I ke kipi ʻana, a i ka hōʻole ʻana iā Iēhova, I ka huli ʻana hoʻi, mai ka hahai ʻana i ko mākou Akua, E kamaʻilio ana i ka ʻālunu, a me ka hoʻi hope, E manaʻo ana a e haʻi ana hoʻi, mai loko aku o ka naʻau i nā ʻōlelo wahaheʻe.

KA WĀNANA A ʻISAIA 59:14

A ua hoʻohuli hope ʻia ka hoʻopono, Ua kū mamao aku ka pono; No ka mea, ua hina ka ʻoiaʻiʻo ma ke alanui, ʻAʻole hoʻi e hiki i ka pololei ke komo mai.

KA WĀNANA A IEREMIA 51:9

Hoʻōla aku nō mākou iā Babulona, ʻaʻole ia i ola; E haʻalele iā ia, e hele hoʻi kēlā mea kēia mea o kākou i kona ʻāina iho; No ka mea, ua pā aku kona hoʻopaʻi ʻia i ka lani, Ua hāpai ʻia hoʻi, a i nā aouli.

KA WĀNANA A ʻEZEKIʻELA 16:46

“A ʻo kou kaikuaʻana, ʻo Samaria ia, ʻo ia me kāna mau kaikamāhine e noho ana ma kou lima hema. A ʻo kou kaikaina e noho ana ma kou lima ʻākau, ʻo ia ʻo Sodoma a me kāna mau kaikamāhine.

KA WĀNANA A ʻEZEKIʻELA 23:4

“A ʻo ko lāua mau inoa, ʻo ʻAhola ke kaikuaʻana, a ʻo ʻAholiba kona kaikaina; a naʻu nō lāua, a ua hānau lāua i nā keiki kāne a me nā kaikamāhine. Pēlā hoʻi ko lāua mau inoa, ʻo ʻAhola, ʻo Samaria ia, a ʻo ʻAholiba, ʻo Ierusalema ia.

KA WĀNANA A ʻEZEKIʻELA 24:13

“Aia i loko o kou haumia ʻana ka moekolohe; A no koʻu hoʻomaʻemaʻe ʻana iā ʻoe, ʻaʻole naʻe ʻoe i maʻemaʻe, No laila ʻaʻole ʻoe e maʻemaʻe ʻē A hoʻokau aku au i koʻu ukiuki a kau ia ma luna ou.

HOSEA 10:5

E makaʻu auaneʻi nā kānaka o Samaria no nā keiki bipi o Beta ʻAvena; No ka mea, e auē auaneʻi kona poʻe kānaka no ia mea; A e haʻalulu nā kāhuna no kona nani; No ka mea, ua nalowale ia.

HOSEA 11:12

¶ Ke hoʻopuni nei ʻo ʻEperaima iaʻu me ka hoʻopunipuni, A ʻo ka hale o kā ʻIseraʻela me ka wahaheʻe; Akā, ʻo kā Iuda, ke hoʻoaliʻi nei ʻo ia me ke Akua, A ke kūpaʻa nei ʻo ia me ka poʻe pono.

HOSEA 11:8

¶ Pehea lā wau e hoʻokuʻu aku ai iā ʻoe, e ʻEperaima? Pehea lā wau e hoʻolilo ai iā ʻoe, e kā ʻIseraʻela? Pehea lā wau e hana aku ai iā ʻoe e like me ʻAdema? Pehea hoʻi wau e hoʻokū ai iā ʻoe e like me Zeboima? Ua huli ʻia koʻu naʻau i loko oʻu, Ua hoʻāla pū ʻia hoʻi kuʻu minamina.

HOSEA 12:1

¶ Ke ʻai nei kā ʻEperaima i ka makani, A ke hahai nei hoʻi ia i ka makani hikina; Hoʻomāhuahua nō ia i nā lā a pau i ka hoʻopunipuni a me ka luku ʻana; A hana lākou i ka berita me ko ʻAsuria, A ua lawe ʻia aku ka ʻaila i ʻAigupita.

HOSEA 12:2

He paio hoʻi ko Iēhova me kā Iuda, A e hoʻopaʻi aku ʻo ia iā Iakoba e like me kona mau ʻaoʻao; E hoʻouku aku kēlā iā ia e like me kāna hana.

HOSEA 4:17

Ua hui pū ʻo ʻEperaima me nā kiʻi, E waiho aku iā ia.

HOSEA 4:2

ʻO ka hoʻohiki ʻino, ka hoʻopunipuni, ka pepehi kanaka, ka ʻaihue, a me ka moekolohe, Kā lākou i hoʻomāhuahua aʻe ai, a pili aku nō ke koko i ke koko.

HOSEA 5:1

¶ E hoʻolohe ʻoukou i kēia, e nā kāhuna, E hāliu mai ʻoukou, e ko ka hale o kā ʻIseraʻela, A e lohe nā pepeiao, e ko ka hale o ke aliʻi; No ka mea, no ʻoukou ka hoʻohewa, No ka mea, ua lilo ʻoukou i pahele ma Mizepa, A i ʻupena hohola hoʻi ma luna o Tabora.

HOSEA 6:4

¶ E ʻEperaima, he aha kaʻu e hana aku ai iā ʻoe? E Iuda, he aha kaʻu e hana aku ai iā ʻoe? No ka mea, ʻo kā ʻoukou pono, ua like me ke ao kakahiaka, A ua like me ka hau e nalo koke ana.

HOSEA 7:13

E auē lākou! No ka mea, ua ʻauana lākou mai oʻu aku lā; ʻO ka make ko lākou! No ka mea, ua kipi mai lākou iaʻu; ʻO wau kai hoʻōla iā lākou, A ʻo lākou kai ʻōlelo wahaheʻe mai iaʻu.

HOSEA 8:5

He mea hoʻopailua kou keiki bipi, e Samaria. “Ua hoʻaʻā ʻia kuʻu inaina iā lākou!” Pehea lā ka lōʻihi a loaʻa iā lākou ka maʻemaʻe?

HOSEA 8:9

No ka mea, ua piʻi aʻela lākou i ʻAsuria, me he hoki hihiu, ʻo ia wale nō! Ua hoʻolimalima ʻo ʻEperaima i nā mea aloha.

ʻAMOSA 3:10

“ʻAʻole lākou e ʻike e hana i ka pono,” wahi a Iēhova, “hōʻiliʻili lākou i ka waiwai ʻālunu, a i ka mea kāʻili wale, i loko o ko lākou mau hale aliʻi.”

ʻAMOSA 3:9

¶ E haʻi aku ma nā hale aliʻi i ʻAsedoda, a ma nā hale aliʻi i ka ʻāina ʻo ʻAigupita, a e ʻī aku, “E hoʻākoakoa ʻia ʻoukou ma luna o nā mauna o Samaria, a e nānā i ka haunaele nui i waenakonu ona, a i nā hoʻokaumaha ʻana i loko ona.

ʻAMOSA 8:14

“ʻO ka poʻe e hoʻohiki ma ka hewa o Samaria, a ʻī iho, ‘E ola ana kou Akua, e Dana; a e ola ana ka ʻaoʻao o Beʻereseba’; E hāʻule nō hoʻi lākou, ʻaʻole loa e ala hou aʻe.”

MIKA 6:16

“No ka mea, ua mālama ʻia nā kānāwai o ʻOmeri, A me nā hana a pau a ko ka hale o ʻAhaba, A ua hele ʻoukou ma ko lākou manaʻo; No laila, e hoʻolilo aku ai au iā ʻoe i neoneo, A i kona poʻe kānaka i mea hoʻowahāwahā ʻia; A e lawe ʻoukou i ka hōʻino o kuʻu poʻe kānaka.”

KA ʻEUANELIO I KĀKAU ʻIA AI E MATAIO 23:37

¶ “E Ierusalema, e Ierusalema! Ka mea nāna i pepehi i nā kāula, a i hailuku hoʻi i ka poʻe i hoʻouna ʻia mai i ou nei; nani kuʻu makemake e hōʻuluʻulu mai i kāu poʻe keiki, e like me ka hōʻuluʻulu ʻana a ka moa i kāna ʻohana keiki ma lalo iho o kona mau ʻēheu; ʻaʻole naʻe ʻoukou i makemake mai.

KA ʻEUANELIO I KĀKAU ʻIA AI E LUKA 13:34

“E Ierusalema, Ierusalema, e ka mea i pepehi i ka poʻe kāula, a i hailuku i ka poʻe i hoʻouna ʻia aʻe iā ʻoe; ua makemake pinepine au e hōʻuluʻulu mai i kāu mau keiki, e like me kā ka moa hōʻuluʻulu ʻana i kāna ʻohana ma lalo aʻe o kona mau ʻēheu, ʻaʻole hoʻi ʻoukou i makemake!

KA ʻEUANELIO I KĀKAU ʻIA AI E LUKA 19:42

ʻī ihola, “Inā ʻoe i hoʻomanaʻo, ʻo ʻoe, i kēia lā ou, i kāu mau mea e malu ai! Akā ʻānō hūnā ʻia nō ia i kou mau maka.