HOSEA 6:3 - Ka Baibala Hemolele

³ “A laila e ʻike kākou, ke hahai kākou e ʻike iā Iēhova; Ua mākaukau kona hele ʻana aku, e like me ka wanaʻao; A e hele mai ia iā kākou e like me ka ua; E like me ke kuāua mua, a me ke kuāua hope ma luna o ka honua.”

HOSEA 6:3 Iomraidhean Croise

KA BUKE ʻALUA A SAMUʻELA 23:4

‘A e like ia me ka mālamalama o ke kakahiaka i ka puka ʻana o ka lā, Me ke kakahiaka i uhi ʻole ʻia e ke ao; A e like hoʻi me ka mauʻu ʻōpiopio mai loko mai o ka honua, E kupu ana ma ka mālamalama aʻiaʻi ma hope iho o ka ua.’

KA BUKE NO IOBA 29:23

“Kakali lākou iaʻu e like me ka ua; A hāmama loa lākou i ko lākou waha, no ke kuāua hope.

KA BUKE O NĀ HALELŪ 19:4

Ua pae akula kā lākou aʻo ʻana i nā ʻāina a pau. Ua hiki akula kā lākou ʻōlelo i nā wēlau o ka honua; Ma loko o lākou i kūkulu ai ʻo ia i halelewa no ka lā;

KA BUKE O NĀ HALELŪ 19:6

Mai ka wēlau mai o ka lani kona hele ʻana; A ua hiki kona pōʻai ʻana i nā welelau o ke ao; ʻAʻole mea i hūnā ʻia i kona wela.

KA BUKE O NĀ HALELŪ 63:8

Ke hahai ikaika nei koʻu ʻuhane ma muli ou; Ke kōkua paʻa mai nei kou lima ʻākau iaʻu.

KA BUKE O NĀ HALELŪ 65:9

¶ Ke kipa mai nei ʻoe i ka honua, a hoʻopiha iā ia a hū i waho; Ke hoʻonui wale nei ʻoe i kona waiwai me ko ke Akua kahawai i piha i ka wai; Ke hoʻomākaukau nei ʻoe i palaoa na lākou, No ka mea, pēlā nō ʻoe i hoʻoponopono ai ia.

KA BUKE O NĀ HALELŪ 72:6

E iho mai nō ia e like me ka ua ma luna o ka ʻāina mauʻu i ʻoki ʻia; Me nā kulu ua hoʻi i hoʻopulu iho i ka honua.

NĀ ʻŌLELO AKAMAI A SOLOMONA 4:18

Akā, ʻo ke ala o ka poʻe pono, ua like ia me ka mālamalama e ʻaʻā ana, E māhuahua mau ana i ke awakea loa.

KA WĀNANA A ʻISAIA 2:3

A e nui loa nā kānaka e hele me ka ʻōlelo, “E hele mai e piʻi kākou i ka mauna o Iēhova, I ka hale hoʻi o ke Akua o Iakoba; Nāna nō e aʻo mai iā kākou i kona mau ʻaoʻao, I hele ai kākou ma kona mau alanui.” No ka mea, mai Ziona aku e laha aku ai ke kānāwai, A ʻo ka ʻōlelo a Iēhova hoʻi, mai Ierusalema aku.

KA WĀNANA A ʻISAIA 32:15

A ninini ʻia ka ʻUhane mai luna mai ma luna o kākou, A lilo ka wao nahele i mahina ʻai hua nui, A manaʻo ʻia hoʻi ka mahina ʻai hua nui, he ulu lāʻau.

KA WĀNANA A ʻISAIA 44:3

‘No ka mea, e ninini aku au i ka wai ma luna o ka mea i make wai, A me nā waikahe ma luna o nā ʻāina maloʻo; E ninini aku au i koʻu ʻUhane ma luna o kāu pua, A me koʻu hoʻopōmaikaʻi ma luna o kāu poʻe mamo.

KA WĀNANA A ʻISAIA 5:6

“E ʻānai loa nō wau ia wahi; ʻAʻole ia e paʻipaʻi ʻia, ʻaʻole hoʻi e ʻōlaʻolaʻo ʻia; Akā, e ulu nō ke kākalaioa ma laila, a me ka lāʻau kalakala; A naʻu nō e kauoha aku i nā ao, I ua ʻole mai lākou i ka ua ma luna ona.”

KA WĀNANA A ʻISAIA 54:13

“E aʻo ʻia nō hoʻi kāu mau keiki a pau e Iēhova, A e nui loa auaneʻi ka pōmaikaʻi o kāu mau keiki.

KA WĀNANA A IEREMIA 24:7

‘A e hāʻawi nō wau iā lākou i naʻau e ʻike mai ai iaʻu, ʻo wau nō ʻo Iēhova; a ʻo lākou auaneʻi koʻu poʻe kānaka, a ʻo wau auaneʻi ko lākou Akua; no ka mea, e hoʻi mai nō lākou iaʻu me ko lākou naʻau a pau.

KA WĀNANA A ʻEZEKIʻELA 36:25

“A laila, e pīpī aku ai au i ka wai maʻemaʻe ma luna o ʻoukou, a e maʻemaʻe hoʻi ʻoukou; i ko ʻoukou haumia a pau, a me ko ʻoukou mau akua kiʻi a pau, e hoʻomaʻemaʻe aku ai au iā ʻoukou.

HOSEA 10:12

E lūlū ʻoukou no ʻoukou iho, ma ka pono, E ʻohi ʻoukou ma ka lokomaikaʻi; E waele i ko ʻoukou mahina ʻai; No ka mea, he manawa kēia e ʻimi iā Iēhova, A hiki mai ia, a aʻo aku i ka pono iā ʻoukou.

HOSEA 14:5

E like auaneʻi au me ka hau i kā ʻIseraʻela; E pua auaneʻi ʻo ia e like me ka līlia, A e kolo leʻa kona mau aʻa e like me Lebanona.

HOSEA 14:6

A e pālahalaha aku kona mau lālā, A e like auaneʻi kona nani me ka lāʻau ʻoliva, E like hoʻi kona ʻala me Lebanona.

HOSEA 2:20

“A e hoʻopalau aku nō hoʻi au iā ʻoe naʻu ma ka ʻoiaʻiʻo: A e ʻike aku ʻoe iā Iēhova.

MIKA 4:2

A e hele nā lāhui kanaka he nui, a e ʻōlelo aku, “E hele mai, a e piʻi aku kākou i ka mauna o Iēhova, A i ka hale o ke Akua o Iakoba; A e aʻo mai ia iā kākou i kona mau ʻaoʻao, A e hele kākou ma kona mau alanui.” No ka mea, e hele ke kānāwai mai Ziona aku, A ʻo ka ʻōlelo a Iēhova mai Ierusalema aku.

MIKA 5:2

“A ʻo ʻoe, Betelehema ʻEperata, Ka mea ʻuʻuku i waena o nā tausani o Iuda, Mai loko mai ou e hele mai ai i oʻu nei, Ka mea e aliʻi ana i loko o kā ʻIseraʻela; Ma mua mai kona puka ʻana, mai ka manawa kahiko loa mai.”

MIKA 5:7

¶ A ʻo ke koena o Iakoba I waena o nā lāhui kanaka he nui, E like ia me ka hau mai o Iēhova mai, Me ka ua ma luna o ka weuweu, Ka mea kali ʻole no ke kanaka, ʻAʻohe hoʻi e hoʻokaʻulua no ke keiki a ke kanaka.

ZEKARIA 10:1

¶ E noi aku ʻoukou iā Iēhova i ka ua i ka manawa ua hope; E hana mai ʻo Iēhova i ka uila, A e hāʻawi mai iā lākou i ka ua nui, I kēlā kanaka i kēia kanaka i ka lāʻau iki ʻai o ke kula.

MALAKI 4:2

“Akā, no ʻoukou ka poʻe weliweli i koʻu inoa, e puka mai ana ka Lā o ka Pono, me ka mea hoʻōla i loko o kona mau ʻēheu; a e hele aku ʻoukou, a e lele ʻoliʻoli, e like me nā bipi keiki i kūpalu ʻia.

KA ʻEUANELIO I KĀKAU ʻIA AI E MATAIO 13:11

ʻŌlelo maila ʻo ia iā lākou, ʻī maila, “No ka mea, ua hāʻawi ʻia aku iā ʻoukou e ʻike i nā mea pohihihi o ke aupuni o ka lani, ʻaʻole naʻe i hāʻawi ʻia aku iā lākou.

KA ʻEUANELIO I KĀKAU ʻIA AI E LUKA 1:78

No ka lokomaikaʻi ʻiʻo o ko kākou Akua; No kahi mea i puka mai ai ka Mālamalama iā kākou mai luna mai,

KA ʻEUANELIO I KĀKAU ʻIA AI E IOANE 17:3

“Eia ke ola mau loa, i ʻike lākou iā ʻoe i ke Akua ʻoiaʻiʻo hoʻokahi, a iā Iesū ka Mesia, ka Mea āu i hoʻouna mai ai.

KA ʻEUANELIO I KĀKAU ʻIA AI E IOANE 7:17

“Inā makemake kekahi e hana i kona makemake, e ʻike nō ia i ka mea aʻu e ʻōlelo nei, na ke Akua mai ia, ʻaʻole naʻu iho.

NĀ ʻOIHANA A KA POʻE LUNAʻŌLELO 17:11

ʻOi aku ko lākou nei maikaʻi, i ko Tesalonike; no ka mea, ua ʻapo mai lākou i ka ʻōlelo me ka manaʻo koke, huli nō hoʻi lākou i kēlā lā i kēia lā ma ka Palapala Hemolele, inā paha he ʻoiaʻiʻo kēia mau mea.

KA BUKE ʻALIMA A MOSE, I KAPA ʻIA KĀNĀWAI LUA 32:2

“E hāʻule iho kuʻu aʻo ʻana e like me ka ua, E heleleʻi iho kaʻu ʻōlelo e like me ka hau, Me ka ua liʻiliʻi hoʻi ma luna o ka lau nahele hou, A me ka ua nui ma luna o ka weuweu.

ʻO KA ʻEPISETOLE A PAULO KA LUNAʻŌLELO I KO HEBERA 3:14

No ka mea, e loaʻa mai ana nō ʻo Kristo iā kākou, ke hoʻopaʻa kākou i ko kākou manaʻo pono mua i mau a hiki i ka hopena;

ʻO KA ʻEPISETOLE HOʻOLAHA ʻALUA A PETERO 1:19

Eia hoʻi iā kākou kā nā kāula ʻōlelo, i hōʻoiaʻiʻo loa ʻia; ua hana pono nō hoʻi ʻoukou i ko ʻoukou mālama ʻana ia mea, me he kukui lā, e hoʻomālamalama ana i kahi pouli, a wehe mai ke alaula, a puka mai ka hōkūao i loko o ko ʻoukou mau naʻau.

KA HŌʻIKE ʻANA A IOANE KA HAIPULE 22:16

¶ “ʻO wau, ʻo Iesū, ua hoʻouna aku au i koʻu ʻānela, e hōʻike aku iā ʻoukou i kēia mau mea ma nā ʻekalesia. ʻO wau nō ke Kumu a me ka Mamo a Dāvida; ʻo wau nō ka Hōkūao Mālamalama.”