HOSEA 5:7 - Ka Baibala Hemolele

⁷ Ua hana hoʻopunipuni akula lākou iā Iēhova; No ka mea, ua hoʻohānau lākou i nā keiki ʻē; ʻĀnō e hoʻopau ʻia auaneʻi lākou i ka malama hoʻokahi, a me ko lākou waiwai.

HOSEA 5:7 Iomraidhean Croise

KA BUKE O NĀ HALELŪ 144:11

E unuhi mai ʻoe iaʻu, a e hoʻopakele mai hoʻi iaʻu, I ka lima o nā keiki malihini, Ka poʻe mea waha ʻōlelo wahaheʻe, A ʻo ko lākou lima ʻākau, he lima ʻākau hoʻopunipuni;

KA BUKE O NĀ HALELŪ 144:7

E kīkoʻo mai ʻoe i kou lima mai luna mai; A e unuhi mai iaʻu a e hoʻopakele hoʻi iaʻu ma loko aku o nā wai nui, Mai ka lima aku hoʻi o nā keiki malihini;

KA WĀNANA A ʻISAIA 1:14

“Ua ukiuki koʻu naʻau i ko ʻoukou mau Mahina Hou, a me ko ʻoukou hālāwai ʻana; He mau mea kaumaha ia iaʻu, Ua luhi au i ka halihali ʻana.

KA WĀNANA A ʻISAIA 48:8

“ʻO ia, ʻaʻole ʻoe i lohe, ʻaʻole hoʻi ʻoe i ʻike; ʻO ia, mai ia manawa mai, ʻaʻole i hoʻohakahaka ʻia kou pepeiao; No ka mea, ʻike mua nō wau e hana ana ʻoe me ka hoʻopunipuni nui loa, A mai ka ʻōpū mai, ua kapa ʻia hoʻi ʻoe ʻo Kipi.

KA WĀNANA A ʻISAIA 59:13

I ke kipi ʻana, a i ka hōʻole ʻana iā Iēhova, I ka huli ʻana hoʻi, mai ka hahai ʻana i ko mākou Akua, E kamaʻilio ana i ka ʻālunu, a me ka hoʻi hope, E manaʻo ana a e haʻi ana hoʻi, mai loko aku o ka naʻau i nā ʻōlelo wahaheʻe.

KA WĀNANA A IEREMIA 3:20

“ʻOiaʻiʻo, e like me ka wahine haʻalele ʻino i kāna kāne, Pēlā ʻoukou i haʻalele ʻino mai ai iaʻu, E ko ka hale o kā ʻIseraʻela,” wahi a Iēhova.

KA WĀNANA A IEREMIA 5:11

“No ka mea, ua hana wahaheʻe loa mai iaʻu Ko ka hale o kā ʻIseraʻela, a me ko ka hale o Iuda,” wahi a Iēhova.

KA WĀNANA A ʻEZEKIʻELA 12:28

“No laila e ʻōlelo aku iā lākou, ‘Ke ʻī mai nei ʻo Iēhova ka Haku, pēnēia, “ʻAʻole ʻōlelo aʻu e hoʻopaneʻe hou ʻia aku; akā, e hoʻokō ʻia aku ka ʻōlelo aʻu i ʻōlelo ai,”’” wahi a Iēhova ka Haku.

HOSEA 2:11

“A e hoʻopau aku au i kona leʻaleʻa a pau, I kāna mau ʻahaʻaina, i kona mau Mahina Hou, i kona mau lā Sābati, a me kona mau ʻahaʻaina a pau.

HOSEA 2:4

“ʻAʻole au e aloha aku i kāna poʻe keiki; No ka mea, he poʻe keiki lākou na ka moekolohe.

HOSEA 6:7

Akā, e like me kānaka, ua haʻi iā lākou ka berita; I laila ua hana hoʻopunipuni mai lākou iaʻu.

HOSEA 7:13

E auē lākou! No ka mea, ua ʻauana lākou mai oʻu aku lā; ʻO ka make ko lākou! No ka mea, ua kipi mai lākou iaʻu; ʻO wau kai hoʻōla iā lākou, A ʻo lākou kai ʻōlelo wahaheʻe mai iaʻu.

ZEKARIA 11:8

ʻEkolu mau kahu hipa aʻu i hōʻoki iho ai i ka malama hoʻokahi; no ka mea, ua pauaho kuʻu naʻau iā lākou; a ua inaina mai hoʻi ko lākou naʻau iaʻu.