HOSEA 5:6 - Ka Baibala Hemolele

⁶ A e hele lākou me kā lākou poʻe hipa, a me kā lākou poʻe bipi e ʻimi iā Iēhova, Akā, ʻaʻole e loaʻa iā lākou; Ua hele ia mai o lākou aku.

HOSEA 5:6 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 10:9

ʻĪ akula ʻo Mose, “E hele pū nō mākou me ko mākou poʻe ʻōpiopio a me ko mākou poʻe ʻelemākule, me nā keiki kāne a me nā kaikamāhine a mākou, me kā mākou hipa, a me kā mākou bipi mākou e hele aku ai; no ka mea, he ʻahaʻaina kā mākou no Iēhova.”

NĀ ʻŌLELO AKAMAI A SOLOMONA 1:28

“A laila, e hea mai lākou iaʻu, ʻaʻole au e pane aku; E ʻimi koke lākou iaʻu ʻaʻole e loaʻa mai;

NĀ ʻŌLELO AKAMAI A SOLOMONA 15:8

ʻO ka mōhai o ka poʻe hewa, he hoʻopailua ia iā Iēhova; ʻO ka pule a ka poʻe pololei, ʻo ia kona makemake.

NĀ ʻŌLELO AKAMAI A SOLOMONA 21:27

ʻO ka mōhai o ka poʻe hewa, he hoʻopailua ia; Ua ʻoi aku hoʻi ka hewa, ke lawe ʻo ia ia mea me ka manaʻo ʻino.

KE MELE A SOLOMONA 5:6

“Ua wehe aʻe au no kaʻu mea i aloha ai; Akā, ʻo kaʻu mea i aloha ai, ua huli aʻe ia, a hele akula; Ua lele koʻu ʻōʻili i kāna ʻōlelo ʻana mai; Ua ʻimi au iā ia, ʻaʻole naʻe i loaʻa, Ua kāhea aku au iā ia, ʻaʻole naʻe i ʻekemu mai.

KA WĀNANA A ʻISAIA 66:3

¶ “ʻO ka mea kālua i ka bipi, he pepehi kanaka ia, ʻO ka mea mōhai i ka hipa, haʻi nō ʻo ia i ka ʻāʻī o ka ʻīlio; ʻO ka mōhai makana, he koko puaʻa nō ia; ʻO ka mea kuni i ka mea ʻala, hoʻomaikaʻi nō ʻo ia i ke akua kiʻi; ʻO ia, ua koho lākou i ko lākou ʻaoʻao iho, A ʻoliʻoli nō ko lākou naʻau i ko lākou mea hoʻopailua.

KA WĀNANA A IEREMIA 11:11

No laila, ke ʻōlelo mai nei ʻo Iēhova penei, “Aia hoʻi, e lawe mai nō wau i ka hewa ma luna o lākou, i ka mea hoʻi e hiki ʻole ai iā lākou ke pakele aku; a inā kāhea mai lākou iaʻu, ʻaʻole au e hoʻolohe aku iā lākou.

KA WĀNANA A IEREMIA 11:14

¶ “No laila, mai pule ʻoe no kēia poʻe kānaka, ʻaʻole hoʻi e hoʻokiʻekiʻe i ke kāhea ʻana, a me ka pule ʻana no lākou; no ka mea, ʻaʻole au e hoʻolohe i ka wā e kāhea mai ai lākou iaʻu no ko lākou pōpilikia.

KA WĀNANA A IEREMIA 14:12

“Iā lākou e hoʻokē ʻai ai, ʻaʻole au e hoʻolohe i ko lākou kāhea ʻana; a iā lākou e kaumaha ai i ka mōhai kuni, a me ka mōhai makana, ʻaʻole au e ʻae aku iā lākou; akā, e hoʻopau nō wau iā lākou i ka pahi kaua, a i ka wī, a i ka maʻi ahulau.”

KA WĀNANA A IEREMIA 7:4

“Mai hilinaʻi ʻoukou ma nā ʻōlelo wahaheʻe, me ka ʻōlelo iho, ‘Ka luakini o Iēhova, ka luakini o Iēhova, ka luakini o Iēhova, kēia mau mea.’

KE KANIKAU A IEREMIA 3:44

Ua uhi nō ʻoe iā ʻoe iho i ke ao, I komo ʻole aku ai ka pule.

KA WĀNANA A ʻEZEKIʻELA 8:18

“No laila ʻo wau nō kekahi e hana aku me ka ukiuki; ʻaʻole e aloha kuʻu maka, ʻaʻole hoʻi au e menemene aku; a inā e kāhea lākou i loko o koʻu mau pepeiao me ka leo nui, ʻaʻole au e hoʻolohe aku iā lākou.”

KA WĀNANA A ʻEZEKIʻELA 8:6

A ʻōlelo hou maila ia, “E ke keiki a ke kanaka, ke ʻike nei anei ʻoe i ka mea a lākou e hana nei? Nā mea e inaina ʻia a ka ʻohana a ʻIseraʻela i hana ai ma kēia wahi, i hele lōʻihi aku ai au mai koʻu keʻena kapu aku? Akā, e hāliu hou aʻe ʻoe, a e ʻike ʻoe i nā mea e inaina ʻia he nui aku.”

HOSEA 8:13

I ke kaumaha ʻana i kuʻu mau mōhai, ua kaumaha aku lākou i ka ʻiʻo, a ʻai ihola; ʻAʻole i ʻoluʻolu ʻo Iēhova iā lākou; ʻĀnō e hoʻomanaʻo ʻo ia i ko lākou hala; A e hoʻopaʻi hoʻi i ko lākou hewa; A e hoʻi hou lākou i ʻAigupita.

ʻAMOSA 8:12

“A e ʻauana lākou mai ke kai a hiki i ke kai, a mai ke kūkulu ʻākau, a ka hikina, E holo lākou ma ʻō a ma ʻō, e ʻimi ana i ka ʻōlelo a Iēhova, ʻaʻole e loaʻa.

MIKA 3:4

A laila, e kāhea aku lākou iā Iēhova, Akā, ʻaʻole ia e hoʻolohe mai iā lākou; A e hūnā nō ia i kona maka mai o lākou aku i kēlā manawa; No ka mea, ua hana hewa lākou ma ko lākou noʻonoʻo ʻana.

MALAKI 1:10

“ʻO wai lā ka mea o ʻoukou e pani wale i nā puka? ʻAʻole ʻoukou e kuni makehewa ma luna o kuʻu kuahu. ʻAʻole au i ʻoluʻolu iā ʻoukou, wahi a Iēhova o nā kaua; “ʻaʻole hoʻi e maliu au i ka mōhai na ko ʻoukou lima mai.

KA ʻEUANELIO I KĀKAU ʻIA AI E LUKA 5:16

Hele akula ia i nā wahi mehameha, a pule ihola.

KA ʻEUANELIO I KĀKAU ʻIA AI E IOANE 7:34

“E ʻimi auaneʻi ʻoukou iaʻu, ʻaʻole e loaʻa; a ma koʻu wahi e noho ai, ʻaʻole loa ʻoukou e hiki aku.”