HOSEA 5:3 - Ka Baibala Hemolele

³ Ua ʻike au iā ʻEperaima, ʻAʻole hoʻi i hūnā ʻia kā ʻIseraʻela mai oʻu aku lā; No ka mea, ʻānō, e ʻEperaima, ua moekolohe nō ʻoe, A ua haumia ʻo kā ʻIseraʻela.

HOSEA 5:3 Iomraidhean Croise

KA WĀNANA A ʻISAIA 7:16

“No ka mea, ma mua o ka ʻike ʻana o ke keiki e hōʻole i ka hewa, a e koho hoʻi i ka pono, e neoneo ʻē nō ka ʻāina o ua mau aliʻi lā ʻelua āu e makaʻu nei.

KA WĀNANA A ʻISAIA 7:17

“Na Iēhova nō e hoʻopuka mai ma luna ou, a ma luna hoʻi o kou poʻe kānaka, a ma luna o ka hale o kou makua kāne, i nā lā i hiki ʻole mai ai ma mua, mai ka wā mai o ko ʻEperaima haʻalele ʻana i kā Iuda; i ke aliʻi no ʻAsuria.”

KA WĀNANA A ʻISAIA 7:5

‘No ka ʻimi hala o ko Suria iā ʻoe, a me ʻEperaima, a me ke keiki a Remalia, i ka ʻī ʻana aʻe,

HOSEA 1:2

¶ ʻO ka mua o ka ʻōlelo a Iēhova ma Hosea. ʻŌlelo maila ʻo Iēhova iā Hosea, “E hele ʻoe, a e lawe i wahine moekolohe nāu, a i nā keiki moekolohe hoʻi; no ka mea, ua moekolohe nu ko ka ʻāina, i ka haʻalele ʻana iā Iēhova.”

HOSEA 12:1

¶ Ke ʻai nei kā ʻEperaima i ka makani, A ke hahai nei hoʻi ia i ka makani hikina; Hoʻomāhuahua nō ia i nā lā a pau i ka hoʻopunipuni a me ka luku ʻana; A hana lākou i ka berita me ko ʻAsuria, A ua lawe ʻia aku ka ʻaila i ʻAigupita.

HOSEA 13:1

¶ I ka wā i ʻōlelo ai ʻo ʻEperaima, he haʻalulu, Ua hoʻokiʻekiʻe ʻia ʻo ia i loko o kā ʻIseraʻela; Akā, i kāna hana hewa ʻana ma Baʻala, make ihola ia.

HOSEA 13:5

ʻO wau kai ʻike iā ʻoe ma ka wao nahele, Ma ka ʻāina panoa.

HOSEA 5:11

Ua hoʻoluhi ʻia ʻo ʻEperaima, ua hoʻokaumaha ʻia ma ka hoʻohewa; No ka mea, ua leʻaleʻa ʻo ia i ka hele ʻana ma muli o ke kauoha.

HOSEA 5:13

A ʻike ihola ʻo ʻEperaima i kona maʻi, a ʻo Iuda hoʻi i kona ʻeha, A laila, hele akula ʻo ʻEperaima i ʻAsuria, A hoʻouna akula i ke aliʻi kūʻē; ʻAʻole naʻe e hiki iā ia ke hoʻōla iā ʻoukou, ʻAʻole hoʻi e hoʻōla i ko ʻoukou ʻeha.

HOSEA 5:9

A e neoneo auaneʻi ʻo ʻEperaima i ka lā e hoʻopaʻi ʻia ai; Ma waena o nā ʻohana o kā ʻIseraʻela ua hōʻike aku au i ka ʻoiaʻiʻo o ka mea e hiki mai ana.

HOSEA 6:10

Ma loko o ka ʻohana a ʻIseraʻela ua ʻike au i ka mea weliweli; Ma laila ka moekolohe o ʻEperaima, Ua haumia kā ʻIseraʻela.

HOSEA 6:4

¶ E ʻEperaima, he aha kaʻu e hana aku ai iā ʻoe? E Iuda, he aha kaʻu e hana aku ai iā ʻoe? No ka mea, ʻo kā ʻoukou pono, ua like me ke ao kakahiaka, A ua like me ka hau e nalo koke ana.

HOSEA 8:11

¶ No ka mea, ua hoʻomāhuahua ʻo ʻEperaima i nā kuahu no ka hewa, A e lilo nā kuahu nona e hewa ai.

ʻAMOSA 3:2

“ʻO ʻoukou wale nō kaʻu i ʻike ai, ma mua o nā ʻohana a pau o ka honua; No ia mea, e hoʻopaʻi aku ai au iā ʻoukou no ko ʻoukou hewa a pau.”

ʻAMOSA 5:12

No ka mea, ua ʻike au, he nui wale ko ʻoukou lawehala ʻana, A me ko ʻoukou mau hewa nui; E hoʻopilikia ana i ka poʻe hoʻopono, e lawe ana i ka uku kīpē, A e hoʻokahuli ana i ka pono o ka poʻe ʻilihune ma ka puka pā.

KA BUKE ʻALIMA A MOSE, I KAPA ʻIA KĀNĀWAI LUA 33:17

“Me ka hānau mua o kona poʻe bipi, pēlā kona nani, ʻO nā kiwi o ka bipi hihiu, ʻo ia kona mau kiwi; Me ia mea e ʻō aku ia i nā kānaka ma kahi hoʻokahi, a i nā mokuna o ka honua; ʻO ia nā ʻumi tausani o ʻEperaima, a ʻo ia nā tausani o Manase.”

ʻO KA ʻEPISETOLE A PAULO KA LUNAʻŌLELO I KO HEBERA 4:13

ʻAʻohe mea nalo i kona maka; akā, ua wehe ʻia, a ua akāka loa nā mea a pau i ka maka o ka Mea iā ia kākou e haʻi aku ai.

KA HŌʻIKE ʻANA A IOANE KA HAIPULE 3:15

‘Ua ʻike nō au i kāu hana ʻana, ʻaʻole ʻoe i anu, ʻaʻole hoʻi i wela. Ua makemake au iā ʻoe e anu, a i ʻole, e wela nō.