HOSEA 5:10 - Ka Baibala Hemolele

¹⁰ Ua like nā aliʻi o kā Iuda me ka poʻe hoʻoneʻe i ka palena ʻāina; No laila e ninini aku au i koʻu huhū ma luna o lākou me he wai lā.

HOSEA 5:10 Iomraidhean Croise

KA BUKE O NĀ HALELŪ 32:6

No ia mea, e pule aku iā ʻoe nā haipule i ka wā e loaʻa ai ʻoe; ʻOiaʻiʻo, i ke kahe ʻana o nā wai nui, ʻaʻole ia e kokoke iā ia.

KA BUKE O NĀ HALELŪ 69:24

E ninini iho nō ʻoe i kou inaina ma luna o lākou; A e loʻohia lākou i kou huhū wela.

KA BUKE O NĀ HALELŪ 88:17

Hele pōʻai maila lākou iaʻu, me he wai lā; Hoʻopuni maila lākou iaʻu.

NĀ ʻŌLELO AKAMAI A SOLOMONA 17:14

E like me ka hoʻokahe ʻana o ka wai, Pēlā ka hoʻomaka ʻana o ka hakakā; No laila, e oki ʻē i ka hakakā ma mua o kona māhuahua ʻana.

NĀ ʻŌLELO AKAMAI A SOLOMONA 22:28

¶ Mai hōneʻeneʻe ʻoe i nā mokuna ʻāina kahiko, Nā mea a kou poʻe kūpuna i hoʻonoho ai.

KA WĀNANA A ʻISAIA 1:23

He poʻe hoʻokekeʻe kou poʻe aliʻi, He poʻe hoa no nā ʻaihue; Ua makemake lākou a pau i ka waiwai kīpē, Ua ʻimi nō i ka uku ʻia mai; ʻAʻole lākou i hoʻopono i nā keiki makua ʻole, ʻAʻole hoʻi i hiki i mua o lākou ka mea hoʻopono ʻia o ka wahine kāne make.

KA WĀNANA A ʻEZEKIʻELA 22:22

‘Me he kālā lā i hoʻoheheʻe ʻia i waenakonu o ka umu hoʻoheheʻe, pēlā ʻoukou e hoʻoheheʻe ʻia ai i loko ona; a e ʻike ʻoukou ua ninini aku au i koʻu huhū, ma luna o ʻoukou.’”

KA WĀNANA A ʻEZEKIʻELA 7:8

‘ʻĀnō, e ninini koke aku au i koʻu ukiuki ma luna ou, a e hoʻokō i koʻu huhū ma luna ou; a e hoʻopaʻi au iā ʻoe e like me kou mau ʻaoʻao, a e uku aku au iā ʻoe no kou mau mea inaina ʻia a pau.

KA ʻEUANELIO I KĀKAU ʻIA AI E MATAIO 7:27

“A hāʻule maila ka ua, kahe maila ka wai, nou maila ka makani, a pā ma ua hale nei, a hiolo ihola ia; nani wale hoʻi kona hiolo ʻana.”

KA ʻEUANELIO I KĀKAU ʻIA AI E LUKA 6:49

“Akā, ʻo ka mea i hoʻolohe, ʻaʻole e hoʻi i mālama, ua like ia me ke kanaka i kūkulu i ka hale ma luna o ka lepo, me ke kumu ʻole; ma laila i pā ikaika mai ai ka waikahe, a hiolo koke ihola nō ia, a nui ihola ka hiolo ʻana o ua hale lā.”

KA BUKE ʻALIMA A MOSE, I KAPA ʻIA KĀNĀWAI LUA 19:14

¶ “Mai hoʻoneʻe aku ʻoe i ka palena ʻāina o kou hoalauna a ka poʻe kahiko i hoʻonoho ai ma kou ʻāina, āu i loaʻa ai ma ka ʻāina a Iēhova kou Akua e hoʻolilo mai ai nou.

KA BUKE ʻALIMA A MOSE, I KAPA ʻIA KĀNĀWAI LUA 27:17

¶ ‘E pōʻino ke kanaka ke hoʻoneʻe aku ia i ka palena ʻāina o kona hoalauna.’ A ʻo nā kānaka a pau e ʻōlelo mai, ‘Pēlā ʻiʻo nō!’